Jeremias 22:3 - Chol: I T’an Dios

³ Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Chol de Tumbalá Bible

³ Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 22:3 Iomraidhean Croise

2 Samuel 23:3

Jini i Dios Israel tsa'ix i yʌlʌ jini t'an. Jini xuc'ul bʌ ti' tojlel israelob tsa'ix i pejcayon: “Jini mu' bʌ i cha'len yumʌl ti toj mi caj i ch'ʌm i ye'tel ti' tojlel winicob. An i yumʌntel come mi' bʌc'ñan Dios.

2 Reyob 24:4

Come Manasés tsi' tsʌnsa cabʌl winicob mach bʌ añobic i mul ya' ti Jerusalén. Lac Yum ma'anic tsi' ñusʌbe i mul.

Job 22:9

Che jach meq'uel i c'ʌb tsa' choco majlel meba' x'ixic. Tsa' tic'la meba' alʌlob mach bʌ anobic i coltʌntel.

Job 24:9

Jini xjontolilob mi' chilbeñob i yalobilob meba' x'ixicob yic'ot ja'el jini alʌlob woliyo' bʌ ti chu'. Ma'anix mi' chʌn sutq'uibeñob i ña' cha'an i bet.

Salmos 68:5

I Tatʌch jini meba' alʌlob. I yaj Coltaya meba' x'ixicob, Jini Dios am bʌ ti Ch'ujul bʌ Ajñibʌl.

Salmos 82:4

Coltañob loq'uel ti wocol jini an to bʌ yom i cha'añob yic'ot jini p'ump'uño' bʌ. Chucuyob loq'uel ti' p'ʌtʌlel jini jontolo' bʌ.

Salmos 94:21

Mi' temob i t'an cha'an mi' tsʌnsañob jini toj bʌ. Mi' yʌc'ob ti chʌmel jini mach bʌ añobic i mul.

Salmos 94:6

Mi' tsʌnsañob meba' x'ixicob yic'ot meba' alʌlob yic'ot jini ch'oyolo' bʌ ti yambʌ lum tac.

Exodo 22:21

Mach ma' lotin jini mach bʌ a pi'ʌlic ch'oyol bʌ ti yambʌ lum, come parte ba' ch'oyoletla che' bʌ ya' añetla ti Egipto.

Exodo 22:22

Mach mi la' tic'lan meba' x'ixic yic'ot meba' alʌl.

Proverbios 23:10

Mach ma' lux majlel i cayajonlel i lum meba' x'ixic. Mach ma' chilbeñob i lum meba' alʌlob.

Proverbios 6:17

Jini mu' bʌ i chañ'esan i bʌ, jini mu' bʌ i cha'len lot, jini mu' bʌ i tsʌnsan jini toj bʌ,

Isaias 1:23

Jini yumʌlob la' cha'an xñusa t'añob, i pi'ʌlobʌch xujch'. Mi ch'ʌmob taq'uin cha'an mi' mucbeñob i mul i pi'ʌlob. Mu' jach i sʌclañob i majtan. Ma'anic mi' wen coltañob jini meba'ob. Ma'anic mi' p'isob ti wenta i wocol t'an jini meba' x'ixicob.

Isaias 58:6

Jini ch'ajb mu' bʌ c mulan jiñʌch che' ma' cʌy a tic'lan a pi'ʌlob. Yom ma' mel chuqui uts'at ti' tojlel x'e'telob a cha'an. Ac'ʌ ti colel jini woli bʌ i yubiñob i tic'lʌntel. Tuc'u cadena tac mu' bʌ' i cʌchet.

Isaias 58:7

Yom ma' t'oxbeñob i bʌl a ñʌc' jini wi'ñayo' bʌ. Pʌyʌ ochel ti a wotot jini mach bʌ anic i yotot. Aq'ueñob i pislel jini mach bʌ añobic i cha'an. Mach yomic ma' mujcun a bʌ che' mi' tilelob i c'ajtin chuqui yomob a pi'ʌlob jump'ejl bʌ a tat a ña'.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 21:12

I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 26:16

Jini yumʌlob yic'ot xtejclumob tsi' subeyob motomajob yic'ot x'alt'añob: Ma'anic i mul ili winic cha'an mi' chʌmel, come tsi' pejcayonla ti' c'aba' lac Yum Dios, che'ob.

Jeremias 5:28

Cabʌl i wo'lel ti' bʌl i ñʌc'. Jujp'emobix. Mi' ñumel ti p'is i jontolil. Mach yujilobic toj bʌ meloñel. Ma'anic mi' coltañob meba' alʌlob ti' tojlel i contra. Ma'anic mi' coltañob jini mach bʌ añobic i mul.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Jeremias 9:24

Jini mu' bʌ i chañ'esan i bʌ, la' i ña'tan an i ñuclel cha'an woli' ch'ʌmben isujm yic'ot cha'an woli' cʌñon i Yumon. Wolic pʌsben i yutslel c pusic'al. Mic cha'len chuqui toj. Mic mel winicob x'ixicob ti toj ila ti pañimil. Come tijicñayon che' bajche' jini.

Ezequiel 18:12

mi tsi' tic'la jini p'ump'un bʌ am bʌ i wocol, mi yujil xujch', mi ma'anic tsi' sutq'uibe i prenda jini am bʌ i bet, mi tsa' majli ba'an dios tac cha'an mi' mel chuqui tac bibi',

Ezequiel 18:7

Ma'anic mi' tic'lan i pi'ʌlob. Mi' cha' sutq'uiben i prenda jini xbet taq'uin. Ma'anic mi' cha'len xujch'. Mi' yʌq'uen i c'ux waj jini am bʌ i wi'ñal. Mi' yʌq'uen i pislel jini pits'il bʌ.

Ezequiel 22:7

Jini ch'itoñob yic'ot xch'ocob mi' ts'a'leñob i tatob yic'ot i ña'ob. Mi la' tic'lan jini ñajt bʌ ch'oyolob yic'ot jini meba' alʌlob yic'ot meba' x'ixicob.

Ezequiel 45:9

Che'ʌch woli yʌl lac Yum Dios: Yumʌlo' bʌ ti Israel, jasʌlix tsa' la' mele mulil. Cʌyʌxla jini leto yic'ot xujch'. Melexla chuqui toj. Cʌyʌxla la' tic'lan c tejclum, che' woli' yʌl lac Yum.

Joel 3:19

Mi caj i jisʌntel Egipto yic'ot Edom cha'an i jontolil ti' contra i p'olbal Judá, come tsi' tsʌnsayob winicob x'ixicob mach bʌ añobic i mul.

Levitico 19:15

Mach yomic jelel mi la' cha'len meloñel cha'an mi la' tic'lan jini p'ump'un bʌ, cha'an mi la' coltan jini wen chumul bʌ. Toj yom mi la' mel la' pi'ʌlob.

Amos 5:15

Ts'a'lenla jontolil. C'uxbinla chuqui uts'at. Cha'lenla toj bʌ meloñel. Mi che'ʌch mi la' mel, uts'at mi caj i q'uel lac Yum, i Dios Panchan yic'ot Pañimil. Tic'ʌl mi caj i pʌsbeñob i yutslel i pusic'al i colojbal José mu' bʌ caj i coltʌntelob.

Amos 5:24

La' jubic tilel toj bʌ meloñel che' bajche' yolocña bʌ ja'. La' ajnic toj bʌ a melbal che' bajche' cuxul bʌ ja' mach bʌ yujilic tiquin.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Miqueas 6:8

Tsa'ix i pʌsbeyet chuqui uts'at ti' wut. Jini jach woli' c'ajtibeñet. Mele chuqui tac toj. Pʌsʌ i yutslel a pusic'al yic'ot c'uxbiya. Peq'uesan a bʌ ti' tojlel a Dios.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 23:23

¡Mi caj la' taj wocol sts'ijbayajob yic'ot fariseojob! ¡Cha'p'ejl jax la' pusic'al! Come mi la' loc'san i diezmojlel jini pimel i c'aba menta yic'ot yambʌ i c'aba' enelto yic'ot yambʌ i c'aba' comino. Pero mi la' ñusan ñumen ñuc tac bʌ i mandar Dios, jiñʌch toj bʌ meloñel yic'ot p'untaya yic'ot chuqui yom ñopol. Yom mi la' jac' ili mandar. Mach yomic mi la' cʌy la' wʌq'uen i diezmojlel la' chubʌ'an.

Deuteronomio 10:18

Lac Yum mi' coltan meba' alʌlob yic'ot meba' x'ixicob. Mi caj i melob mu' bʌ i tic'lañob. Mi' c'uxbin ja'el jini ñajt bʌ ch'oyolob mu' bʌ i cʌyob i lumal cha'an mi' chumtʌlob ti lac tojlel. Muq'uix i yʌq'uenob i bʌl i ñʌc' yic'ot i pislel.

Deuteronomio 24:17

Mach yomic ma' tic'lan jini mach bʌ mero anic i lumal ti la' tojlel yic'ot jini meba'o' bʌ. Mach yomic ma' ch'ʌmben i pislel jini meba' x'ixic cha'an i q'uexol i bet.

Deuteronomio 24:7

Mi tsa' taja juntiquil am bʌ i mul cha'an tsi' xujch'i yambʌ, mi ch'iton mi xch'oc ti' tojlel israelob, mi tsi' yʌc'ʌ ti majtan e'tel, yic'ot mi tsi' choño, wersa yom mi' chʌmel jini xujch'. La' jilic ti la' tojlel jini yujil bʌ melol che' bajche' jini.

Deuteronomio 25:1

Che' woliyob ti leto cha'tiquilob, che' mi' majlel i melob i bʌ ba'an jini juez, an ti' wenta jini juez cha'an mi' tsictesan ti toj jini mach bʌ anic i mul. Mi caj i yʌq'uen i toj i mul jini tsa' bʌ i mele mulil.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

Santiago 1:27

Jini mu' bʌ i ch'ujutesan Dios ti isujm, mach bʌ anic i bibi'lel ti' tojlel Dios lac Tat, jiñʌch mu' bʌ i coltan meba' alobob yic'ot meba' x'ixicob. Mi' chʌcʌ q'uel i bʌ ame i ñopben i sojquemal pañimil.