Jeremias 22:2 - Chol: I T’an Dios

² “Ubin i t'an lac Yum, reyet bʌ ti Judá, woli bʌ a cha'len yumʌntel ti' buchlib David. La' i yubiñob ja'el pejtel x'e'telob a cha'an yic'ot pejtel winicob x'ixicob mu' bʌ i yochelob ti' ti' tac tejclum.

Chol de Tumbalá Bible

² “Ubin i t'an lac Yum, reyet bʌ ti Judá, woli bʌ a cha'len yumʌntel ti' buchlib David. La' i yubiñob ja'el pejtel x'e'telob a cha'an yic'ot pejtel winicob x'ixicob mu' bʌ i yochelob ti' ti' tac tejclum.

Jeremias 22:2 Iomraidhean Croise

1 Reyob 22:19

Pero Micaías tsi' cha' alʌ: Yom ma' ñich'tʌben i t'an lac Yum. Tsaj q'uele lac Yum ya' buchul ti panchan. Pejtelel ya' bʌ añob ti panchan junlajal wa'alob ti' ñoj ti' ts'ej.

Isaias 1:10

Winicob año' bʌ la' we'tel ti Israel, lajaletla bajche' i yumob Sodoma yic'ot Gomorra. Wen ñich'tanla chuqui mi' yʌl lac Yum. Ubinla i mandar Dios.

Isaias 28:14

Jini cha'an winicob chumulet bʌ la ti Jerusalén, ñich'tʌbenla i t'an lac Yum jatetla mu' bʌ la' cha'len wajal.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 13:18

Lac Yum woli' yʌl: Suben jini rey yic'ot i ña': “Loq'uenla ba' buchuletla ti rey. Buchi'ixla ti tem, come tsa'ix chilbentiyetla jini corona i yejtal bʌ la' p'ʌtʌlel”.

Jeremias 19:3

Subeñob: “Ubinla i t'an lac Yum, pejtel reyob ti Judá yic'ot pejtel chumulo' bʌ ti Jerusalén. I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel cha'an la' mul. Wolic chocbeñetla tilel wocol. Ch'inlaw i chiquin mu' bʌ caj i yubiñob.

Jeremias 22:1

Lac Yum woli' subeñon: Cucu ti' yotot jini rey ti Judá. Suben ili t'an:

Jeremias 22:4

Mi xuc'ul mi la' mel che' bajche' wolic subeñetla, mi' cajelob ti ochel ti rey i p'olbalob David wʌ' ti' buchlib David ti ili otot. C'ʌchʌlob mi caj i cha'leñob xʌmbal. C'ʌchʌlob ja'el jini x'e'telob i cha'añob yic'ot pejtel mu' bʌ i yumañob.

Jeremias 29:20

Jini cha'an ubinla i t'an lac Yum, pejteletla ti Babilonia, chocbiletla loq'uel ti Jerusalén.

Jeremias 34:2

Lac Yum, i Dios Israel, woli' yʌl: Cucu pejcan Sedequías rey bʌ ti Judá. Suben: “Lac Yum woli' yʌl: Awila to mi caj cʌc' ili tejclum ti' c'ʌb jini rey ti Babilonia. Mi caj i pul yic'ot c'ajc.

Jeremias 36:30

Jini cha'an mi caj a suben Joacim rey bʌ ti Judá: Ti pejtelel i yalobil ma'anic mi juntiquilic mu' bʌ caj ti yumʌl ti' buchlib David ti pejtelel ora. Che' mi' chʌmel, mi' caj ti chojquel i bʌc'tal ti pam lum ba' mi' pulel ti q'uin ba' mi' tsʌñ'an ti ac'ʌlel.

Ezequiel 34:7

Jini cha'an jatetla, xcʌntayajob, ubibenla i t'an lac Yum:

Amos 7:16

Jini cha'an ubiben i t'an lac Yum: Jatet ma' wʌl: “Mach ma' cha'len subt'an ti Israel. Mach ma' cha'len subt'an ti' contra i yalobilob Isaac”, che'et.

Lucas 1:32

Mi caj i q'uejlel ti ñuc. Mi caj i pejcʌntel ti' Yalobil jini C'ax Ñuc bʌ. Lac Yum Dios mi caj i yʌq'uen i ye'tel ti Rey ti' q'uexol i ñojte'el, i c'aba' David.