Jeremias 22:10 - Chol: I T’an Dios

¹⁰ Mach yomic mi la' wuc'tan jini chʌmeño' bʌ. Mach la' p'untañob. Cha'lenla uq'uel cha'an majlemob ti ñajt bʌ lum jini cuxulo' bʌ, come ma'anix mi caj i chʌn sujtelob i q'uel i lumal ti pejtelel ora.

Chol de Tumbalá Bible

¹⁰ Mach yomic mi la' wuc'tan jini chʌmeño' bʌ. Mach la' p'untañob. Cha'lenla uq'uel cha'an majlemob ti ñajt bʌ lum jini cuxulo' bʌ, come ma'anix mi caj i chʌn sujtelob i q'uel i lumal ti pejtelel ora.

Jeremias 22:10 Iomraidhean Croise

2 Reyob 22:20

Jini cha'an ma'anic mi caj i yujtel ili wocol che' cuxulet to. Ma'anic mi caj a q'uel ili wocol mu' bʌ caj c choc tilel ti ili lum. Che' tsi' yʌlʌ lac Yum”. Che'ʌch yom mi la' suben jini rey, che'en Hulda.

2 Reyob 23:29

Ti jim bʌ ora Necao jini rey ti Egipto tsa' majli i contrajin jini rey ti Asiria ya' ti colem ja' i c'aba' Eufrates. Josías tsa' majli i taj jini rey ti Egipto ti' bijlel Asiria. Jini rey Necao tsi' tsʌnsa ya' ti Meguido che' bʌ tsi' q'uele.

2 Cronicas 36:4

Jini rey Necao ti Egipto tsi' wa'choco ti rey Eliaquim (i yijts'in Joacaz) cha'an mi' cha'len yumʌl ti Judá yic'ot ti Jerusalén. Tsi' q'uextʌbe i c'aba' Eliaquim. Tsi' yotsʌbe i c'aba' Joacim. Jini Necao tsi' cʌchʌ majlel Joacaz ti Egipto.

Eclesiastes 4:2

Tsa cʌlʌ tijicñayob jini chʌmeñobix bʌ, come ma'anix woli' yubiñob wocol bajche' jini cuxulob to bʌ.

Isaias 57:1

Jini toj bʌ winic mi' chʌmel. Ma'anic majch mi' c'o'otan. Jini xuc'ul bʌ winicob mi' chʌmelob che' maxto i yorajlelic. Jini cuxulob to bʌ ma'anic mi' wis ña'tañob pʌybil jini toj bʌ i cha'an Dios ba' mach i q'ueleyic jini wocol mu' bʌ caj i tilel ti' tojlelob.

Jeremias 16:7

Ma'anic majqui mi caj i chocbeñob caxlan waj jini woliyo' bʌ ti uq'uel. Ma'anic majqui mi caj i yʌq'ueñob i jap vino cha'an mi' ñʌjch'el i pusic'al meba'ob cha'an chʌmenix i tat i ña'.

Jeremias 22:11

Lac Yum woli' yʌl: Mach chʌn talix Salum i yalobil Josías rey bʌ ti Judá. Wʌ' tsi' cha'le yumʌl ti' buchlib i tat ti jini jach bʌ otot jinto tsa' cʌjchi majlel. Mach chʌn sujtix ilayi ti pejtelel ora.

Jeremias 22:18

Jini cha'an lac Yum tsi' yʌlʌ: Ma'anic majqui mi caj i yuc'tan Joacim (i yalobil Josías) rey bʌ ti Judá. Ma'anic mi caj i yuc'tañob i yijts'iñob mi i pi'ʌlob, mi i winicob, mi yaño' bʌ mu' bʌ i yumañob.

Jeremias 22:27

Mi caj la' ña'tan sujtel ti la' lumal che' wen ch'ijiyem la' pusic'al, pero ma'anix mi caj la chʌn sujtel.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 28:4

Mi caj c cha' pʌy tilel Jeconías (i yalobil Joacim) rey bʌ ti Judá yic'ot pejtel jini cʌchbilo' bʌ tsa' bʌ pʌjyiyob majlel ti Babilonia. Mi caj c jisʌben i p'ʌtʌlel jini rey ti Babilonia cha'an mi' yʌc'ob ti colel”. Che' tsi' yʌlʌ lac Yum, che'en Hananías.

Jeremias 42:18

Che' bajche' tsac chocbeyob tilel wocol jini chumulo' bʌ ti Jerusalén che' wen mich'on, che' ja'el mi caj c mich'leñetla che' mi la' majlel ti Egipto. Junyajlel ch'ijiyem mi caj la' cʌytʌl. Mi caj la' p'ajtʌl. Mi caj la' wʌ'lentel. Ma'anix mi caj la' chʌn q'uel la' lumal”. Che' woli' yʌl lac Yum.

Jeremias 44:14

Ti pejtelob tsa' bʌ tiliyob ti Egipto mi caj i jilelob ilayi. Ma'anic majqui mi caj i sujtel ti' lumal Judá ba' yomob chumtʌl, jini jach mu' bʌ i tʌts'ob i bʌ ti' tojlel i pi'ʌlob cha'an mi' sujtelob, che'en lac Yum.

Lamentaciones 4:9

Tijicñayob jini tsa' bʌ chʌmiyob ti espada. P'ump'uñob jini woliyo' bʌ ti chʌmel ti wi'ñal. C'unte' woli' chʌmelob cha'an ma'anic i bʌl i ñʌc'.

Ezequiel 24:16

I yalobil winic, wʌle mi caj c chilbeñet a wijñam mu' bʌ i yʌq'ueñet i tijicñʌyel a pusic'al, pero mach ma' mel a pusic'al. Mach ma' cha'len uq'uel yic'ot tsic pusic'al.

Lucas 23:28

Jesús tsi' sutq'ui i bʌ cha'an mi' q'uelob. Tsi' subeyob: X'ixicob añet bʌ la ti Jerusalén, mach mi la' wuc'tañon. Uc'tan la' bʌ. Uc'tan la' walobilob ja'el.