Jeremias 21:9 - Chol: I T’an Dios

⁹ Jini mu' bʌ i cʌytʌl ti tejclum mi' caj ti chʌmel ti espada yic'ot ti wi'ñal yic'ot ti c'amʌjel. Pero jini mu' bʌ i loq'uel ti tejclum cha'an mi' yʌc' i bʌ ti' wenta la' contrajob cuxul mi caj i yajñel ti' wenta caldeojob. Mi caj i yʌq'uentel i cuxtʌlel ti' majtan jach cha'an mi caj i p'untʌntel ti' yum.

Chol de Tumbalá Bible

⁹ Jini mu' bʌ i cʌytʌl ti tejclum mi' caj ti chʌmel ti espada yic'ot ti wi'ñal yic'ot ti c'amʌjel. Pero jini mu' bʌ i loq'uel ti tejclum cha'an mi' yʌc' i bʌ ti' wenta la' contrajob cuxul mi caj i yajñel ti' wenta caldeojob. Mi caj i yʌq'uentel i cuxtʌlel ti' majtan jach cha'an mi caj i p'untʌntel ti' yum.

Jeremias 21:9 Iomraidhean Croise

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 21:7

I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 24:10

Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Jeremias 27:11

Pero pejtel tejclum mu' bʌ i yuman jini rey ti Babilonia, mi tsi' yʌc'ʌ i bʌ cha'an cuchijel, mi caj i chʌn chumtʌl ti' lumal cha'an mi' chʌn q'uel i lum”. Che'ʌch tsac subeyob che' bajche' tsi' yʌlʌ lac Yum.

Jeremias 27:12

Tsac sube ja'el Sedequías rey bʌ ti Judá: Yom ma' yuman jini rey ti Babilonia. Ch'ʌmben i yugo cha'an ma' melben i ye'tel mi a wom cuxtʌyel.

Jeremias 27:13

¿Chucoch a wom a wʌc' a bʌ ti chʌmel yic'ot a pi'ʌlob, ti espada yic'ot ti wi'ñal yic'ot ti c'amʌjel? Come ti jujump'ejl tejclum mi' cajelob ti jilel jini mach bʌ anic mi' yumañob jini rey ti Babilonia.

Jeremias 38:2

Lac Yum woli' yʌl: “Mi caj i chʌmelob ti espada yic'ot ti wi'ñal yic'ot ti c'amʌjel pejtel mu' bʌ i cʌytʌlob ti ili tejclum, pero mi caj i cuxtʌyelob pejtel mu' bʌ i yʌc'ob i bʌ ti' c'ʌb jini caldeojob. Mi caj i mʌjlel i cha'an caldeojob. Cuxul mi caj i yajñelob jini mu' bʌ i yumañob.

Jeremias 38:3

Ili tejclum mi caj i yʌjq'uel ti' c'ʌb la' contrajob mu' bʌ i yumañob jini rey ti Babilonia. Mi caj i ch'ʌmob. Che' woli' yʌl lac Yum”, che'en Jeremías.

Jeremias 39:18

Mi caj j coltañet. Ma'anic mi caj a chʌmel ti espada. Mi caj cʌq'ueñet a cuxtʌlel che' bajche' a majtan cha'an tsa' ñopoyon”. Che' yom ma' suben, che'en lac Yum.

Jeremias 45:5

¿Woli ba a ñop a pʌs a bʌ ti ñuc? Mach yomic. Ña'tan, mi caj cʌc' ti wocol pejtel winicob x'ixicob, che'en lac Yum, pero mi caj j coltañet. Mi caj a colel ti guerra baqui jach ma' majlel”. Che' woli yʌl lac Yum, che'en Jeremías.

Ezequiel 5:12

Junmojt mi caj i chʌmel cha'an jontol bʌ c'amʌjel yic'ot wi'ñal. Yambʌ junmojt mi caj i jisʌntel yic'ot espada. Yambʌ junmojt mi caj c pam puc ti pejtelel pañimil ba' mi caj c jisañob ti espada.