Jeremias 21:7 - Chol: I T’an Dios

⁷ I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Chol de Tumbalá Bible

⁷ I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 21:7 Iomraidhean Croise

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Isaias 47:6

Che' bʌ tsac mich'le c cha'año' bʌ, tsa cʌc'ʌyob ti a c'ʌb cha'an mi' tojob i mul. Pero ma'anic tsa' wis p'untayob. Tsa' wʌq'ueyob al bʌ i cuch jini xñoxo' bʌ.

Jeremias 13:14

Mi caj cʌc'ob i contrajiñob i bʌ winicob yic'ot ch'iton bʌ i yalobilob, che'en lac Yum. Ma'anic mi caj c p'untañob. Ma'anic mi caj j coltañob. Mi caj c jisañob”. Che'ʌch yom ma' subeñob, che'en.

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 15:5

¿Majqui mi caj i p'untañet, Jerusalén? ¿Majqui mi caj i mel i pusic'al che' ch'ijiyemet? ¿Majqui mi caj i ts'ita' xoy i bijlel cha'an mi' tilel i q'uel bajche' a wilal?

Jeremias 15:9

Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 20:4

Come lac Yum woli' yʌl: “Joñon mi caj c chocbeñet tilel bʌbʌq'uen tac bʌ mu' bʌ caj i jisañet yic'ot pejtel a cʌñʌyo' bʌ. Mi caj a q'uelob che' mi' chʌmelob ti espada ti' c'ʌbob a contrajob. Mi caj cʌc' ti' wenta a contrajob pejtel jini chumulo' bʌ ti Judá. Jini ch'oyolo' bʌ ti Babilonia mi caj i cʌchob majlel ti' lumal. Mi caj i tsʌnsañob ti espada.

Jeremias 22:25

Mi caj cʌq'uet ti' wenta a contrajob mu' bʌ a bʌc'ñan, ti' wenta Nabucodonosor, jini rey ti Babilonia, yic'ot i soldadojob cabʌl bʌ i p'ʌtʌlel.

Jeremias 27:6

Wʌle tsa'ix cʌc'ʌ pejtel ili lum tac ti' c'ʌb c winic Nabucodonosor rey ti Babilonia. Tsa cʌq'ue ja'el pejtel alʌc'ʌl yic'ot bʌte'el. I cha'añʌch.

Jeremias 32:4

Mach abi muq'uic i loq'uel ti uts'at Sedequías. Mux i chujquel i cha'an jini rey ti Babilonia, che'et. Ya' abi mi caj c pejcan. Mi caj j q'uelben i wut.

Jeremias 34:3

Mach loq'uiquet ti' c'ʌb. Mi caj a cʌjchel majlel ti Babilonia. Mi caj a q'uelben i wut jini rey ti Babilonia. Mi caj i pejcañet che' ma' pʌjyel majlel ti' tojlel.

Jeremias 36:29

Mi caj a suben Joacim: “Lac Yum woli' yʌl: Tsa' puli jini ts'ijbujel. Tsa' wʌ'le c winic cha'an tsi' yotsa ti jun: Talix jini rey ch'oyol bʌ ti Babilonia cha'an mi' jisan ili lum yic'ot pejtel wʌ' bʌ chumulob yic'ot bʌte'el”.

Jeremias 37:17

Jini rey Sedequías tsi' choco majlel i winic cha'an mi' pʌy tilel Jeremías. Che' pʌybilix ochel ti' yotot rey, tsi' pejcayob i bʌ ti mucul jach. Jini rey tsi' c'ajtibe: ¿Bajche' woli' yʌl lac Yum? ¿Tsa' ba tili i t'an? che'en. Tsa' cu, che'en Jeremías. Mi caj a wʌjq'uel ti c'ʌb jini rey ti Babilonia, che'en.

Jeremias 50:17

Pam pujquemob israelob che' bajche' tiñʌme' ajñesʌbil ti bajlum. Ñaxan tsi' cha'le jisaya Asiria. Wi'il tsi' cha'le jisaya jini rey Nabucodonosor ti Babilonia.

Lamentaciones 2:20

C Yum, ña'tan ili winicob x'ixicob, come a cha'añobʌch. ¿Yom ba mi' c'uxob i bʌc'tal i yalobilob tsa' bʌ i meq'ueyob? ¿Yom ba mi' chʌmelob motomajob yic'ot x'alt'añob ya' ti' Templo lac Yum?

Lamentaciones 2:22

Tsa' wʌn ña'ta jini q'uin cha'an ma' jisañob. Ma'anic majqui tsa' mejli ti puts'el ti' yorajlel a mich'ajel. Ma'anic majqui tsa' cʌle. Laj chʌmeñobix ya' ti bij jini tsa' bʌ c meq'ueyob tsa' bʌ j cosayob. Tsi' laj jisayob j contra.

Ezequiel 23:28

Come lac Yum Dios woli' yʌl: Mi caj cʌq'uet ti' c'ʌb a contrajob mu' bʌ a ts'a'len.

Ezequiel 7:9

Ma'anic mi caj j coltañetla. Mi caj c sutq'uibeñetla pejtel la' jontolil cha'an jini ts'a'lebil tac bʌ am bʌ ti la' tojlel. Mi caj la' ña'tan la' Yumon woli bʌ c chocbeñetla tilel wocol.

Ezequiel 8:18

Jini cha'an tic mich'lel mi caj cʌq'ueñob i toj i mul. Ma'anic mi caj c p'untañob, ma'anic mi caj j coltañob. Che' mi' cha'leñob oñel yic'ot c'am bʌ t'an, ma'anic mi caj c ñich'tañob. Che' tsi' yʌlʌ lac Yum.

Ezequiel 9:10

Jini cha'an ma'anix mi caj c chʌn ñusʌbeñob i mul. Ma'anix mi caj c chʌn coltañob. Ti pejtelelob mi caj cʌq'ueñob wocol che' bajche' c'amel an i jontolil, che'en.

Deuteronomio 28:50

Wen jontolob. Lajal i wutob bajche' bʌte'el ts'i'. Ma'anic mi caj i p'isob ti wenta jini xñoxob. Ma'anic mi caj i p'untañob alʌlob.