Jeremias 21:6 - Chol: I T’an Dios

⁶ Mi caj c choc tilel bʌbʌq'uen bʌ c'amʌjel ti ili tejclum cha'an mi' chʌmelob winicob x'ixicob yic'ot i yʌlac'.

Chol de Tumbalá Bible

⁶ Mi caj c choc tilel bʌbʌq'uen bʌ c'amʌjel ti ili tejclum cha'an mi' chʌmelob winicob x'ixicob yic'ot i yʌlac'.

Jeremias 21:6 Iomraidhean Croise

Genesis 6:7

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 16:4

Mi caj i chʌmelob ti leco bʌ c'amʌjel. Ma'anic majqui mi caj i yuc'tañob. Ma'anic majqui mi caj i mucob. Mi caj i yoc'mʌl i bʌc'tal ti pam lum. Mi caj i jilelob ti machit yic'ot ti wi'ñal. Jini te'lemut ti pañimil yic'ot bʌte'el am bʌ ti jamil mi caj i c'uxob.

Jeremias 20:4

Come lac Yum woli' yʌl: “Joñon mi caj c chocbeñet tilel bʌbʌq'uen tac bʌ mu' bʌ caj i jisañet yic'ot pejtel a cʌñʌyo' bʌ. Mi caj a q'uelob che' mi' chʌmelob ti espada ti' c'ʌbob a contrajob. Mi caj cʌc' ti' wenta a contrajob pejtel jini chumulo' bʌ ti Judá. Jini ch'oyolo' bʌ ti Babilonia mi caj i cʌchob majlel ti' lumal. Mi caj i tsʌnsañob ti espada.

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 33:12

I Yum Panchan yic'ot Pañimil woli' yʌl: Mux i cha' q'uejlelob xcʌnta tiñʌme'ob yic'ot i yʌlac' ba' ma'anic winic mi bʌte'el ti pejtelel ili tejclum tac.

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Jeremias 36:29

Mi caj a suben Joacim: “Lac Yum woli' yʌl: Tsa' puli jini ts'ijbujel. Tsa' wʌ'le c winic cha'an tsi' yotsa ti jun: Talix jini rey ch'oyol bʌ ti Babilonia cha'an mi' jisan ili lum yic'ot pejtel wʌ' bʌ chumulob yic'ot bʌte'el”.

Jeremias 42:22

Ña'tanla che' jini, mi caj la' chʌmel ti espada yic'ot ti wi'ñal yic'ot ti c'amʌjel ya' ba' mi la' majlel ti chumtʌl come woli la' bajñel yajcan la' wajñib che' bajche' yom la' pusic'al.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Ezequiel 12:16

Pero mi caj j coltan lamital ame laj jisʌnticob yic'ot espada, yic'ot wi'ñal, yic'ot jontol bʌ c'amʌjel. Jini mu' to bʌ i cʌytʌlob mi caj i cha' ña'tañob pejtelel i jontolil come i Yumoñʌch”. Che' yom ma' subeñob. Che' tsi' yʌlʌ lac Yum.

Ezequiel 14:13

I yalobil winic, subeñob: “Mi caj c chilbeñob i bʌl i ñʌc' che' mi' ñusañob c mandar cha'an i tsʌtslel i pusic'al. Mi caj c chocbeñob tilel wi'ñal. Che' jini mi caj c jisañob yic'ot i yʌlac'.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 14:19

Che' mij contrajiñob yic'ot jontol bʌ c'amʌjel, mi caj i laj jisʌntelob yic'ot pejtelel cotol tac bʌ.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 33:27

Subeñob ja'el: “Lac Yum Dios woli' yʌl: Isujm mic subeñetla, jini winicob chumulo' bʌ ti jejmen tac bʌ tejclum mi caj i jisʌntelob ti guerra. Jini chumulo' bʌ ti mate'el mi caj i tsʌnsʌntelob yic'ot jontol bʌ bʌte'el. Jini mu' bʌ i mucob i bʌ ti' jajp xajlel yic'ot ti ch'en mi caj i chʌmelob ti jontol bʌ c'amʌjel.

Ezequiel 33:29

Ti jim bʌ ora mi caj i ña'tañob Yumʌlon che' mi' q'uelob jocholix jini pañimil cha'an ti' caj i jontolil”. Che' yom ma' subeñob.

Ezequiel 7:15

Jini mu' bʌ i lon loq'uelob ti tejclum mi caj i jilelob ti espada ya' ti jumpat. Jini mu' bʌ i cʌytʌlob ti mal tejclum mi caj i chʌmelob ti wi'ñal yic'ot leco bʌ c'amʌjel.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.

Sofonias 1:3

Mi caj c jisan winicob, yic'ot pejtel cotcotña bʌ, yic'ot xwejlel mut, yic'ot chʌy am bʌ ti ja', yic'ot xmulilob yic'ot i maña. Mi caj c junyajlel jisan winicob yic'ot pejtel chuqui tac mi' c'uxbiñob.

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.