Jeremias 21:4 - Chol: I T’an Dios

⁴ Yom mi la' suben Sedequías: “Woli' yʌl lac Yum, i Dios Israel: Awilan, mi caj c mʌctan ti guerra jini e'tijibʌl la' cha'an am bʌ ti la' c'ʌb ame mi' taj jini rey am bʌ ti Babilonia yic'ot i winicob woli bʌ i joyetla wʌ' ti pat ili ts'ajc. Joñon tic bajñel p'ʌtʌlel mi caj c pʌyob ochel ti ili tejclum.

Chol de Tumbalá Bible

⁴ Yom mi la' suben Sedequías: “Woli' yʌl lac Yum, i Dios Israel: Awilan, mi caj c mʌctan ti guerra jini e'tijibʌl la' cha'an am bʌ ti la' c'ʌb ame mi' taj jini rey am bʌ ti Babilonia yic'ot i winicob woli bʌ i joyetla wʌ' ti pat ili ts'ajc. Joñon tic bajñel p'ʌtʌlel mi caj c pʌyob ochel ti ili tejclum.

Jeremias 21:4 Iomraidhean Croise

Isaias 10:4

Ma'anic mi caj j coltañetla. Mi caj la' mucul wutstʌl yic'ot xñujp'elob. Mi caj la' yajlel yic'ot jini tsʌnsʌbilo' bʌ. Anquese cabʌl la' wocol mach lajmic i mich'ajel lac Yum. Sʌts'ʌl to i c'ʌb cha'an mi' chʌn tic'lañetla.

Isaias 13:4

Ubinla, ju'ucñayob ti t'an bajc'ʌl soldadojob ya' ti wits. Jiñʌch i t'an cabʌl colem tejclum tac woliyo' bʌ ti xʌmbal. I Yum Panchan yic'ot Pañimil tsa'ix i pʌyʌyob tilel loq'uemo' bʌ ti colem tejclum tac ti ñajtʌl. Jiñobʌch i ye'tijib lac Yum mu' bʌ caj i c'ʌn ti la' contra añet bʌ la ti Babilonia. Mi caj i jisan pejtel la' lumal ti' mich'lel.

Isaias 5:5

Mi caj c subeñetla chuqui mi caj c tumben c ts'usubil. Mux caj c jemben i mʌjquil cha'an mi' sujtel ti potrero. Alʌc'ʌl tac mi caj i yochel i t'uchtan ba' tocol i ts'ajquil.

Jeremias 20:4

Come lac Yum woli' yʌl: “Joñon mi caj c chocbeñet tilel bʌbʌq'uen tac bʌ mu' bʌ caj i jisañet yic'ot pejtel a cʌñʌyo' bʌ. Mi caj a q'uelob che' mi' chʌmelob ti espada ti' c'ʌbob a contrajob. Mi caj cʌc' ti' wenta a contrajob pejtel jini chumulo' bʌ ti Judá. Jini ch'oyolo' bʌ ti Babilonia mi caj i cʌchob majlel ti' lumal. Mi caj i tsʌnsañob ti espada.

Jeremias 21:3

Pero Jeremías tsi' subeyob:

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 32:3

Ñup'ul i cha'an Sedequías rey ti Judá, come tsa' mich'a jini rey cha'an i t'an Jeremías. Tsa' caji' yʌ'len: ¿Chucoch ma' cha'len subt'an ti' c'aba' lac Yum? Muc' abi i yʌc' ili tejclum ti' wenta jini rey ti Babilonia, che'et. Mux caj i mʌjlel i cha'an.

Jeremias 32:5

Mi caj i pʌyon majlel ti Babilonia ba' mi caj j cʌytʌl jinto mi' melon lac Yum. Anquese mij contrajin jini caldeojob ti guerra mach mʌjlic c cha'an. Che' abi woli' yʌl lac Yum, che'et. Che'ʌch tsi' cha'le a'leya Sedequías.

Jeremias 33:5

Talob jini caldeojob cha'an mi' jisañob c winicob tsa' bʌ cʌc'ʌ ti tsʌnsʌntel cha'an cʌlʌx jax c mich'ajel. Mi caj i tsʌnsañob. Mi caj i but'ob ili tejclum ti ch'ujlelʌl. Tsa'ix c mʌyʌ c wut cha'an ti' caj i jontolil ili tejclum.

Jeremias 35:17

Lac Yum, i Yumʌch Panchan yic'ot Pañimil, i Diosʌch Israel. Tsi' yʌlʌ: Q'uele woli cʌc'ob ti wocol pejtel chumulo' bʌ ti Judá yic'ot Jerusalén cha'an i mul che' bajche' tsac wʌn subeyob, pero ma'anic tsi' ñich'tayob che' bʌ tsac pejcayob. Tsac pʌyʌyob, pero ma'anic tsi' jac'ʌyob, che'en lac Yum.

Jeremias 39:3

Pejtel jini yumʌlob ch'oyolo' bʌ ti Babilonia tsa' tiliyob ti buchtʌl ya' ti' ti' ts'ajc xinlʌpʌl bʌ an. Ya' añob Nergal Sarezer yic'ot Samgar Nebo yic'ot Sarsequim yic'ot Rabsaris yic'ot yambʌ Nergal Sarezer jini ñuc bʌ i yaj coltaya rey yic'ot pejtel jini yumʌlob chocbilo' bʌ tilel cha'an i rey Babilonia.

Jeremias 52:18

Tsi' cuchuyob majlel ja'el jini p'ejt tac yic'ot pala, yic'ot yʌpo' c'ajc yic'ot vasilla yic'ot cuchara tac yic'ot pejtelel latu tac melbil bʌ ti c'ʌnc'ʌn taq'uin am bʌ i c'ʌjñibal ti Templo,

Lamentaciones 2:3

Lac Yum tsi' laj loc'sayob ti' ye'tel cha'an cʌlʌx jax i mich'ajel. Ma'anic tsi' wis coltayob che' bʌ tsa' tiliyob i contrajob. Tsi' tsuc'u c'ajc ti' yojlil i lumal Jacob. Tsa' pam ñumi ti pañimil.

Lamentaciones 2:5

Lac Yum i contrajʌch Israel. Tsi' laj jisa yic'ot ñuc bʌ i yotot tac yic'ot i ts'ajquil. Tsi' yʌc'ʌ ti wocol Judá, we'ecña ti uq'uel.

Lamentaciones 2:7

Tsi' ts'a'le i pulʌntib yic'ot ch'ujul bʌ i yajñib. Tsi' yʌc'ʌ ti jisʌntel jini colem otot tac ti' c'ʌb i contrajob. Tsi' cha'leyob oñel ya' ti' yotot lac Yum che' bajche' ti' yorajlel q'uiñijel.

Ezequiel 39:3

Mi caj c chilbeñet a we'tʌjib ti guerra. Mi caj c jisan i yonlel a soldadojob.

Oseas 9:12

Anquese mi la' cosan la' walobilob, lolom jach, come joñon mi caj c pʌyob majlel. Che' jini obol la' bʌ che' mij cʌyetla.

Mateo 22:7

Mich' jini rey, tsi' choco majlel i soldadojob tsa' bʌ i jisayob jini stsʌnsajob. Tsi' pulbeyob i tejclum.