Jeremias 21:13 - Chol: I T’an Dios

¹³ Awilan wolij contrajiñet anquese yumʌlet ti' tojlel jini xchumtʌlob ti joctʌl. Chañet che' bajche' chan bʌ xajlel ti' wutob. Ma' lon al ma'anic majch mi' mejlel ti ochel cha'an mi' contrajiñet. Mach mejlic i chilbeñoñob c chubʌ'an, lon che'et.

Chol de Tumbalá Bible

¹³ Awilan wolij contrajiñet anquese yumʌlet ti' tojlel jini xchumtʌlob ti joctʌl. Chañet che' bajche' chan bʌ xajlel ti' wutob. Ma' lon al ma'anic majch mi' mejlel ti ochel cha'an mi' contrajiñet. Mach mejlic i chilbeñoñob c chubʌ'an, lon che'et.

Jeremias 21:13 Iomraidhean Croise

Salmos 125:2

Che'ʌch añonla bajche' Jerusalén, joyol bʌ ti wits. Joyolonla ti lac Yum pejtel i cha'añon bʌ la, wʌle yic'ot ti pejtelel ora.

Exodo 13:20

Tsa' loq'uiyob majlel ti Sucot. Tsa' jijliyob ya' ti Etam, ya' ti' ti' colem bʌ i tiquiñal lum.

Exodo 13:8

Mi caj la' subeñob la' walobilob ti jini q'uin: “Che'ʌch mi lac mel cha'an i ña'tintel jini tsa' bʌ i melbeyonla lac Yum che' bʌ tsi' loc'sayonla ti Egipto”. Che'ʌch mi caj la' subeñob.

Isaias 22:1

Jiñʌch i t'an Dios ti' contra Jerusalén. ¿Chuqui woli la' bʌc'ñan cha'an tsa' letsiyetla ti pam la' wotot, winicob yic'ot x'ixicob? ¿Chuqui woli la' q'uel?

Jeremias 17:3

yic'ot ti jamil ti yebal wits. Jini cha'an mi caj cʌc' ti' wenta a contrajob pejtel a chubʌ'an letsem tac bʌ i tojol ti pejtelel a lumal. Che' jini mi caj a toj a mul.

Jeremias 21:5

Tic bajñel p'ʌtʌlel mi caj j contrajiñetla. Mi caj c jats'etla ti cabʌl c mich'ajel cha'an wen mich'on.

Jeremias 49:16

Lon tijicñayet cha'an woli' bʌc'ñañet yaño' bʌ. Chan ma' mel a bʌ ti' tojlelob. Pero ma' lon ña'tan xuc'ulet ya' ba' chumulet ti' jajp ch'en ya' ti' chañelal wits. Anquese chan a wajñib che' bajche' i c'u' xiye', mi caj c ju'sañet, che'en lac Yum.

Jeremias 50:31

Wolij contrajiñet cha'an chan a pusic'al, che'en Dios, i Yum Panchan yic'ot Pañimil, come tsa'ix juli i yorajlel cha'an mic melet. Mi caj c jultesʌbeñet a pusic'al.

Jeremias 51:25

Awilan a contrajon cha'an chan tsa' mele a bʌ che' bajche' wits che' bʌ tsa' jisa pejtel pañimil, che'en lac Yum. Mi caj c sʌts' j c'ʌb cha'an mij contrajiñet. Mi caj c choquet jubel ti' chañelal wits. Mi caj c sutq'uiñet che' bajche' pulbil bʌ wits.

Jeremias 7:4

Mach la' ñopben i t'an jini yujilo' bʌ lot mu' bʌ i yʌlob: Umba'an i Templo lac Yum. Q'uele i Templo lac Yum, lon che'ob. Come mach c templojix.

Lamentaciones 4:12

Jini reyob ti pañimil ma'anic tsi' ñopoyob. Ma'anic majqui tsi' ñopo anquese wʌn subebilob cha'an talob laj contrajob mu' bʌ caj i jisañob Jerusalén.

Ezequiel 13:8

Jini cha'an lac Yum Dios woli' yʌl: Ti' caj la' lot mi caj c jisañetla, come tsa' la' lon cha'le t'an che' bʌ tsa' la' wʌlʌ chuqui mach isujmic.

Ezequiel 21:3

“Lac Yum woli' yʌl: Wʌle wolij contrajiñetla, Israel. Tsa'ix c bots'o quespada cha'an mic jisan jini uts'ato' bʌ yic'ot jini xmulilob.

Ezequiel 5:8

Jini cha'an woli' yʌl lac Yum Dios: Wʌle mi caj j contrajiñetla. Mi caj cʌq'ueñet la' toj la' mul ti' wut pejtelel pañimil.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Nahum 2:13

Pero i Yum Panchan yic'ot Pañimil wolix i contrajiñet. Wolix i jisʌbeñet a we'tijib cha'an guerra. Ya' wa'al jach a carreta tac. Ma'anix i yum. Chʌmeñobix jini ch'iton winicob c'uxbibilo' bʌ a cha'an. Ma'anix mi caj a cʌch tilel winicob cha'an ma' wotsañob ti to'ol e'tel. Ma'anix mi caj a cha'len yumʌl ti pañimil.