Jeremias 21:12 - Chol: I T’an Dios

¹² I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Chol de Tumbalá Bible

¹² I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Jeremias 21:12 Iomraidhean Croise

2 Samuel 8:15

David tsi' cha'le yumʌl ti' tojlel pejtel Israel. Tsi' cha'le toj bʌ meloñel.

Job 29:17

Tsac jisʌbeyob i p'ʌtʌlel jini jontolo' bʌ cha'an mi' wersa cʌyob i tic'lan winicob.

Salmos 101:8

Mi caj c chʌn tic' jini xjontolilob año' bʌ tic wenta Cha'an mic chocob loq'uel ti' tejclum lac Yum.

Exodo 18:13

Che' ti yijc'ʌlal tsa' buchle Moisés cha'an mi' cha'len meloñel. Ya' añob winicob x'ixicob ti' tojlel Moisés c'ʌlʌl ti sʌc'ajel c'ʌlʌl ti ic'ajel.

Isaias 1:17

¡Ñopox la' mel chuqui uts'at! Cʌntesan la' bʌ ti' melol jini toj bʌ ti' tojlel yaño' bʌ. Tiq'uila xjontolilob, coltanla jini p'ump'uño' bʌ yic'ot jini meba' alobob yic'ot meba' x'ixicob, che'en.

Isaias 1:31

Jini p'ʌtʌl bʌ winic lajal jax mi caj i majlel bajche' tiquin bʌ jam. Jini i melbal lajalʌch bajche ts'ʌplaw bʌ nich c'ajc mu' bʌ caj i jisan. Ma'anic majqui mi caj i yʌp.

Isaias 7:13

Jini cha'an Isaías tsi' yʌlʌ: Ñich'tan c t'an, Acaz, i p'olbalet bʌ David. Mach jinic jach woli a techbeñon c mich'ajel, pero wola' techben i mich'ajel c Dios ja'el.

Isaias 7:2

Ti jim bʌ ora tsa' c'oti t'an ba'an jini rey Acaz (loq'uem bʌ ti' p'olbal David): Jini siriajob tsi' temeyob i t'an yic'ot israelob cha'an mi' contrajiñob Judá, che'en. Che' jini tsa' toj sajti i pusic'al jini rey yic'ot pejtelel i winicob. Tsa' cajiyob ti tsiltsilñʌyel che' bajche' mi' ñijcan i bʌ te'el che' an cabʌl ic' ya' ti wits.

Jeremias 17:4

Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Jeremias 21:5

Tic bajñel p'ʌtʌlel mi caj j contrajiñetla. Mi caj c jats'etla ti cabʌl c mich'ajel cha'an wen mich'on.

Jeremias 23:19

Q'uele jini p'ʌtʌl bʌ ic' chocbil bʌ tilel i cha'an lac Yum. Cabʌlix i mich'ajel. Mi caj i bʌc' tilel i jats' jini xjontolilob che' bajche' sutujt ic'.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 23:5

Tal jini q'uin tac, che'en lac Yum, che' mi caj c techben i p'olbal c winic David. I wentajʌch junts'ijt i c'ʌb te' mu' bʌ caj i yochel ti rey. Wen toj i pusic'al ili rey. Cabʌl i ña'tʌbal. Mi caj i mel chuqui uts'at. Toj mi caj i cha'len meloñel ti jini lum.

Jeremias 36:7

Tic'ʌl mi mux caj i cʌyob i mul cha'an mi' pejcañob lac Yum ti wocol t'an ti jujuntiquil cha'an mi' ñusʌbeñob i mul. Come cabʌl woli ti mich' lac Yum. Tsa'ix i yʌc'ʌ i t'an cha'an mi' jisʌntelob, che'en Jeremías.

Jeremias 4:4

Sʌq'uesan la' pusic'al, mach jinic jach la' bʌc'tal. Ñopox la' Yum ti jump'ejl la' pusic'al, winicob ti Judá yic'ot ti Jerusalén, ame cajic c choc tilel c'ajc mach bʌ yujilic yajpel cha'an ti' caj la' jontolil, che'en.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 5:14

I Dios Pañimil yic'ot Panchan, jiñʌch lac Yum, woli' yʌl: Tsa cubibeyob i t'an. Jini cha'an mi caj c sutq'uin ti c'ajc jini c t'an tsa' bʌ cʌq'ueyet a sub. Mi caj c sutq'uin ili winicob che' bajche' te' mu' bʌ caj i pulel ti c'ajc.

Jeremias 5:28

Cabʌl i wo'lel ti' bʌl i ñʌc'. Jujp'emobix. Mi' ñumel ti p'is i jontolil. Mach yujilobic toj bʌ meloñel. Ma'anic mi' coltañob meba' alʌlob ti' tojlel i contra. Ma'anic mi' coltañob jini mach bʌ añobic i mul.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Jeremias 7:5

Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

Lamentaciones 4:11

Lac Yum tsi' meleyonla. Cʌlʌx jax i mich'ajel. Tsi' tsuc'u c'ajc ti Sion. Laj jilemix ti c'ajc c'ʌlʌl ti yebal.

Ezequiel 22:31

Jini cha'an ts'ʌcʌl mi caj la' toj la' mul. Wersa mi caj la' wubin wocol. Mi caj c jisañetla tic mich'ajel”. Che' yom ma' subeñob, che'en.

Levitico 26:28

che' jini mi caj cʌq'ueñetla yambʌ wucyajl i tojol la' mul.

Nahum 1:6

Ma'anic majqui mi' mejlel ti wa'tʌl ti' tojlel i mich'lel lac Yum. Ma'anic majqui mi mejlel i cuchben i mich'lel. Come ticʌw che' bajche' c'ajc. Mi' bic'ti tojp'ejl xajlel cha'an ti' mich'lel.

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

Sofonias 3:5

Pero ya'an lac Yum ti yojlil tejclum. Ma'anic mi' mel jontolil. Ti jujump'ejl sʌc'ajel toj mi' melonla. Mi' pʌsbeñonla chuqui toj. Mi' ts'ʌctesan i t'an. Pero jini xmulil mach yujilic quisin.

Lucas 1:69

Tsa'ix i yʌq'ueyonla p'ʌtʌl bʌ Xcoltaya loq'uem bʌ ti' p'olbal David, x'e'tel bʌ i cha'an.

Romanos 13:4

Come jini am bʌ i ye'tel i winicʌch Dios cha'an mi' cʌntañet. Mi wola' mel jontolil, cha'len bʌq'uen come mach lolomic jach an i yespada. An i ye'tel, aq'uebil bʌ i cha'an Dios, cha'an mi yʌq'uen i toj i mul jini mu' bʌ i cha'len jontolil.

Deuteronomio 32:22

Jini c mich'lel mi' lejmesan c'ajc Woli bʌ ti lejmel c'ʌlʌl ti' yajñib chʌmeño' bʌ. Mi' yʌc' ti pulel pañimil yic'ot pejtelel cholel tac. Mi' yʌc' ti pulel i te'el tac.