Jeremias 21:10 - Chol: I T’an Dios

¹⁰ Come joñon wolij contrajin ili tejclum. Mach uts'atic mij q'uel. Mi caj cʌc' ti wocol. Mi caj cʌc' ti' c'ʌb jini rey ti Babilonia. Jini mi caj i jisan ti c'ajc, che'en lac Yum”. Che' yom mi la' subeñob.

Chol de Tumbalá Bible

¹⁰ Come joñon wolij contrajin ili tejclum. Mach uts'atic mij q'uel. Mi caj cʌc' ti wocol. Mi caj cʌc' ti' c'ʌb jini rey ti Babilonia. Jini mi caj i jisan ti c'ajc, che'en lac Yum”. Che' yom mi la' subeñob.

Jeremias 21:10 Iomraidhean Croise

2 Cronicas 36:19

Jini soldadojob tsi' pulbeyob i Templo Dios. Tsi' laj jemeyob jini ts'ajc am bʌ ti' joytʌlel Jerusalén. Tsi' laj puluyob pejtelel jini colem otot. Tsi' jisayob pejelel jini uts'at bʌ i bʌl Templo.

Salmos 34:16

Pero mi' ts'a'len jini mu' bʌ i cha'leñob jontolil. Mi caj i jisañob cha'an ma'anic mi' chʌn ña'tʌntelob ti pañimil.

Jeremias 17:27

Pero mi mach la' womic la' jac'beñon, mi mach ch'ujulic i yorajlel c'aj o ti la' wut, mi mux caj la' wersa ch'ʌm ochel la' cuch ti' ti' Jerusalén che' bajche' ti yan tac bʌ q'uin ti semana, che' jini mi caj c tsuc' c'ajc ti' ti' tac tejclum. Mux i pam ñumel cha'an mi' lu' jisan jini otot tac yic'ot ja'el i yotot tac reyob. Mach yajpic jini c'ajc”. Che' yom mi la' subeñob, che'en lac Yum.

Jeremias 26:6

mi caj c jisan ili cotot che' bajche' tsac jisa cotot ti Siloe. Che' jini mi caj i p'ajob ili tejclum ti pejtelel lum tac”. Che'ʌch yom ma' subeñob, che'en lac Yum.

Jeremias 33:5

Talob jini caldeojob cha'an mi' jisañob c winicob tsa' bʌ cʌc'ʌ ti tsʌnsʌntel cha'an cʌlʌx jax c mich'ajel. Mi caj i tsʌnsañob. Mi caj i but'ob ili tejclum ti ch'ujlelʌl. Tsa'ix c mʌyʌ c wut cha'an ti' caj i jontolil ili tejclum.

Jeremias 34:2

Lac Yum, i Dios Israel, woli' yʌl: Cucu pejcan Sedequías rey bʌ ti Judá. Suben: “Lac Yum woli' yʌl: Awila to mi caj cʌc' ili tejclum ti' c'ʌb jini rey ti Babilonia. Mi caj i pul yic'ot c'ajc.

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 38:17

Jini cha'an Jeremías tsi' sube: Lac Yum jiñʌch i Dios Panchan yic'ot Pañimil, i Dios Israel. Lac Yum woli' yʌl: “Mi a wom a jac'on, ac'ʌ a bʌ ti' wenta jini yumʌlob chocbilo' bʌ tilel i cha'an i rey Babilonia. Che' jini mi caj a cuxtʌyel. Che' jini mach muq'uic i pulel ti c'ajc ili tejclum. Cuxul mi caj a wajñel temel yic'ot a pi'ʌlob año' bʌ ti a wotot.

Jeremias 38:18

Pero mi ma'anic ma' wʌc' a bʌ ti' c'ʌb jini yumʌlob loq'uemo' bʌ ti Babilonia, mi caj i yʌjq'uel ili tejclum ti' c'ʌb jini caldeojob. Mi caj i pulob ti c'ajc. Che' jini ma'anic majch mi caj i coltañet loq'uel ti' c'ʌbob”, che'en Jeremías.

Jeremias 38:23

Ña'tan che' jini, mi caj i pʌjyelob loq'uel ti a wotot pejtel a wijñamob yic'ot a walobilob ti' wenta jini caldeojob. Jatet ja'el ma'anic mi caj a colel ti' c'ʌbob. Jini rey am bʌ ti Babilonia mi caj i chuquet ti' c'ʌb. Mi caj i pul ili tejclum. Che' tsi' yʌlʌ Jeremías.

Jeremias 38:3

Ili tejclum mi caj i yʌjq'uel ti' c'ʌb la' contrajob mu' bʌ i yumañob jini rey ti Babilonia. Mi caj i ch'ʌmob. Che' woli' yʌl lac Yum”, che'en Jeremías.

Jeremias 39:16

Suben jini etíope Ebedmelec: “I Yum Panchan yic'ot Pañimil, i Dios Israel, woli' yʌl: Awila to, mi caj c ts'ʌctesan c t'an ti' contra ili tejclum. Mi caj cʌq'uen i toj i mul. Ma'anic mi caj j coltan. Ti jim bʌ ora mux caj a q'uel chuqui mi caj i yujtel.

Jeremias 39:8

Jini caldeojob tsi' laj puluyob ti c'ajc i yotot rey yic'ot yan tac bʌ otot. Tsi' jemeyob i ts'ajquil Jerusalén.

Jeremias 44:11

Jini cha'an p'isila ti la' wenta chuqui wolic subeñet, che'en i Yum Panchan yic'ot Pañimil, i Dios Israel. La' wilan la' contrajon. Mi caj c chocbeñetla tilel ñuc bʌ wocol cha'an mic junyajlel jisan pejtel jini ch'oyolo' bʌ ti Judá tsa' bʌ i ñusʌbeyoñob c t'an.

Jeremias 44:27

Yʌxʌlix co. Ma'anic mi caj j coltañetla. Mi caj cʌq'uetla ti wocol. Ti pejteletla ch'oyolet bʌ la ti Judá, añet bʌ la ti Egipto, mi caj la' chʌmel ti espada yic'ot ti wi'ñal jinto mi la' lu' jilel.

Jeremias 52:13

Tsi' pulu i yotot lac Yum yic'ot i yotot jini rey, yic'ot pejtelel otot ti Jerusalén. Tsi' laj puluyob jini colem otot wen melbil tac bʌ.

Ezequiel 15:7

Mi caj j contrajiñob ti pejtelelob. Jini mu' bʌ i puts'tan c'ajc mi caj i jilel ti c'ajc. Mi caj la' ña'tan la' Yumon che' mij contrajiñob.

Ezequiel 24:11

Che' jocholix jini p'ejt ac'ʌ ya' ti c'ajc cha'an mi' wen ticwan, cha'an mi' pulel i mal. Che' jini mi caj i loq'uel i bibi'al. Mi caj i c'ajlel loq'uel i ta'.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Levitico 26:17

Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Amos 2:5

Jini cha'an mi caj c choc tilel c'ajc ya' ti Judá. Mi caj c laj pulben jini wen melbil tac bʌ i yotot ti Jerusalén.

Amos 9:4

Mi cʌchʌl mi' pʌjyelob majlel ti' lumal i contrajob, mi caj cʌc' mandar cha'an mi' tsʌnsʌntelob ti espada. Joñon mi caj j q'uelob cha'an mij contrajiñob. Ma'anic mi caj j coltañob, che'en lac Yum.

Zacarias 1:6

Tsi' yubiyob wocol cha'an i mul. Che' jini tsi' cʌyʌyob i mul. Tsa' caji i ña'tañob che'ʌch tsi' lu' melbeyob i Yum Panchan yic'ot Pañimil che' bajche' tsi' wʌn subeyob. Tsi' yʌq'ueyob i toj i mul ti jujuntiquil, che'en.