Jeremias 20:12 - Chol: I T’an Dios

¹² Jatet i Yumet Panchan yic'ot Pañimil, ma' lu' cʌmbeñob i pusic'al jini tojo' bʌ. A wujil bajche' mi' ña'tañob ti' pusic'al pejtel winicob. Meleyob c Yum. La' i tojob i mul. Come Xmeloñelet c cha'an. Añon ti a wenta.

Chol de Tumbalá Bible

¹² Jatet i Yumet Panchan yic'ot Pañimil, ma' lu' cʌmbeñob i pusic'al jini tojo' bʌ. A wujil bajche' mi' ña'tañob ti' pusic'al pejtel winicob. Meleyob c Yum. La' i tojob i mul. Come Xmeloñelet c cha'an. Añon ti a wenta.

Jeremias 20:12 Iomraidhean Croise

2 Cronicas 24:22

Che'ʌch tsa' ñajʌyi i cha'an jini rey Joás pejtel jini uts'at bʌ i melbal yic'ot i yutslel i pusic'al Joiada tsa' bʌ i cosa. Tsi' tsʌnsʌbe i yalobil. Che' woli ti chʌmel Zacarías tsi' yʌlʌ: C Yum, q'uelbeñob i mul, sutq'uibeñob, che'en.

Salmos 11:5

Lac Yum mi yilʌben i pusic'al jini toj bʌ winic. Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.

Salmos 139:23

Tsajiñon, Dios. Q'uelbeñon c pusic'al. Cʌmbeñon c pensar.

Salmos 17:3

Tsa'ix a wilʌbeyon c pusic'al. Tsa' wʌc'ʌyon ti prueba ti ac'ʌlel. Tsa' q'uele ma'anic jontolil tic pusic'al. Ma'anic jontol bʌ c t'an.

Salmos 54:7

Come tsa'ix a loc'sayon ti pejtelel c wocol, Tsa'ix mʌjli c cha'an ti' tojlel j contrajob.

Salmos 58:10

Tijicña jini toj bʌ. Mi caj i q'uel che' mi' q'uextʌbentel i mul jini jontol bʌ. Mi caj i mujlel i yoc ti' ch'ich'el jini jontolo' bʌ.

Salmos 59:10

Dios, mi caj a p'untañon. Mi caj a majlel ñaxan tic wut. Mi caj a wʌq'ueñon c t'uchtan j contrajob.

Salmos 62:8

Winicob x'ixicob, ñopola Dios ti pejtelel ora. C'ajtibenla Dios ti wocol t'an pejtel chuqui wola' ña'tan ti a pusic'al, come jiñʌch lac puts'ib.

Salmos 7:9

La' jilic i jontolil jini jontol bʌ. Coltan jini tojo' bʌ cha'an mi' chʌn melob chuqui toj. Come Dioset, tojet, wola' q'uelbeñon lojon c pusic'al yic'ot c ch'ujlel lojon.

Salmos 86:4

Yom ma' tijicñesʌben i pusic'al a winic, c Yum, Come mi cʌq'ueñet c pusic'al.

Isaias 37:14

Ezequías tsi' ch'ʌmʌ jini jun. Tsi' q'uele. Tsa' majli ti' Templo lac Yum. Tsi' tich'i jini jun ti' tojlel lac Yum.

Isaias 38:14

Lajal muc'on ti ajcʌn che' bajche' x'ajlum. Mic cha'len uq'uel che' bajche' x'ujcuts. Woli ti mujts'el c wut cha'an lujb che' mic chʌn q'uel jini panchan. C Yum, wen wocol añon. Ch'ʌmʌyonix ti a wenta.

Jeremias 11:20

C Yum, i Yumet Panchan yic'ot Pañimil. Toj ma' cha'len meloñel. Lu' cʌñʌl a cha'an i pusic'al winicob. Ac'ʌyob ti toj mulil come tsa'ix cʌc'ʌ c bʌ ti a wenta cha'an ma' melon cho'on.

Jeremias 12:8

Jini c tejclum ba' tsac ña'ta c taj c ñuclel tsa'ix sujti ti mate'el ba' chumul bajlum. Mi' yʌ'leñoñob che' bajche' bajlum yom bʌ i jisañon. Jini cha'an ts'a' mij q'uelob.

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Jeremias 17:18

Ac'ʌyob ti quisin jini woli bʌ i tic'lañoñob. Pero mach ma' wʌc'on ti quisin. La' toj sajticob i pusic'al, pero mach yomic mi' toj sajtel c pusic'al. La' i tajob jini ñuc bʌ wocol che' ti' q'uiñilel. Yom cha'yajl ma' jisañob.

1 Pedro 2:23

Che' bʌ tsa' a'lenti, ma'anic tsi' q'uexta a'leya. Che' bʌ tsa' aq'uenti wocol, ma'anic tsi' cha'le bʌc'tesaya. Che' jach tsi' yʌc'ʌ i bʌ ti' wenta jini mu' bʌ i cha'len meloñel ti toj.

1 Pedro 4:19

Jini cha'an, la' i melob chuqui uts'at jini mu' bʌ i yubiñob wocol che' bajche' yom Dios. La' i yʌc'ob i bʌ ti' c'ʌb Dios, jini xuc'ul bʌ Xmel pañimil.

Apocalipsis 18:20

La' ñuc'ac la' pusic'al, añet bʌ la ti panchan, yic'ot i cha'año' bʌ Dios, yic'ot apóstolob, yic'ot x'alt'añob, come Dios tsi' mele Babilonia ti la' tojlel, che'en.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

Apocalipsis 6:10

Tsi' cha'leyob c'am bʌ t'an. Tsi' yʌlʌyob: C Yum lojon am bʌ cabʌl a p'ʌtʌlel, ch'ujulet, isujmet, ¿jala to mi caj a cha'len meloñel? ¿Jala to mi caj a q'uextʌbeñob i jontolil jini chumulo' bʌ ti pañimil tsa' bʌ i bec'beyon lojon c ch'ich'el? che'ob.

1 Samuel 1:15

Ana tsi' jac'be: Mach che'ic bajche' wola' wʌl. Ch'ijiyem jax c pusic'al. Ma'anic japbil c cha'an vino, mi lembal. Cojach tsac wen tsictesʌbe lac Yum pejtel c wocol.