Jeremias 20:10 - Chol: I T’an Dios

¹⁰ Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Chol de Tumbalá Bible

¹⁰ Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Jeremias 20:10 Iomraidhean Croise

1 Reyob 19:2

Che' jini Jezabel tsi' choco majlel x'ac'jun ba'an Elías. Tsi' yʌlʌ: Mi caj c tsʌnsañet che' bajche' tsa' tsʌnsa yaño' bʌ. Ijc'ʌl chʌmeñetix che' bajche' ili ora. Machic jini, joñon mic ch'ʌm tic wenta cha'an mic toj ti' tojlel c dios, che'en.

1 Reyob 21:20

Acab tsi' sube Elías: Tsa'ix a cha' tajayon, j contrajet, che'en. Elías tsi' jac'be: Tsa' cu c tajayet, come tsa'ix a wʌc'ʌ a bʌ cha'an ma' mel chuqui jontol ti' wut lac Yum.

1 Reyob 22:27

Yom mi la' subeñob: “Jini rey tsi' yʌc'ʌ mandar cha'an mi la' wotsan ti mʌjquibʌl. Aq'uen ts'ita' jach chuqui mi' jap chuqui mi' c'ux jinto mic cha' sujtel ti uts'at”. Che' yom mi la' suben, che'en Acab.

1 Reyob 22:8

Jini rey ti Israel tsi' jac'be: Ancu juntiquil x'alt'an i cha'an lac Yum, jiñʌch Micaías (i yalobil Imla). Mu'cu mejlel laj c'ajtiben, pero ts'a' mij q'uel jini winic, come ti pejtelel ora ma'anic mi' subeñon chuqui wen. Jini jach tsʌts tac bʌ mi' subeñon, che'en. Josafat tsi' sube Acab: Mach ma' cha'len t'an che' bajche' jini. Pʌyʌ, che'en.

Job 19:19

Mi' xoyob i bij jini j cʌñʌyo' bʌ ame i tajoñob. Jini c'uxbibilo' bʌ c cha'an woli' contrajiñoñob.

Salmos 31:13

Tsa'ix cubi c ts'a'lentel ti cabʌlob. An bʌq'uen ti jujunwejl. Che' mi' temob i t'an tij contra, Yomob i tsʌnsañon.

Salmos 31:14

C Yum, wolic ñopet. Tsa cʌlʌ: C Dioset.

Salmos 41:10

C Yum, pʌsbeñon i yutslel a pusic'al. P'ʌtesañon cha'an mij q'uextʌbeñob i jontolil.

Salmos 41:9

Tsi' tsa'leyon ja'el juntiquil c pi'ʌl Tsa' bʌ c ch'ʌmʌ tic wenta, tsa' bʌ i c'uxu waj quic'ot.

Salmos 57:4

Joyolon ti cabʌl bajlum yilal. Añon ti ojlil ba mich'ob winicob. Lajalob bajche' bajlum am bʌ jay bʌ i bʌquel i yej. Mi' c'ʌñob i yac' che' bajche' jay bʌ espada.

Proverbios 10:18

Jiñʌch xlotiya mu' bʌ i mujcun i mich'lel ti uts bʌ t'an. Tonto jini mu' bʌ i puc majlel u'yaj t'an.

Isaias 29:21

mu' bʌ i cha'leñob leto. Mi' jop'beñob i mul i pi'ʌlob. Mi' chijtañob jini mu' bʌ i yʌq'ueñob i toj i mul. Mi' jop'ob t'an cha'an mi' mʌctañob jini toj bʌ.

Jeremias 1:19

Mi caj i contrajiñet, pero mach mejlic i jisañet come añon quic'otet. Mi caj cʌq'uet ti colel ti' c'ʌb, che'en lac Yum.

Jeremias 11:19

Come lajalon bajche' c'uxbibil bʌ tiñʌme' mach bʌ yujilic ba' ora mi caj i pʌjyel majlel ti tsʌnsʌntel. Tsi' temeyob i t'an cha'an mi' tsʌnsañoñob. La' lac jisan che' c'oc' to che' bajche' te' anto bʌ i yetsel. La' lac junyajlel jisan cha'an ma'anix mi' chʌn ña'tʌntel ti pañimil, che'ob.

Jeremias 11:21

Jini cha'an lac Yum tsi' yʌlʌ: Q'uelel c cha'an ili winicob ti Anatot tsa' bʌ i temeyob i t'an cha'an mi' tsʌnsañet. Mi' yʌlob: “Mach a chʌn pejcañon lojon ti' c'aba' lac Yum ame chʌmiquet tij c'ʌb lojon”, che'ob.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 20:3

Jump'ejl q'uin yic'ot jump'ejl ac'ʌlel ya' chucul. Ti' yijc'ʌlal Pasur tsi' colo. Jeremías tsi' sube: Lac Yum ma'anix mi caj i chʌn pejcañet ti Pasur. Tsa'ix i yotsʌbeyet yambʌ a c'aba', jiñʌch Magor Misabib, come tal wocol i joy ñet'et.

Jeremias 37:13

Che' ya' jach an ti' ti' ts'ajc i c'aba' Benjamín, jini xcʌnta ti' Irías (i yalobil Hananías) tsi' chucu jini x'alt'an Jeremías. Tsa' caji' jop'ben i mul: Jatet wola' choñon lojon ti' c'ʌb jini caldeojob, che'en.

Jeremias 6:25

Machme a majlel ti jamil. Mach yomic ma' majlel ti bij, come ya'ʌch an laj contra chucul bʌ i cha'an espada. Bʌbʌq'uen jax baqui jach mi lac majlel.

Ezequiel 22:9

An mu' bʌ i cha'leñob jop't'an cha'an mi' yʌc'ob ti chʌmel i pi'ʌlob. An mu' bʌ i c'uxbiñob dioste' tac ti bujbujtʌl. Leco i melbalob ti pejtelel la' lumal.

Daniel 6:4

Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Lucas 20:20

Tsi' chʌcʌ q'ueleyob Jesús. Tsi' chocoyob majlel xñich'ta t'añob tsa' bʌ i lon pʌsʌyob i bʌ ti toj. Tsi' chocoyob majlel cha'an mi' yʌquiñob ti' t'an cha'an mi' yʌc'ob ti melol ti' tojlel jini gobernador.

Hechos 24:13

Ma'anic mi mejlel i tsictesañob ti isujm i t'an woli bʌ i jop'ob tij contra wʌle.

Hechos 5:33

Tsa' wen mich'ayob che' bʌ tsi' yubibeyob i t'an. Yomob i tsʌnsan jini apóstolob.

Hechos 7:54

Che' bʌ tsi' yubiyob ili t'an tsa' wen mich'ayob. Quech'ecñayob i bʌquel i yej tsi' meleyob cha'an mich' tsi' q'ueleyob.