Jeremias 2:9 - Chol: I T’an Dios

⁹ Yomix mi la' mel la' bʌ quic'ot, che'en lac Yum. Ti wocol t'an mi caj c chʌn pejcañetla yic'ot la' walobilob yic'ot la' butsob.

Chol de Tumbalá Bible

⁹ Yomix mi la' mel la' bʌ quic'ot, che'en lac Yum. Ti wocol t'an mi caj c chʌn pejcañetla yic'ot la' walobilob yic'ot la' butsob.

Jeremias 2:9 Iomraidhean Croise

Salmos 50:4

Mi' pʌy tilel jini año' bʌ ti panchan Yic'ot jini año' bʌ ti pañimil cha'an mi' mel winicob x'ixicob i cha'año' bʌ.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Isaias 3:13

Lac Yum tsa'ix i chajpa i bʌ cha'an mi' cha'len meloñel. Chajpʌbilix cha'an mi' yʌq'ueñob i toj i mul winicob x'ixicob.

Isaias 43:26

Yomix ma' mel a bʌ quic'ot. Subu a bʌ cha'an mic ñusan a mul, cha'an mij q'uelet ti uts'at.

Jeremias 2:29

¿Chucoch wola' wʌ'leñon cha'an a wocol? Junlajaletla, tsa' la' ñusʌbeyon c t'an, che'en lac Yum.

Jeremias 2:35

Pero wola' chʌn al: “Uts'at añon. Mach talic i mich'ajel Dios tic tojlel”, lon che'et. Awilan mi caj c pʌyet ti meloñel cha'an tsa' wʌlʌ ma'anic a mul.

Oseas 12:3

Come an i mul Jacob c'ʌlʌl che' bʌ tsi' yila pañimil. Tsi' contraji i yʌscun. Che' winiquix tsa' caji i contrajin lac Yum.

Oseas 2:2

Yom ma' pʌy a ña' ti wocol t'an, come tsa'ix ochi ti' yijñam yambʌ winic. Mach quijñamix. Tsi' cʌyʌyon. Suben ti wocol t'an cha'an mi' cʌy i ts'i'lel, cha'an mach mi' chʌn pi'leñob yaño' bʌ.

Oseas 4:1

Israelob, yom mi la' ñich'tʌben i t'an lac Yum. Lac Yum woli' tsictesʌbeñet la' mul: Ma'anic i xuc'tilel la' pusic'al. Ma'anic la' wutslel. Ma'anic mi la' cʌn Dios.

Levitico 20:5

che' jini, joñon mi caj j contrajiñet yic'ot pejtelel a pi'ʌlob. Mi caj c choquet loq'uel tic tejclum yic'ot a pi'ʌlob woli bʌ i tsajcañob jini dioste' Moloc.

Miqueas 6:2

Ubinla, wits tac, chuqui woli' yʌl lac Yum ti' contra jini israelob, come añob i mul. Wersa mi caj i melob i bʌ yic'ot.