Jeremias 2:7 - Chol: I T’an Dios

⁷ Pero joñon tsac pʌyʌyetla tilel ti jini wen bʌ lum ba' wen yujil colel pʌc'ʌbʌl cha'an on mi cʌq'ueñet la' c'ux i wut te' yic'ot yambʌ c'uxbil bʌ. Che' bʌ tsa' ochiyetla, tsa' la' bibesa jini lum. Tsa' la' wʌc'ʌ ti ts'a'lentel jini c lum.

Chol de Tumbalá Bible

⁷ Pero joñon tsac pʌyʌyetla tilel ti jini wen bʌ lum ba' wen yujil colel pʌc'ʌbʌl cha'an on mi cʌq'ueñet la' c'ux i wut te' yic'ot yambʌ c'uxbil bʌ. Che' bʌ tsa' ochiyetla, tsa' la' bibesa jini lum. Tsa' la' wʌc'ʌ ti ts'a'lentel jini c lum.

Jeremias 2:7 Iomraidhean Croise

Nehemias 9:25

Tsi' ch'ʌmʌyob wen melbil bʌ tejclum tac joy mʌcbil bʌ ti ts'ajc, yic'ot wen bʌ lum an tac bʌ i bʌl. Tsa' cajiyob ti chumtʌl ti wen chajpʌbil bʌ otot am bʌ cabʌl i bʌl. An melbil bʌ pozo yic'ot ts'usubil yic'ot olivojil yic'ot cabʌl te' on bʌ mi' yʌc' i wut. Tsi' c'uxuyob. Tsa' ñaj'ayob. Tsa' cajiyob ti jujp'el. Tijicñayob cha'an tsa' pʌsbeyob cabʌl a wutslel.

Nehemias 9:26

Pero ma'anic tsi' jac'beyetob. Tsi' ñusayob a t'an. Tsi' ts'a'leyob a mandar. Tsi' tsʌnsayob jini x'alt'añob a cha'an tsa' bʌ i subeyob cha'an mi' sutq'uiñob i bʌ ba' añet. Tsi' cha'leyob cabʌl p'ajoñel.

Isaias 19:25

Come i Yum Panchan yic'ot Pañimil mi caj i yʌq'ueñob i yutslel i t'an Egipto yic'ot Asiria che' uts'atix mi' tem ajñelob yic'ot Israel. Come tsi' yʌlʌ: Muc'ʌch i tajob i yutslel c t'an jini egiptojob come c cha'añob, yic'ot jini chumulo' bʌ ti Asiria come c melbalob, yic'ot israelob come tsac yajcayob, che'en.

Jeremias 16:18

Cha'yajl mi caj i tojob i mul cha'an tsi' bib'esayob c lum. Ya' ba' com chumtʌl tsi' p'ojlesayob i diosob. Leco mij q'uel i diosob che' bajche' ch'ujlelʌl ts'a'lebil bʌ c cha'an, che'en lac Yum.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Jeremias 3:9

Tsa' caji' ch'ujutesan dios tac melbil bʌ ti te' yic'ot ti xajlel. Che' jini tsi' bib'esa jini lum cha'an i ts'i'lel.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Jeremias 32:30

Come to'ol mulil jach mi' cha'leñob jini israelob yic'ot judíojob c'ʌlʌl che' ch'itoñob to. Lu' q'uelel c cha'an. Mi' yʌc'oñob ti mich'ajel yic'ot pejtel i melbalob i c'ʌb, che'en lac Yum.

Ezequiel 20:24

Come ma'anic tsi' meleyob chuqui tsac subeyob, pero tsi' ñusayob c t'an. Ma'anic tsi' p'isiyob ti wenta i q'uiñilel c'aj o. Tsi' ch'ujutesayob i dios tac i ñojte'elob.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Ezequiel 23:35

Lac Yum woli' yʌl: Tsa'ix ñajʌyiyon a cha'an. Tsa'ix a sutq'ui a pat tic tojlel. Jini cha'an ch'ʌmʌ ti a wenta a bajñel mul yic'ot pejtelel a ts'i'lel tsa' bʌ a mele, che'en.

Oseas 9:3

Ma'anic mi caj la' cʌytʌl ti' lumal lac Yum. Wersa mi caj la' pʌjyel majlel ti Egipto yic'ot ti Asiria. Ya'i mi caj la' c'ux i colojbal i bʌl i ñʌc' yaño' bʌ.

Miqueas 2:10

Tejchenla, loq'uenla, come ma'anix la' chumlib ilayi cha'an cabʌl tsa'ix la' cha'le jontolil. Mi caj la' chojquel loq'uel ti jini lum.

Numeros 13:27

Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Deuteronomio 21:23

mach yomic mi la' cʌyben i bʌc'tal ya' ti te' ti ac'ʌlel, pero yom mi la' wersa mucben i bʌc'tal ti jini jach bʌ q'uin, come chocbil ti Dios juntiquil mu' bʌ i joc'tʌl ti te'. Mach yomic mi la' wʌc' ti bib'an la' lum woli bʌ i yʌq'ueñetla lac Yum ya' ba' mi la' majlel ti chumtʌl.

Deuteronomio 32:9

Come c'uxbibil Israel i cha'an lac Yum. Jacob i yajcʌbalʌch lac Yum.

Deuteronomio 6:18

Melela chuqui toj yic'ot chuqui wen ti' tojlel lac Yum, cha'an uts'at mi' yujtel ti la' tojlel. Che' jini mi caj la' wochel ti chumtʌl ti jini wen bʌ lum tsa' bʌ i wʌn subeyob la' ñojte'el.