Jeremias 2:5 - Chol: I T’an Dios

⁵ Woli' yʌl lac Yum: ¿Chuqui c mul ti' tojlel la' tat? ¿Chucoch tsi' cʌyʌyoñob? Tsi' lon c'uxbiyob jini mach bʌ anic i c'ʌjñibal. Tsa' sojquiyob i ña'tʌbal.

Chol de Tumbalá Bible

⁵ Woli' yʌl lac Yum: ¿Chuqui c mul ti' tojlel la' tat? ¿Chucoch tsi' cʌyʌyoñob? Tsi' lon c'uxbiyob jini mach bʌ anic i c'ʌjñibal. Tsa' sojquiyob i ña'tʌbal.

Jeremias 2:5 Iomraidhean Croise

2 Reyob 17:15

Tsi' ñusʌbeyob i mandar lac Yum yic'ot jini xuc'ul bʌ t'an tsa' bʌ i mele yic'ot i ñojte'elob. Ma'anic tsi' jac'beyob i t'an. Tsa' jach i bajñel sajcayob jini lolom tac bʌ am bʌ ti pañimil. Tsa' sojquiyob. Lajal tsi' meleyob che' bajche' i tilel mi' melob jini mach bʌ i cʌñʌyobic Dios, anquese tic'bilob ti Dios.

Salmos 115:8

Pejtel mu' bʌ i melob dioste', mu' bʌ i ñopob, junlajalob yic'ot.

Isaias 29:13

Jini cha'an lac Yum woli' yʌl: Jini winicob x'ixicob mi' pejcañoñob ti' yum, pero ma'anic mi' yumañoñob. Mi' lon ch'ujutesañoñob ti' t'an, che ñajt añob i pusic'al. Woli jach i ñopob i cʌntesʌbal winicob.

Isaias 44:9

Sojquemob pejtel jini xmel diosob. Ma'anic i c'ʌjñibal i melbalob mu' bʌ i lon c'uxbiñob. Jini mu' bʌ i melob mi' bajñel ña'tañob mach c'otic i wut jini diosob. Ma'anic mi' yubiñob t'an. Ma'anic i ña'tʌbal. Jini cha'an mi' cajelob ti quisin.

Isaias 46:12

Ñich'tañonla jatetla, tilel bixel bʌ la' pusic'al, mach bʌ tojeticla.

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Jeremias 12:2

Jatet ma' pʌc'ob. Mi' wen colelob, mi' p'ojlel cabʌl i chubʌ'an. Mi' yʌlob wocolix i yʌlʌ Dios pero ñajt añet ti' pusic'al. Ma'anic mi' p'isetob ti wenta.

Jeremias 14:22

¿Mejl ba i chocob tilel ja'al i diosob yan tac bʌ tejclum? ¿Yilol jach ba mi' tilel ja'lel ti panchan? Jatet c Yumet, c Dioset. Mic pijtañet lojon. Jatet jach ma' mel pejtel iliyi.

Jeremias 2:31

Jatetla cuxulet bʌ la wʌle, ¿mach ba la' womic la' jac'ben i t'an la' Yum? Ts'a' mi la' q'uelon che' bajche' tiquin lum. Lajal mi la' q'uelon che' bajche' ic'ch'ipan bʌ pañimil. Anquese mach che'ic añon mi la' wʌl: “Com lojon ñajt bʌ xʌmbal baqui jach yom c pusic'al. Mach chʌn talonix lojon ba' añet”, che'etla. ¿Chucoch che' mi' yʌl c tejclum bajche' jini?

Jeremias 2:4

Ubinla i t'an lac Yum pejteletla i cha'añet bʌ la Jacob yic'ot pejteletla añet bʌ la ti Israel.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Ezequiel 11:15

I yalobil winic, jini chumulo' bʌ ti Jerusalén tsa' bʌ cʌleyob che' bʌ tsa' cʌjchiyob majlel i pi'ʌlob woli' yʌlob: “Lac Yum tsi' chocoyob loq'uel come wen jontolob. Wʌle lac cha'añʌch i lum”, che'ob.

Ezequiel 14:5

Che' jini mi caj c jec'beñob i pusic'al jini israelob, come tsi' tʌts'ʌyob i bʌ tic tojlel cha'an mi' ch'ujutesañob jini dioste' tac”.

Jonas 2:8

Majqui jach mi' ñop dioste' tac mach bʌ anic i c'ʌjñibal wolix i cʌy jini Yujil bʌ P'untaya.

Mateo 15:8

“Ti' yej jach mi' subob c ñuclel jini winicob x'ixicob, pero ti' pusic'al mi' cʌyoñob.

Hechos 14:15

Tsi' yʌlʌyob: Winicob, ¿chucoch mi la' cha'len che' bajche' jini? Joñon lojon winicon lojon ja'el che' bajche'etla. Mic subeñetla yom mi la' cʌy jini lolom jach bʌ cha'an mi la' ñop jini cuxul bʌ Dios tsa' bʌ i mele panchan yic'ot pañimil yic'ot colem ñajb yic'ot pejtelel i bʌl.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

Deuteronomio 32:21

Tsa'ix i techbeyon i tsʌytsʌñʌyel c pusic'al cha'an i dioste' mach bʌ Diosic. Joñon mi caj cotsʌbeñob i tsʌytsʌyñʌyel i pusic'al Che' mij c'uxbin yambʌ tejclumob año' bʌ ti pañimil, jini cʌybilix bʌ.

1 Samuel 12:21

Mach la' lon majlel ba'an dios te' tac, come ma'anic chuqui mi' yʌq'ueñetla, come ma'anic i c'ʌjñibal.