Jeremias 2:3 - Chol: I T’an Dios

³ Che' jini ch'ujulob israelob tic wut che' bajche' jini ñaxan bʌ i wut pac'. Pejtel tsa' bʌ i jisayob c winicob tsi' tojoyob i mul. Tsa' tili ñuc bʌ wocol ti' tojlelob”, che'en lac Yum.

Chol de Tumbalá Bible

³ Che' jini ch'ujulob israelob tic wut che' bajche' jini ñaxan bʌ i wut pac'. Pejtel tsa' bʌ i jisayob c winicob tsi' tojoyob i mul. Tsa' tili ñuc bʌ wocol ti' tojlelob”, che'en lac Yum.

Jeremias 2:3 Iomraidhean Croise

Exodo 22:29

Che' i yorajlelix c'ajbal mach mi' jal'an c majtan mu' bʌ caj a wʌq'ueñon, i diezmojlel tac pejtel i wut lum. Aq'ueñon ja'el jini ascuñʌl bʌ a walobilob.

Exodo 23:16

An i q'uiñilel c'ajbal ja'el che' mi la' wʌq'ueñon ñaxan bʌ i wut pʌc'ʌbʌl. Che' ti' jilibal jujump'ejl jab an q'uiñijel ja'el cha'an i wut pejtelel pʌc'ʌbʌl, che' bʌ tsa'ix la' tuc'u ochel pejtelel i wut pʌc'ʌbʌl.

Isaias 41:11

Awilan pejtel mu' bʌ i ts'a'leñet mi caj i yubiñob quisin. Mi caj i toj sajtelob i pusic'al. Jini mu' bʌ i contrajiñet mi caj i jilelob. Ma'anix mi caj a chʌn p'isob ti a wenta.

Isaias 47:6

Che' bʌ tsac mich'le c cha'año' bʌ, tsa cʌc'ʌyob ti a c'ʌb cha'an mi' tojob i mul. Pero ma'anic tsa' wis p'untayob. Tsa' wʌq'ueyob al bʌ i cuch jini xñoxo' bʌ.

Jeremias 12:14

Lac Yum mi' yʌl: Ubin chuqui mi caj c tumben jini xjontolilob ñajt bʌ ch'oyolob mu' bʌ i tilelob cha'an mi' jisʌbeñob i lumal c tejclum Israel, jini lum tsa' bʌ cʌq'ueyob. Mi caj c chocob loq'uel ti' lumal jini israelob che' bajche' mi caj c choc loq'uel Judá.

Jeremias 2:4

Ubinla i t'an lac Yum pejteletla i cha'añet bʌ la Jacob yic'ot pejteletla añet bʌ la ti Israel.

Jeremias 30:16

Pero mi caj c laj jisan a contrajob mu' bʌ i jisañet. Mi caj i cʌjchelob majlel ti majtan e'tel ti' wenta i yumob. Jini mu' bʌ i tic'lañet mi caj i tic'lʌntelob. Jini mu' bʌ i chilbeñet a chubʌ'an mi caj i chilbentel i chubʌ'an.

Jeremias 50:7

I contrajob tsi' tajayob. C'unte' c'unte' tsi' jisayob. Jini xjisayajob tsi' yʌlʌyob: “Ma'anic lac mul, bajñel añob i mul cha'an tsi' cʌyʌyob i Yum, jini toj bʌ i Dios i tatob”, che'ob.

Joel 1:3

Yom mi la' cha' suben la' walobilob. La' i subeñob i yalobilob ja'el.

Amos 6:1

Mi caj i yubiñob wocol jini wen chumulo' bʌ ti Jerusalén yic'ot ti Samaria, yic'ot jini ñuco' bʌ año' bʌ i ye'tel ti' tojlel israelob.

Habacuc 1:11

Ti ora jach mi' ñumelob majlel che' bajche' p'ʌtʌl bʌ ic'. Añob i mul ili winicob come cʌyʌlob ti' dios te' tac. Mi' lon ña'tañob ya' tilem i p'ʌtʌlel, che'en lac Yum.

Zacarias 1:15

Wen mich'on ti' tojlel yaño' bʌ tejclumob, come to'ol che' jach añob. Che' bʌ tsac ts'ita' mich'le c tejclumob cha'an i mul, yambʌ yumʌlob tsi' yutsi tic'layob”. Che'ʌch yom ma' sub.

Zacarias 2:8

Come i Yum Panchan yic'ot Pañimil tsa'ix i chocoyon tilel cha'an mij contrajiñob jini tsa' bʌ i tic'layetla, come jini mu' bʌ i tic'lañetla mi' tic'lan Dios ja'el.

Numeros 18:12

La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

Romanos 11:16

Come jini Abraham yic'ot jini x'alt'anob, i cha'añobʌch Dios. Che' ja'el i p'olbalob, come mi ch'ujul i wi' te', che' ja'el i c'ʌb tac.

Romanos 16:5

Aq'uenla cortesía ja'el xñopt'añob mu' bʌ i tempañob i bʌ ya' ti' yotot Aquila. Aq'uenla cortesía Epeneto ja'el mu' bʌ j c'uxbin, tsa' bʌ i ñaxan ñopo Cristo ya' ti Acaya.

Efesios 1:4

Come tsi' yajcayonla ti Cristo che' maxto melbilic pañimil cha'an mi la cajñel ti ch'ujul ti' tojlel, sʌq'uesʌbilonixla ti pejtelel lac mul.

Deuteronomio 14:2

Come ch'ujul bʌ i tejclumetla lac Yum Dios. Yajcʌbiletla i cha'an, cha'an mi la' wajñel ti ch'ujul ti' tojlel lac Yum. Mach che'iquetla bajche' yaño' bʌ tejclumob ti pañimil.

Deuteronomio 26:19

Che' jini mi caj i ñumen aq'uetla ti ñuc cha'an ñumen mi la' taj la' c'uxbintel yic'ot la' wenlel ti' tojlel yambʌ tejclum tac. Mi caj la' wochel ti ch'ujul bʌ i tejclum lac Yum Dios che' bajche' tsi' yʌlʌ.

Deuteronomio 7:6

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

Santiago 1:18

Tsi' yʌq'ueyonla lac ñop i sujmlel i t'an cha'an mi lac cha' ilan pañimil che' bajche' yom i pusic'al. Tsi' cha' meleyonla ti yʌx alʌl bʌ i yalobil ti' tojlel yaño' bʌ mu' bʌ caj i ñopob.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

Apocalipsis 14:4

Jiñobʌch sʌco' bʌ mach bʌ anic tsi' pʌyʌyob i yijñam. Mi' tsajcañob jini Tiñʌme' baqui jach mi' majlel. Tsa' mʌjñiyob loq'uel ti' tojlel i pi'ʌlob. Jiñobʌch jini ñaxan pac' ti' tojlel Dios yic'ot jini Tiñʌme'.