Jeremias 2:26 - Chol: I T’an Dios

²⁶ Jini yujil bʌ xujch' mi' cajel ti quisin che' cʌmbilix i mul. Che' ja'el mi' cajelob ti quisin i yalobilob Israel. Ti pejtelob yic'ot i reyob yic'ot motomajob yic'ot x'alt'añob

Chol de Tumbalá Bible

²⁶ Jini yujil bʌ xujch' mi' cajel ti quisin che' cʌmbilix i mul. Che' ja'el mi' cajelob ti quisin i yalobilob Israel. Ti pejtelob yic'ot i reyob yic'ot motomajob yic'ot x'alt'añob

Jeremias 2:26 Iomraidhean Croise

Esdras 9:7

C'ʌlʌl ti' yorajlel c tatob lojon, c'ʌlʌl ti ili ora, an cabʌl lojon c mul. Jini cha'an tsa'ix mʌjli i cha'añob j contrajob lojon. Tsa'ix tsʌnsʌntiyob ti espada c reyob lojon yic'ot c motomaj lojon. Lamital tsa' cʌjchiyob majlel. Tsa' chilbentiyon lojon c chubʌ'an. Tsa' ajq'uiyon lojon ti quisin che'ʌch bajche' wʌle.

Salmos 97:7

Mi' cajelob ti quisin pejtel mu' bʌ i ch'ujutesañob dioste' tac, Mu' bʌ i lon chañ'esañob i bʌ cha'an dioste' tac mach bʌ anic i c'ʌjñibal. La' i pʌcchocoñob i bʌ ti' tojel i yoc Dios pejtel diosob.

Isaias 1:29

Mi caj la' wen ubin quisin cha'an tsa' la' ch'ujutesa dioste' tac ti yebal c'olol te'. Mi' caj ti chʌc'an la' wut cha'an tsa' la' ñusayon ya' ti jini pʌc'ʌbʌl tac tsa' bʌ la' mula.

Isaias 44:11

Pejtel mu' bʌ i ch'ujutesañob mi caj i yubiñob quisin, come i melbal jach winicob. La' i tempañob i bʌ xmel diosob yic'ot mu' bʌ i ch'ujutesañob cha'an mi' tsictiyel i lot. Mi caj i toj sajtelob i pusic'al. Mi caj i yubiñob quisin.

Isaias 44:9

Sojquemob pejtel jini xmel diosob. Ma'anic i c'ʌjñibal i melbalob mu' bʌ i lon c'uxbiñob. Jini mu' bʌ i melob mi' bajñel ña'tañob mach c'otic i wut jini diosob. Ma'anic mi' yubiñob t'an. Ma'anic i ña'tʌbal. Jini cha'an mi' cajelob ti quisin.

Jeremias 2:36

¿Chucoch ma' ñajtʌ ñumel ti xʌmbal ba' jaxʌl a lum cha'an ma' sʌclan a coltʌntel ti' tojlel jini mach bʌ a cʌñʌyic? Ma' cajel ti quisin cha'an tsa' ña'ta a taj a coltʌntel ti Egipto, che' bajche' tsa' cha'le quisin cha'an Asiria.

Jeremias 22:22

Wʌle bʌc' majlemobix pejtel a waj q'ueloñelob che' bajche' i yopol te' mu' bʌ i wejlan ic'. Mi caj i cʌjchelob majlel a pi'ʌlob c'uxbibilo' bʌ a cha'an. Che' jini mi caj i toj sajtel a pusic'al ti quisin cha'an pejtel a jontolil.

Jeremias 32:32

Jini israelob yic'ot jini judíojob tsi' cha'leyob mulil cha'an mi' yʌc'oñob ti mich'ajel. Laj añob i mul i reyob yic'ot i yalobilob reyob, yic'ot motomajob, yic'ot x'alt'añob, yic'ot jini winicob chumulo' bʌ ti Judá yic'ot ti Jerusalén. Jini cha'an woli' tojob i mul.

Jeremias 4:9

Ti jim bʌ ora mi' caj ti quisin jini rey yic'ot i yalobilob yic'ot motomajob yic'ot x'alt'añob, che'en lac Yum. Mi caj i toj sajtelob i pusic'al.

Jeremias 48:27

An a mul cha'an tsa' wajle Israel. Tsa' xujch'ibe i chubʌ'an. Tijicñayet che' bʌ tsi' yubi wocol.

Ezequiel 16:54

cha'an ma' wubin quisin cha'an pejtelel chuqui tac tsa' mele. Che' mi' q'ueletob yic'ot a wocol, mi caj i toj ñuc'añob i pusic'al jini ch'oyolo' bʌ ti Sodoma yic'ot Samaria, come ts'ita' jach tsi' yubiyob wocol cha'an i mul.

Ezequiel 22:26

Jini motomajob mi' ñusañob c mandar. Mi' bib'esañob c Templo yic'ot jini ch'ujul bʌ j c'aba'. Junlajal jach mi' q'uelob jini sʌsʌc bʌ yic'ot jini bibi' bʌ. Ma'anic mi' p'isob ti wenta i q'uiñilel c'aj o. Ti pejtelelob mi' ts'a'leñob j c'aba'.

Zacarias 5:4

Wolic choc majlel ili t'an ti' yotot jujuntiquil xujch' yic'ot jujuntiquil mu' bʌ i c'ʌn j c'aba' ti jop't'an. Jini wocol mi' caj ti jalijel ya' ti' yotot jinto mi' laj jisan”. Che' tsi' yʌlʌ i Yum Panchan yic'ot Pañimil, che'en jini ángel.

Romanos 6:21

¿Chuqui tsa' la' taja ti mulil, che' jini? Wʌle che' mi la' cha' ña'tan la' mul, mi la' cha'len quisin, come la' wujilix mi' chʌmelob jini mu' bʌ i cha'leñob mulil che' bajche' jini.