Jeremias 2:2 - Chol: I T’an Dios

² Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Chol de Tumbalá Bible

² Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Jeremias 2:2 Iomraidhean Croise

Salmos 129:1

Cabʌl tsi' tic'layoñob c'ʌlʌl che' ch'itoñon to, La' i yʌlob israelob ti junjuntiquil.

Exodo 14:31

Che' bʌ tsi' q'ueleyob jini ñuc bʌ i melbal Dios ti' tojlelob, tsi' ch'ujtesayob lac Yum. Tsi' ñopoyob lac Yum. Tsi' ñopoyob i winicʌch lac Yum jini Moisés.

Exodo 16:8

Moisés tsi' cha' alʌ: Lac Yum mi caj i yʌq'ueñetla la c'ux we'elʌl ti ic'ajel. Mi caj i yʌq'ueñetla waj che' ti sʌc'ajel che' bajche' c'amel la' wom. Che' jini mi caj la' ña'tan lac Yum tsi' yubi che' bʌ tsa' la' cha'le wulwul t'an ti' contra. Woli la' contrajin Dios che' mi la' contrajiñon lojon, che'en.

Proverbios 1:20

Jini mach bʌ anic i p'isol i ña'tʌbal mi' cha'len t'an ti calle tac. Mi' yubibentel i t'an ti bij.

Cantares 3:11

Cucula. La' majlicob pejtel x'ixicob chumulo' bʌ ti Jerusalén. Q'uelela jini rey Salomón. Q'uelela i ch'ʌjlib i jol tsa' bʌ i c'ʌcchocobe i ña' che' ti' yorajlel i ñujpuñel, ti jini q'uin che' cabʌl i tijicñʌyel i pusic'al.

Cantares 3:6

¿Majqui jini woli bʌ ti tilel ti jochol lum che' bajche' buts' tomtoña bʌ am bʌ xojocña bʌ i yujts'il mirra yic'ot pom yic'ot pejtel yan tac bʌ xojocña bʌ?

Isaias 58:1

Cha'len c'am bʌ oñel. Mach a cha'len bʌq'uen. Cha'len t'an che' bajche' trompeta. Tiq'ui c cha'año' bʌ cha'an i mul.

Jeremias 11:6

Lac Yum tsi' subeyon: Subeñob pejtel ili t'an jini chumulo' bʌ ti' tejclum tac Judá yic'ot ti Jerusalén: Ñich'tanla jini xuc'ul bʌ c t'an. Melela.

Jeremias 19:2

Loq'uen ti tejclum. Yom majliquet ti joctʌl Ben Hinom lʌc'ʌl ti' ti' tejclum am bʌ ti' pasibal q'uin. Ya' yom ma' sub pejtelel ili t'an woli bʌ c subeñet.

Jeremias 2:1

Tsa' tili i t'an lac Yum tic tojlel:

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Jeremias 3:4

Ujtel to tsa' pejcayon: “C tatet c'ʌlʌl che' xch'ocon to, c'ʌlʌl wʌle c pi'ʌlet.

Ezequiel 16:22

Ti pejtelel ili a mul yic'ot a ts'i'lel mach c'ajalix a cha'an bajche' añet che' xch'oquet to, che' pits'ilet, che' ma'anic a pislel, che' pʌjq'uemet ti a ch'ich'el.

Ezequiel 16:60

Pero wʌle mu' to c chʌn ña'tan jini trato tsa' bʌ c mele a wic'ot che' xch'oquet to. Muq'uix i jalijel jini trato ti pejtelel ora.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Ezequiel 23:19

Pero tsa' caji i yutsi cha'len i ts'i'lel. Tsa' caji i cha' mel che' bajche' tsi' mele che' xch'oc to che' bʌ tsi' cha'le i ts'i'lel ya' ti Egipto.

Ezequiel 23:8

Ma'anic tsi' cʌyʌ i ts'i'lel tsa' bʌ i ñopo ti Egipto, come che' xch'oc to tsa' bʌc' ajni yic'ot winic. Ya'i tsa' ñet'benti i chu' cha'an i ts'i'lel.

Oseas 11:1

Che' maxto anic i jabilel yilal jini calobil Israel, tsac wen c'uxbi. Tsac pʌyʌ loq'uel ti Egipto.

Oseas 2:15

Che' jini mi caj c cha' aq'uen jini ts'usubil. Ya' ba' ch'ijiyem cha'an cabʌl wocol mi caj c ñuq'uesʌben i pusic'al. Che' jini wen tijicña jax mi caj i yubin. Ya'i mi' cajel ti c'ay che' bajche' ti yambʌ ora che' xch'oc to, che' bʌ tsaj colta loq'uel ti Egipto.

Oseas 2:17

Israel, mi caj cʌc' ti ñajʌyel a cha'an a dioste' tac. Ma'anix mi caj a chʌn pejcʌben i c'aba'.

Oseas 2:7

Che' mi' cha' tsajcan jini winicob, ma'anic mi caj i tajob. Mi caj i lon sʌclañob, pero ma'anix mi caj i tajob. Che' jini mi caj i yʌl: “Muq'uix c cha' sujtel ba'an c ñoxi'al, come tijicñayon quic'ot. Ch'ijiyemon wʌle”, che'en.

Oseas 8:1

Wusu jini trompeta, come talob a contrajob che' bajche' xta'jol. Talob i jisan c cha'año' bʌ cha'an tsi' jemeyob jini trato bʌ c t'an. Tsi' wersa ñusayob c mandar.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.

Jonas 1:2

Ch'ojyen, cucu ti Nínive, jini colem tejclum. Subeñob i mul, come q'uelelix c cha'an cabʌlob i jontolil, che'en lac Yum.

Mateo 11:15

Jini am bʌ i chiquin cha'an mi' yubin, la' i yubin.

Lucas 12:13

Che' motocñayob winicob x'ixicob juntiquil tsi' sube Jesús: Maestro, suben jini cʌscun cha'an mi' t'oxbeñon i chubʌ'an c tat, che'en.

Deuteronomio 2:7

Come la' Yum Dios tsa'ix i wen cʌntayetla. Tsi' wen q'ueleyetla che' bʌ tsa' ñumiyetla ti pejtelel ili colem bʌ i tiquiñal pañimil. Cha'c'al jab tsi' pi'leyetla la' Yum. Ma'anic chuqui anto yom la' cha'an. Che' tsi' yʌlʌ lac Yum.

Deuteronomio 33:3

C'ux mi' yubin winicob x'ixicob i cha'año' bʌ. Mi' coltan jini mu' bʌ i tsajcañob majlel. Buchulob ti a woc mi' ñopob a t'an,

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Santiago 4:4

Lajaletla bajche' x'ixic mu' bʌ i cʌy i ñoxi'al cha'an mi' c'uxbiben i contra. ¿Mach ba la' wujilic? Jini mu' bʌ i c'uxbin i cha'an bʌ pañimil, mi' contrajin Dios. Jini yom bʌ i c'uxbintel ti pañimil, woli' yotsan i bʌ ti' contra Dios.

Apocalipsis 2:4

Pero an chuqui mach wenic ti la' tojlel. Ma'anix mi la' wen c'uxbiñon che' bajche' ti ñaxan.