Jeremias 2:19 - Chol: I T’an Dios

¹⁹ Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Chol de Tumbalá Bible

¹⁹ Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 2:19 Iomraidhean Croise

1 Reyob 18:18

Elías tsi' jac'ʌ: Mach joñonic. Ma'anic wolic tic'lan Israel. Jatet yic'ot a pi'ʌlob woli la' tic'lan Israel, come tsa'ix la' ñusʌbe i t'an lac Yum. Tsa'ix la' tsajca jini dios Baal.

2 Cronicas 12:5

Tsa' c'oti jini x'alt'an Semaías i pejcan Roboam yic'ot año' bʌ i ye'tel ti Judá tsa' bʌ i tempayob i bʌ ti Jerusalén cha'an mi' puts'tañob Sisac. Tsi' subeyob: Lac Yum tsi' yʌlʌ: “Jatetla tsa' la' cʌyʌyon. Jini cha'an tsaj cʌyʌyetla ti' c'ʌb Sisac cha'an mi la' tic'lʌntel”. Che' tsi' yʌlʌ lac Yum, che'en jini x'alt'an.

2 Cronicas 21:10

Pero Edom tsa' cʌle ti libre ti' tojlel Judá c'ʌlʌl wʌle. Tsa' cʌle ti libre ja'el Libna ti' tojlel Judá, come che'ʌch tsi' yʌlʌ lac Yum cha'an ti' caj i mul Joram cha'an tsi' cʌyʌ i Dios i ñojte'elob.

2 Cronicas 25:16

Che' woli to ti t'an jini x'alt'an, Amasías tsi' jac'ʌ: ¿Tsa' ba wa'chocontiyet cha'an ma' toj'esañon? Ch'abix. ¿Mach ba a wujilic mi mejlel c tsʌnsañet? che'en. Jini x'alt'an tsi' cha' sube: Tsiquil che' jini lac Yum woli' ña'tan i jisañet, come leco jax bajche' tsa' mele. Ma'anic tsa' jac'ʌ c t'an, che'en.

Salmos 36:1

Tsʌytsʌyña i pusic'al jini jontol bʌ. Ma'anic mi' bʌc'ñan Dios.

Exodo 33:6

Jini israelob tsi' laj loc'sayob i ch'ʌjlil ya' ti wits i c'aba' Horeb.

Proverbios 1:31

Jini cha'an mux i yʌq'uentelob i chobejtʌbal cha'an i melbalob. Mux i junyajlel cʌytʌlob yic'ot i jontolil.

Proverbios 1:32

Come i sajtemal jini tontojo' bʌ mi caj i tsʌnsañob. Jini lon xuc'ulo' bʌ i pusic'al cha'an i chubʌ'an mi caj i jilelob.

Proverbios 5:22

Chucbil xjontolil cha'an i jontolil. Cʌchʌl ti lazo yubil cha'an i mul.

Isaias 3:9

Mach mejlic i mucob i mul. Tsiquil ti' wut. Mi' pam tsictesañob i mul che' bajche' Sodoma. Mach yujilobic quisin. ¡P'umpuñob jax! Woli jach i yʌc'ob i bʌ ti wocol.

Isaias 5:5

Mi caj c subeñetla chuqui mi caj c tumben c ts'usubil. Mux caj c jemben i mʌjquil cha'an mi' sujtel ti potrero. Alʌc'ʌl tac mi caj i yochel i t'uchtan ba' tocol i ts'ajquil.

Isaias 50:1

Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar.

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 13:22

Che' mi' letsañob a majts cha'an mi yʌq'uet ti quisin, mi caj a wʌl ti a pusic'al: “¿Chucoch woli cubin wocol?” Ña'tan che' jini, cha'an ti' caj a mul wola' wubin wocol.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 3:22

“Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 4:18

A jontolil woli' yʌq'uet ti wocol cha'an tsa' wersa ñopo jontolil. Wen ch'ajatax ma' wubin wʌle. Mi' c'ʌlʌl c'otel i ch'ajel ti a pusic'al, che'en lac Yum.

Jeremias 5:22

¿Chucoch ma'anic mi la' bʌc'ñañon? che'en lac Yum. ¿Chucoch mach tsiltsilñayeticla tic tojlel? Tsa cʌc'ʌ jini ji'il che' bajche' bujtʌl ti' ti'il colem ja' cha'an ya' jaxʌl mi' c'otel ja'. Mach mejlic ti ñumel ti pejtelel ora anquese we'ecña ja', anquese chan mi' mel i bʌ. Wersa mi' jac'beñon c t'an.

Jeremias 5:24

Joñon mic chocbeñob tilel ja'al ti' yorajlel, che' woli' colel pac'. Joñon mi cʌq'ueñob i wut lum che' ti' yorajlel c'ajbal. Pero ma'anic majqui mi' p'ison ti' wenta. Ma'anic majqui mi' q'uelon ti ñuc. Ti' caj la' mul ma'anic mi' tilel ja'al. Ti' caj la' mul ma'anic i bʌl la' ñʌc'. Ma'anic c'ajbal.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 7:19

¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

Jeremias 8:5

Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Ezequiel 23:30

Pejtelel ili wocol mi caj i yujtel ti a tojlel cha'an ti' caj a mul, come tsa' cha'le a ts'i'lel ti' tojlel yan tac bʌ tejclum. Tsa' pʌc'ʌ a bʌ ba'an i diosob.

Ezequiel 39:24

Che'ʌch tsac melbeyob ti' caj i mul cha'an tsi' ñusayob c t'an. Tsac mʌybeyob c wut.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Oseas 13:9

Che' mic jisañet, ¿majqui mi mejlel i coltañet?

Oseas 14:1

Awocolic, israelob, sutq'uin la' bʌ ba'an lac Yum, i Dios israelob, come ti' caj la' mul tsa' la' taja wocol.

Oseas 4:16

Pejtelel jini israelob tsi' ñusayob c mandar che' bajche' jontol bʌ ña' wacax mach bʌ yomic i q'uel i yum. Mach yomobic mij cʌntañob che' bajche' mi' cʌntʌntel alʌ tat tiñʌme'.

Oseas 5:5

Woli' chañ'esan i bʌ Israel. Asibilix cha'an i mul. Judá ja'el woli' yʌsʌyel ti mulil. Temel mi caj i yajlelob.

Oseas 7:2

Ma'anic mi' ña'tañob mi wolij q'uelob. Laj tsiquil i jontolil ti' tojel c wut.

Oseas 9:1

Mach yomix tijicñayetla, israelob, che' bajche' yambʌ tejclumob, come tsa'ix la' cʌyʌ la' Dios. Wolix la' ch'ujutesan dioste' tac ti jujump'ejl patio ba' mi' jajts'el trigo.

Amos 8:10

Mi caj c sutq'uin la' q'uiñijel ti ch'ijiyem. Mi caj la' cʌy la' c'ay cha'an uq'uel. Mi caj cʌq'ueñetla la' xoj coxtal ti la' pejtelel. Mi caj cʌc' ti bojquel la' jol. Mi caj la' cha'len uq'uel che' bajche' jini mu' bʌ i yuc'tan coj bʌ i yalobil. Che'ʌch mi caj la' wujtel ti' q'uiñijel la' wocol. Wen ch'aj mi caj la' wubin.

Miqueas 1:5

Mi caj i yujtel pejtelel iliyi cha'an ti' caj i mul Jacob yic'ot i mul Israel. ¿Chuqui i mul Jacob? Tsi' ch'ujutesa dioste' tac ya' ti Samaria. ¿Chuqui i mul Judá? Tsi' cha'le ch'ujutesa ya' ti' chañelal wits tac ti Jerusalén.

Zacarias 7:11

Pero la' ñojte'elob ma'anic tsi' jac'ʌyob. Tsi' mʌyʌyob i wut. Tsi' mʌcʌyob i chiquin cha'an mach yomobic i yubin.

Romanos 3:18

Ma'anic mi' wis bʌc'ñañob Dios”. Che'ʌch ts'ijbubil.

Juezob 10:13

Pero tsa'ix la' cʌyʌyon cha'an mi la' lon ch'ujutesan dioste'. Jini cha'an ma'anix mi caj c chʌn coltañetla wʌle.