Jeremias 2:15 - Chol: I T’an Dios

¹⁵ Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Chol de Tumbalá Bible

¹⁵ Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 2:15 Iomraidhean Croise

Job 4:10

Dios mi' tic'ben i t'an bajlum yujil bʌ jontolil. Mi' c'ʌsben i bʌquel i yej i yal bajlum.

Salmos 57:4

Joyolon ti cabʌl bajlum yilal. Añon ti ojlil ba mich'ob winicob. Lajalob bajche' bajlum am bʌ jay bʌ i bʌquel i yej. Mi' c'ʌñob i yac' che' bajche' jay bʌ espada.

Isaias 1:7

Pujch'emix a lum Judá. Tsa'ix sujti ti c'ʌnc'ʌn. Tiquinix. Pulbilix a tejclum tac. Jini ñajt bʌ ch'oyolob woli' c'uxob i wut a pʌc'bal che' tulul a wut wola' q'uelob.

Isaias 24:1

Awilan lac Yum mi caj i jisan a lumal, Judá. Mi caj i yʌc' ti sujtel ti mate'el. Mi caj i puc majlel winicob ti pejtelel pañimil.

Isaias 5:29

Lajal muc'ob ti oñel bajche' bajlum che' yomix i chuc i we'el. Ma'anix majqui mi mejlel i chilben che' cats' c'uxulix i cha'an.

Isaias 5:9

Lac Yum tsa'ix i tsictesʌbeyon: Jocholix jini colem otot wen uts'at tac bʌ. Ma'añobix i yumob.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 25:30

Jini cha'an mi caj a cha'len subt'an cha'an ma' tsictesʌbeñob ili wocol mu' bʌ caj i jisañob che' bajche' wolic subeñet. Subeñob: “Lac Yum mi' cajel ti c'am bʌ t'an che' bajche' bajlum. Ya' ba' chumul ti chan ti ch'ujul bʌ i chumlib mi caj i yʌc' i t'an ti' contra Judá. Mi' caj ti oñel che' bajche' winicob mu' bʌ i pets'ob loq'uel i ya'lel ts'usub. C'am i t'an ti' contra pejtel chumulo' bʌ ti pañimil.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 26:9

¿Chucoch tsa' cha'le subt'an ti' c'aba' lac Yum? Tsa' subeyon lojon cha'an mux caj i sujtel ili otot che' bajche' Siloe. “Jochol mi caj i cʌytʌl ili tejclum”, che'et. Che' tsi' cha'leyob a'leya. Ya' joyol Jeremías ti ili winicob ya' ti' pat Templo.

Jeremias 33:10

Lac Yum woli' yʌl: Tsi' yubiyob laj pujch'emix ili lum. Ma'anic majqui wʌ' chumul mi winic mi bʌte'el. Jocholix i tejclum tac Judá yic'ot i bijlel tac Jerusalén. Pero wʌ' ba' ch'ijiyem pañimil mi caj i cha' ubintel

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 4:7

P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 50:17

Pam pujquemob israelob che' bajche' tiñʌme' ajñesʌbil ti bajlum. Ñaxan tsi' cha'le jisaya Asiria. Wi'il tsi' cha'le jisaya jini rey Nabucodonosor ti Babilonia.

Jeremias 51:38

Mi caj i tem cha'leñob oñel che' bajche' i yal bajlum. Ñajt mi caj i yubintel i t'an.

Jeremias 6:8

Jac'ʌ a cʌntesʌntel Jerusalén. La' jultesʌntic a pusic'al ame mic junyajlel tʌts' c bʌ ti a tojlel, ame mic chilbeñet a lum, che'en.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Ezequiel 36:3

Tsi' tsʌnsayetla baqui jach tsa' majliyetla. Tsi' chocoyetla majlel ti mozojintel. Tsi' wajleyetla. Tsi' p'ajayetla.

Ezequiel 5:14

Mi caj j cʌyetla cha'an mi' ts'a'leñetla pejtel xñumelob loq'uemo' bʌ ti yan tac bʌ tejclum ti la' joytilel.

Oseas 11:10

Mi caj i ñopon. Joñon mi caj c cha'len oñel che' bajche' bajlum. Tsiltsilñayob ti bʌq'uen mi caj i tilelob calobilob loq'uemo' bʌ ti' bʌjlibal q'uin.

Oseas 5:14

Joñon lajalon bajche' bajlum ti' tojlel Efraín yic'ot Judá. C'ax p'ump'uñob mi caj c jisañob che' bajche' mi' bic'ti c'ux i colojm jini bajlum. Ma'anix majqui mi caj i coltan.

Amos 3:12

Lac Yum tsa' cha' caji' yʌl: Jini israelob chumulo' bʌ ti Samaria wocol mi caj i loq'uelob ya'i. Che' bajche' xcʌnta tiñʌme' mi' loc'sʌben ti' yej bajlum cha'ts'ijt i bʌquel tiñʌme' yic'ot i ñi'il jach i chiquin, che' ja'el mi caj i coltʌntelob israelob. Jini jach i xujt'il i chubʌ'an mi caj i cʌybentelob.

Amos 3:4

¿Mu' ba i cha'len t'an bajlum ti mate'el che' ma'anic i we'el? ¿Mu' ba i cha'len t'an alʌ bajlum ti ch'en che' ma'anic chuqui tsi' taja?

Amos 3:8

Jini bajlum mi' cha'len oñel. ¿Mach ba yomic mi lac bʌc'ñan? Lac Yum Dios tsa'ix i cha'le t'an. ¿Mach ba yomic mic cha' sub?

Nahum 2:11

¿Bacan Nínive wʌle? Jini colem tejclum tsi' pʌsʌ i bʌ che' bajche' bajlum ti' tojlel yan tac bʌ tejclum. Wen ch'ejl. Wen yujil leto. Ma'anic majqui yujil bʌq'uen, mi xñoxob, mi jinic alobob. ¿Baqui woli' mucob i bʌ wʌle?

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

Sofonias 2:5

¡P'ump'uñob jax jini chumulo' bʌ ti' ti' ja' ya' ti' tejclum tac Canaán! Come lac Yum tsi' yʌc'ʌ i t'an ti' contra filisteojob: Mi caj c junyajlel jisañetla. Ma'anic majqui mi caj i cʌytʌl, che'en.

Sofonias 3:6

Tsi' yʌlʌ lac Yum: Tsac jisa cabʌl tejclumob. Jocholix i chumlibob. Pim i bijlel. Ma'anix majch mi' ñumel ti calle. Ch'ijiyem jax tsa' cʌle tac tejclum. Ma'anix i yum otot.

Zacarias 11:3

Ju'ucña woliyob ti uq'uel jini xcʌntayajob ti Israel, come jisʌbilix i ñuclel. Ju'ucña i yuq'uel i yal tac bajlum, come laj jisʌbilix jini te'el ya' ti' joctʌl Jordán.

Juezob 14:5

Sansón tsa' wersa jubi majlel yic'ot i tat i ña' ya' ti Timnat. Che' wolix i c'otelob ti' ts'usubilob jini año' bʌ ti Timnat, tsa' loq'ui tilel ti mate'el ch'iton bajlum cha'an mi' jisañob.