Jeremias 2:14 - Chol: I T’an Dios

¹⁴ ¿Mach ba calobilic Israel? ¿Chucoch tsa' sujti ti to'ol jach bʌ x'e'tel ti yambʌ i yum? Tsa' cʌjchi majlel.

Chol de Tumbalá Bible

¹⁴ ¿Mach ba calobilic Israel? ¿Chucoch tsa' sujti ti to'ol jach bʌ x'e'tel ti yambʌ i yum? Tsa' cʌjchi majlel.

Jeremias 2:14 Iomraidhean Croise

Exodo 12:49

Jump'ejl jach jini mandar cha'añetla yic'ot jini ñajt bʌ ch'oyolob am bʌ ti la' tojlel”, che'en.

Exodo 4:22

Mi caj a suben Faraón: “Lac Yum woli' yʌl: Israel jiñʌch ascuñʌl bʌ calobil.

Eclesiastes 2:7

Tsac mʌñʌ tilel x'e'telob, winicob yic'ot x'ixicob, cha'an mi' melbeñon que'tel. Tsa' p'ojliyob i yalobilob ochemo' bʌ tic wenta. Tsa' p'ojli cʌlac' ja'el, yic'ot c wacax yic'ot c tiñʌme'. Ñumen ñucon bajche' pejtel c pi'ʌlob tsa' bʌ i cha'leyob yumʌl ti Jerusalén ti oniyi.

Isaias 50:1

Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar.

Jeremias 17:4

Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Jeremias 5:19

Che' mi' yʌlob: “¿Chucoch tsi' yʌq'ueyonla ili wocol jini lac Yum Dios?” che'ob, yom ma' subeñob: “Tsa' la' cʌyʌyon cha'an mi la' ch'ʌm tilel ti la' lumal i diosob jini ñajt bʌ ch'oyolob cha'an mi la' melbeñob i ye'tel. Jini cha'an mi caj la' cʌjchel majlel ti ñajt bʌ lum cha'an mi la' melbeñob i ye'tel jini winicob parte bʌ i lumal”. Che'ʌch yom ma' subeñob, che'en lac Yum.