Jeremias 19:4 - Chol: I T’an Dios

⁴ Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Chol de Tumbalá Bible

⁴ Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 19:4 Iomraidhean Croise

2 Reyob 21:16

Lac Yum tsi' yʌlʌ ja'el: Manasés tsi' tsʌnsa cabʌl i pi'ʌlob mach bʌ añobic i mul. Tsa' bujt'i Jerusalén ti tsʌnsʌbilo' bʌ i cha'an. Tsi' xiq'ui ti mulil jini año' bʌ ti Judá.

2 Reyob 23:10

Josías tsi' jembe i pulʌntib jini dios Tofet, am bʌ ti joctʌl i cha'an bʌ i yalobilob Hinom. Che' jini ma'anix majch tsa' chʌn mejli i pul i yalobil cha'an i majtan Moloc.

2 Reyob 24:4

Come Manasés tsi' tsʌnsa cabʌl winicob mach bʌ añobic i mul ya' ti Jerusalén. Lac Yum ma'anic tsi' ñusʌbe i mul.

Salmos 106:38

Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob, Cha'an mi' yʌq'ueñob tsʌnsʌbil bʌ i majtan jini dioste' tac ti Canaán. Tsi' yʌc'ʌyob ti ts'a'lentel i lumal yic'ot i ch'ich'el i yalobilob.

Isaias 59:7

Ti ajñel mi la' majlel la' mel jontolil. Mi la' tsʌnsan jini winic mach bʌ anic i mul. Mi la' wʌn ña'tan lotiya yic'ot xujch'. Baqui jach mi la' majlel mi la' cha'len jisaya.

Isaias 65:11

Pero jatetla mu' bʌ la' tʌts' la' bʌ tic tojlel, mu' bʌ la' ts'a'len jini Templo, mu' bʌ la' ch'ujutesan jini dios Gad, yic'ot jini dios Meni,

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 11:13

Tsa'ix p'ojliyob a diosob ti jujump'ejl tejclum, Judá. Cabʌlix a pulʌntib che' bajche' jayts'ijt a bijlel tac, Jerusalén. Tsa' wa'chocobeyob pulʌntib jini Baal cha'an ma' cha'len chuqui quisintic jax.

Jeremias 15:6

Tsa' cʌyʌyon, che'en lac Yum. Woli a chʌn tʌts' a bʌ tic tojlel. Jini cha'an tsac sʌts'ʌ j c'ʌb cha'an mic jisañet. Mach chʌn comix j cuch a mul. Wocol jax mi cubin.

Jeremias 16:11

Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 17:13

Jatet i yaj pijtayajet Israel. Pejtel mu' bʌ i cʌyetob mi' cajelob ti quisin. Chucul i c'aba' ti pañimil, mach ya'ic chucul ti chan, cha'an tsi' cʌyʌyet. Jatet jach i loq'uibet jini Cuxul bʌ Ja'.

Jeremias 17:20

“Ubinla i t'an lac Yum, pejteletla mu bʌ la' wochel ilayi, jini reyob ti Judá yic'ot pejtel winicob x'ixicob ti Judá yic'ot jini chumulo' bʌ ti Jerusalén.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 2:30

Tsa cʌc'ʌyob ti wocol la' walobilob, pero ma'anic tsa' la' mele la' pusic'al. Mach la' womic la' cʌy chuqui mi la' bajñel ña'tan ti la' pusic'al. Jontoletla che' bajche' bajlum. La' cha'añʌch jini espada tac tsa' bʌ la' c'ʌñʌ la' tsʌnsan jini x'alt'añob tsa' bʌ c chocbeyetla tilel.

Jeremias 2:34

An a mul ja'el ti' tojlel jini mach bʌ añobic i chubʌ'an. Tsa'ix pʌjq'ui a majts ti' ch'ich'el jini mach bʌ anic i mul mach bʌ anic chuqui tsi' xujch'ibeyet.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 26:15

Pero yom mi la' ña'tan ma'anic c mul. Mi tsa' la' tsʌnsayon, mi caj i toj ili tejclum yic'ot pejtel wʌ' bʌ chumulob, come isujm chocbilon tilel ti Dios cha'an mic subeñetla pejtel ili t'an, che'en.

Jeremias 26:23

Tsi' chucuyob Urías. Cʌchʌl tsi' cha' pʌyʌyob sujtel ti lac lumal. Jini rey Joacim tsi' yʌc'ʌ ti bic'ti tsejpel ti espada. Tsi' yʌc'ʌ ti mujquel ya' ba' muculob jini p'ump'uño' bʌ.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 7:6

Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Lamentaciones 4:13

Tsa' jili cha'an ti' caj i mul jini x'alt'añob, ti' caj i jontolil jini motamajob tsa' bʌ i tsʌnsayob jini tojo' bʌ.

Ezequiel 20:26

Tsaj cʌyʌyob cha'an mi' bib'esañob i bʌ yic'ot i majtan tac tsa' bʌ cʌq'ueyob. Tsi' puluyob jini ñoj ñaxan bʌ i yalobilob cha'an i majtan tac i diosob. Tsa cʌlʌ uts'at mi' toj sajtel i pusic'al cha'an jini leco bʌ i melbal, cha'an mi' ña'tañob Yumʌloñʌch”.

Ezequiel 7:22

Mi caj c mʌy c wut che' mi' bib'esañob jini Ch'ujul bʌ Cajñib. Mi caj i yochelob i xujch'ibeñob loq'uel i bʌl.

Ezequiel 8:11

Ya' wa'alob ti' tojel ts'ajc tsaj q'uele lujuntiquil i chʌnc'al (70) winicob año' bʌ i ye'tel ti Israel yic'ot Jaazanías (i yalobil Safán). Ti jujuntiquil chucbil i cha'an i yajñib pom ba' woli' letsel i buts'il.

Lucas 11:50

Jini cha'an jini año' bʌ ti pañimil wʌle mi caj i tojbeñob i mul jini tsa' bʌ i tsʌnsayob x'alt'añob c'ʌlʌl ti' cajibal pañimil che' bʌ tsa' tsʌnsʌnti Abel, c'ʌlʌl tsa' tsʌnsʌnti Zacarías. Zacarías tsa' tsʌnsʌnti ya' ti' tojel Templo ti junwejl jini pulʌntib. Isujm mic subeñetla, jini año' bʌ ti pañimil wʌle mi caj i tojob.

Deuteronomio 13:6

Mi tsi' subeyetla la' pi'ʌl, mi i yalobil la' majan ña', mi a walobil, mi a wijñam, mi a cʌñʌ bʌ, mi tsi' mucu subeyet: “Conla cha'an mi lac ch'ujutesan yan tac bʌ dios”, mi che'ob, mach mi la' jac'beñob. Mi pʌybiletla ba'an i diosob winicob ti lʌc'ʌl o ti ñajtʌl, mi maxto bʌ cʌmbilic la' cha'an, mach bʌ anic tsi' cʌñʌyob la' ñojte'elob ja'el, mach mi la' jac'beñob i t'an.

Deuteronomio 28:20

Lac Yum mi caj i chocbeñet tilel wocol yic'ot wi'ñal. Wocol jax mi caj a wubin c'ʌlʌl jinto ma' jisʌntel, cha'an ti' caj jontol bʌ a melbal cha'an tsa' cʌyʌ lac Yum.

Deuteronomio 28:36

Lac Yum mi caj i pʌyet majlel temel yic'ot a rey wa'chocobil bʌ a cha'an. Mi caj i yʌq'uet ti' wenta yambʌ tejclum ba' ma'anic a cʌñʌ bʌ, ba' ma'anic tsi' cʌñʌ a ñojte'elob. Ya'i mi caj a ch'ujutesan yan tac bʌ dios melbil bʌ ti te' yic'ot ti xajlel.

Deuteronomio 28:64

Mi caj i pam puquetla ti yan tac bʌ tejclum, ti junwejl pañimil. Ya' mi caj la' ch'ujutesan jini dios tac mach bʌ cʌmbilic la' cha'an, mach bʌ cʌmbilic i cha'an la' ñojte'elob, jini dios tac melbil bʌ ti te' yic'ot ti xajlel.

Apocalipsis 16:6

Come tsi' bec'beyob i ch'ich'el i cha'año' bʌ Dios yic'ot i ch'ich'el jini x'alt'añob. Wʌle tsa'ix a wʌq'ueyob i japob ch'ich'. Che'ʌch yom cha'an i mulob, che'en.

Juezob 5:8

Jini israelob tsi' yajcayob tsiji' bʌ dios tac. Tsa' junyajlel pujch'iyob jini israelob. Ma'anic i ye'tʌjib soldadojob ti lac tojlel. Ma'anic mʌctʌjib, mi lanza ti' tojlel cha'c'al mil israelob.