Jeremias 19:3 - Chol: I T’an Dios

³ Subeñob: “Ubinla i t'an lac Yum, pejtel reyob ti Judá yic'ot pejtel chumulo' bʌ ti Jerusalén. I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel cha'an la' mul. Wolic chocbeñetla tilel wocol. Ch'inlaw i chiquin mu' bʌ caj i yubiñob.

Chol de Tumbalá Bible

³ Subeñob: “Ubinla i t'an lac Yum, pejtel reyob ti Judá yic'ot pejtel chumulo' bʌ ti Jerusalén. I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel cha'an la' mul. Wolic chocbeñetla tilel wocol. Ch'inlaw i chiquin mu' bʌ caj i yubiñob.

Jeremias 19:3 Iomraidhean Croise

Salmos 102:15

Che' ma' p'untan Sion mi caj i bʌc'ñañob i c'aba' lac Yum jini mach bʌ i cha'añobic Dios. Pejtel jini yumʌlob ti pañimil mi caj i bʌc'ñañetob cha'an a ñuclel.

Salmos 110:5

Lac Yum an ti ñoj bʌ a c'ʌb. Mi caj i jisan cabʌl reyob che' ti' yorajlel i mich'ajel.

Salmos 2:10

Jini cha'an la'ix julic la' pusic'al, reyet bʌ la. Yom mi la' jac' la' cʌntesʌntel jatetla am bʌ la' we'tel ti pañimil.

Isaias 28:19

Ti q'uiñil yic'ot ti ac'ʌlel, jayyal jax mi' ñumel, mi caj i wets'etla majlel jinto mi la' ña'tan isujm c t'an woli bʌ c subeñetla. Bʌbʌq'uen jax jini wocol mu' bʌ caj ti ujtel.

Jeremias 13:18

Lac Yum woli' yʌl: Suben jini rey yic'ot i ña': “Loq'uenla ba' buchuletla ti rey. Buchi'ixla ti tem, come tsa'ix chilbentiyetla jini corona i yejtal bʌ la' p'ʌtʌlel”.

Jeremias 17:20

“Ubinla i t'an lac Yum, pejteletla mu bʌ la' wochel ilayi, jini reyob ti Judá yic'ot pejtel winicob x'ixicob ti Judá yic'ot jini chumulo' bʌ ti Jerusalén.

Jeremias 18:11

Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Jeremias 19:15

I Yum Panchan yic'ot Pañimil, i Dios Israel woli' yʌl: “Wolic chocbeñetla tilel ñuc bʌ wocol pejtel chumulet bʌ la ti ili tejclum yic'ot ti xchumtʌl tac, che' bajche' tsac subeyetla, pero tsa' la' mʌyʌ la' wut come mach la' womic la' wubin c t'an”. Che' woli' yʌl lac Yum, che'en.

Jeremias 25:29

¿Mu' ba caj la' colel mi la' wʌl, che' wolix cʌc' ti ñuc bʌ wocol jini c winicob x'ixicob? Ma'anic. Mach loq'uiquetla. Mux caj la' toj la' mul, come wolic pʌy tilel winicob chumulo' bʌ ti pejtelel pañimil mu' bʌ caj i tsʌnsañetla ti espada, che'en i Yum Panchan yic'ot Pañimil”.

Jeremias 35:17

Lac Yum, i Yumʌch Panchan yic'ot Pañimil, i Diosʌch Israel. Tsi' yʌlʌ: Q'uele woli cʌc'ob ti wocol pejtel chumulo' bʌ ti Judá yic'ot Jerusalén cha'an i mul che' bajche' tsac wʌn subeyob, pero ma'anic tsi' ñich'tayob che' bʌ tsac pejcayob. Tsac pʌyʌyob, pero ma'anic tsi' jac'ʌyob, che'en lac Yum.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Ezequiel 7:5

Lac Yum Dios woli' yʌl: Awilan talix wocol ti chajp ti chajp. Wolix i lʌc'tiyel ti la' tojlel. Tsa'ix tejchi ti la' contra. Mi caj la' jilel. Awilan ix tilel.

Mateo 10:18

Mi caj la' pʌjyel ti' tojlel yumʌlob yic'ot ti' tojlel reyob cha'an tij c'aba', cha'an mi la' wʌc'on ti cʌjñel ti' tojlelob yic'ot ti' tojlel gentilob.

Apocalipsis 2:29

Jini am bʌ i chiquin la' i yubiben i t'an jini Espíritu mu' bʌ i suben xñopt'añob”.

1 Samuel 3:11

Lac Yum tsi' sube: Ubin chuqui mi caj c mel ti' tojlel israelob. Majqui jach mi' yubin, mi caj i toj sajtel i pusic'al.