Jeremias 18:16 - Chol: I T’an Dios

¹⁶ Jini cha'an jochol mi caj i junyajlel cʌytʌl i lum. Mi caj i toj sajtelob i pusic'al jini xñumelob che' jochol mi' q'uelob.

Chol de Tumbalá Bible

¹⁶ Jini cha'an jochol mi caj i junyajlel cʌytʌl i lum. Mi caj i toj sajtelob i pusic'al jini xñumelob che' jochol mi' q'uelob.

Jeremias 18:16 Iomraidhean Croise

1 Reyob 9:8

Ili Templo mi caj i jejmel. Majqui jach mi' ñumel ilayi ba' p'ul jembil ili xajlel mi caj i yʌl: “¿Chucoch tsa' jejmi? Jini lac Yum ¿mach ba anic tsi' c'uxbi i lum yic'ot i Templo?” che'ob.

2 Cronicas 29:8

Jini cha'an lac Yum woli' mich'len jini año' bʌ ti Judá yic'ot ti Jerusalén. Tsa'ix i yʌc'ʌyonla ti ts'a'lentel yic'ot ti wajlentel, cha'an mi' toj sajtelob i pusic'al pejtelel pañimil.

Salmos 109:25

Mi' wajleñoñob winicob. Che' mi' q'ueloñob mi' yʌlob ma'anic c pijtaya.

Salmos 22:7

Pejtel mu' bʌ i q'uelon mi' tse'tañon. Mi' wajleñon, mi' jʌmts'un i jol.

Salmos 44:14

Tsa' wʌc'ʌyon lojon ti a'lentel ti' tojlel jini gentilob. Jini winicob x'ixicob yan tac bʌ i lumal mi' wajleñoñob lojon.

Isaias 37:22

Ubin bajche' wolic jac'beñet. Mi caj c suben Senaquerib: Jini c cha'año' bʌ año' bʌ ti Sion woli' wajleñetob. Ts'a' mi' q'ueletob. Mi caj i yʌq'uetob ti quisin. Jini año' bʌ ti Jerusalén mi caj i wajleñetob che' ma' tʌts' a bʌ.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 19:8

Mi caj i toj sajtel i pusic'al majqui jach mi' q'uel ili tejclum che' jisʌbilix c cha'an ti ñuc bʌ wocol.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 29:18

Mi caj c pam pucob ti pañimil. Baqui jach mic chocob mi caj i ts'a'lentelob, mi caj i p'ajtʌlob

Jeremias 42:18

Che' bajche' tsac chocbeyob tilel wocol jini chumulo' bʌ ti Jerusalén che' wen mich'on, che' ja'el mi caj c mich'leñetla che' mi la' majlel ti Egipto. Junyajlel ch'ijiyem mi caj la' cʌytʌl. Mi caj la' p'ajtʌl. Mi caj la' wʌ'lentel. Ma'anix mi caj la' chʌn q'uel la' lumal”. Che' woli' yʌl lac Yum.

Jeremias 44:12

Tsa' tiliyob ti Egipto cha'an che'ʌch yomob i bajñel pusic'al. Mi caj cʌc'ob ti wocol. Wʌ' ti Egipto mi caj i laj jilelob. Mi caj i laj chʌmelob ti espada yic'ot ti wi'ñal, jini ñuco' bʌ yic'ot jini ch'o'ch'oco' bʌ. Mi caj i ts'a'lentelob, mi caj i yʌ'lentelob, mi caj i p'ajtʌlob.

Jeremias 48:27

An a mul cha'an tsa' wajle Israel. Tsa' xujch'ibe i chubʌ'an. Tijicñayet che' bʌ tsi' yubi wocol.

Jeremias 49:13

Cha'an xuc'ulon jini cha'an tsa' cʌc'ʌ c t'an tij c'aba', che'en lac Yum. Mi caj i jilel Bosra yic'ot pejtel jini xchumtʌl tac ti' joytʌlel. Mi caj i ts'a'lentel, mi caj i p'ajtʌl. Pejtel mu' bʌ i q'uelob mi' cajelob ti bʌq'uen, come junyajlel jisʌbil. Ma'anix mi' cha' colel ti pejtelel ora, che'en.

Jeremias 49:17

Jini xñumelob mi caj i p'ajet. Mi caj i toj sajtelob i pusic'al che' mi' q'uelob pejtelel a wocol.

Jeremias 50:13

Cha'an mich' lac Yum jini cha'an jochol mi caj i cʌytʌl Babilonia. Ma'anic majqui mi caj i chumtʌl ya'i. Mi caj i toj sajtelob i pusic'al jini xñumelob che' mi' q'uelob i p'ajomal. Mi caj i p'ajob.

Jeremias 51:37

Jejmenix mi caj i cʌytʌl Babilonia. Mi caj i sujtel ti' yotot jontol bʌ ts'i'. Mi caj i bʌc'ñʌntel. Mi caj i p'ajtʌl. Jochol mi caj i cʌytʌl.

Jeremias 51:43

Lu' jisʌbilix jini tejclum tac. Tsa'ix sajti i c'ʌjñibal lum. Ma'anix chuqui mi' chʌn colel. Ma'anix majqui mi' ñumel ya'i.

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Lamentaciones 1:12

¿Mach ba la' wentajic jatetetla woliyet bʌ la ti ñumel? Q'uele mi an yambʌ woli bʌ i cuch wocol che' bajche' joñon. P'ump'un tsi' meleyon c Yum che' cʌlʌx jax i mich'ajel.

Ezequiel 12:19

Subeñob jini wʌ' bʌ chumulob: “Woli' yʌl lac Yum i Dios jini año' bʌ ti Jerusalén yic'ot ti Israel: Mi caj i c'uxob i waj yic'ot bʌq'uen. Tsiltsilñayob mi caj i japob ja', come mi caj i jilel pejtel i wenlel i lumal cha'an i jontolil jini wʌ' bʌ chumulob.

Ezequiel 27:36

Pejtelel jini xchoñoñelob woli' yʌlob bʌbʌq'uen jax bajche' tsa' jiliyet. Ma'anix mi caj a chʌn wa'chocontel”. Che' tsi' yʌlʌ lac Yum.

Ezequiel 36:3

Tsi' tsʌnsayetla baqui jach tsa' majliyetla. Tsi' chocoyetla majlel ti mozojintel. Tsi' wajleyetla. Tsi' p'ajayetla.

Ezequiel 6:14

Mi caj c pʌsbeñetla c mich'lel. Mi caj c jisan la' tejclum tac am bʌ ti sur c'ʌlʌl ti Diblat. Ti jim bʌ ora mi caj la' ña'tan la' Yumon”. Che' yom ma' subeñob, che'en lac Yum.

Levitico 26:32

Jochocña' mi caj i cʌytʌl jini pañimil. La' contrajob mi caj i yajñelob ti la' lumal. Mi caj i toj sajtelob i pusic'al cha'an la' wocol.

Levitico 26:43

Tijicña mi caj i c'aj i yo jini lum che' jochocña mi' cʌytʌl. Che' jini mi caj i ña'tañob wersa tsi' tojoyob i mul cha'an ti' caj tsi' ñusayob c t'an. Ma'anic tsi' p'isiyob ti wenta c mandar.

Miqueas 6:16

Tsa'ix la' jac'be i mandar Omri. Tsa'ix la' mele jontolil che' bajche' Acab. Jini cha'an mi caj c jisañetla. Mi caj cʌq'uetla ti tse'tʌntel. Mi caj la' wajlentel cha'an winicob ti pejtelel pañimil.

Mateo 27:39

Jini woliyo' bʌ ti ñumel tsi' p'ajayob Jesús. Tsi' ñijcayob i jol.

Marcos 15:29

Jini woliyo' bʌ ti ñumel tsi' p'ajayob. Tsi' ñijcayob i jol. Tsi' subeyob: Aja. Jatet, mu' bʌ a jisan i Templo Dios mu' bʌ a cha' wa'chocon ti uxp'ejl q'uin.

Deuteronomio 28:59

lac Yum mi caj i choc tilel ba' añetla yic'ot ba' añob la' walobilob bʌbʌq'uen tac bʌ c'amʌjel, jini c'amʌjel mach bʌ anix i yujtibal, yic'ot jini jontol tac bʌ c'amʌjel mach bʌ yujilic lajmel ti ora.

Deuteronomio 29:23

Mi caj i q'uelob azufre yic'ot ats'am ti la' lum. Ma'anix pʌc'ʌbʌl, come ma'anix chuqui mi caj i chʌn colel, mi pimel, mi te'ic mu' bʌ i yʌc' i wut. Lajal yilal jini lum che' bajche' Sodoma, yic'ot Gomorra, yic'ot Adma, yic'ot Zaboim, che' bʌ tsa' puli cha'an tsi' junyajlel jisa lac Yum ti' mich'ajel.