Jeremias 18:12 - Chol: I T’an Dios

¹² Pero mi' yʌlob: “Lolom jach ma' pejcañon lojon. Wersa com c mel lojon bajche' wolic ña'tan lojon. Wersa com c mel lojon jontolil bajche' jach yom lojon c pusic'al”, che'ob.

Chol de Tumbalá Bible

¹² Pero mi' yʌlob: “Lolom jach ma' pejcañon lojon. Wersa com c mel lojon bajche' wolic ña'tan lojon. Wersa com c mel lojon jontolil bajche' jach yom lojon c pusic'al”, che'ob.

Jeremias 18:12 Iomraidhean Croise

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

2 Reyob 6:33

Che' woli to ti t'an Eliseo, tsa' c'oti jini winic. Ti wi'il pat tsa' tili jini rey. Mich' tsi' cha'le t'an jini rey. Tsi' yʌlʌ: Ch'oyol ti lac Yum pejtelel ili wocol. Lolom jach mic chʌn pijtan j coltʌntel ti' tojlel lac Yum, che'en.

Isaias 57:10

Tsa' lujbayet cha'an cabʌl tsa' xoyo a bijlel. Ma'anic tsa' ña'ta mi sajtemet, mi lolom jach chuqui wola' mel. Tsa' cha' taja a wersa, come ma'anic chuqui anto yom a cha'an. Jini cha'an ma'anic tsa' cʌyʌ a jontolil.

Isaias 65:2

Pero ti pejtelel q'uin wolic chʌn pʌy c cha'año' bʌ. Tsi' ñusayob c t'an. Tsi' tsajcayob i bijlel jontolil yic'ot chuqui tac jach yomob.

Jeremias 11:8

Pero ma'anic tsi' jac'ʌyob, mach yomobic i ñich'tan. Ti jujuntiquil tsi' meleyob bajche' tsi' bajñel ña'tayob cha'an jontol i pusic'al. Jini cha'an tsac chocbeyob tilel wocol cha'an tsi' ñusayob c t'an, come ma'anic tsi' meleyob che' bajche' tsac subeyob, che'en.

Jeremias 16:12

Lajaletla bajche' la' tat. Cʌlʌx jax tsa' la' cha'le mulil. Ti pejteletla woli la' mel bajche' jach la' wom cha'an jontol la' pusic'al. Tsʌts la' pusic'al. Mach la' womic la' jac' che' mic pejcañetla.

Jeremias 2:25

Tsajaletme ame i tajet wocol. Come mux caj a wubin wocol che' pits'il a woc, che' tiquin a ti'. Pero wola' wʌl: “Lolom jach ma' tic'on. Wersa com c chʌn mel che' bajche' mi' melob jini parte bʌ i t'añob, come c'ux mi cubiñob”, che'et.

Jeremias 23:17

Mi' chʌn pejcañob ti uts bʌ t'an jini tsʌtso' bʌ i pusic'al, mu' bʌ i ts'a'leñob i t'an lac Yum: “Ñʌch'ʌl mi caj la' wajñel. Mach talic wocol ti la' tojlel”, lon che'ob.

Jeremias 3:17

Ti jim bʌ ora mi' caj ti ajlel Jerusalén i buchlib lac Yum. Ya' ti Jerusalén mi caj i tempañob i bʌ ti' c'aba' lac Yum jini ch'oyolo' bʌ ti pejtel tejclum tac. Ma'anix mi caj i chʌn tsajcañob i bajñel pusic'al yujil bʌ jontolil.

Jeremias 44:17

Mi caj c mel lojon che' bajche' com lojon. Mi caj c pulben pom jini x'ixic bʌ rey ti panchan. Mi caj cʌq'uen i majtan bajche' jach c'amel com, che' bajche' tsi' meleyob c tat lojon yic'ot c reyob lojon yic'ot año' bʌ i ye'tel ya' ti' tejclum tac Judá yic'ot ti' bijlel Jerusalén. Come che' jini ma'anic c wi'ñal lojon, tijicñayon lojon, wen chumulon lojon.

Jeremias 6:17

Tsac wa'chocobeyob xq'uel winicob cha'an mi' subeñob cha'an mi' ñich'tañob i t'an trompeta. Pero tsi' yʌlʌyob: “Mach comic c ñich'tan lojon”, che'ob.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Ezequiel 37:11

Lac Yum tsi' cha' subeyon: I yalobil winic, pejtel ili bac jiñobʌch israelob. Come mi' lon alob: “Tiquinix jini lac bʌquel. Ma'anix laj cuxtilel. Ma'anix lac pijtaya. Chocbilonixla”, che'ob.

Malaquias 3:14

Ubinla. Tsa'ix la' wʌlʌ: “Lolom jach mi lac ch'ujutesan Dios. ¿Chuqui mi lac taj che' mi lac jac'ben i t'an, che' mi lac mel lac pusic'al cha'an lac mul? Wʌ' ti pañimil tijicñayob mu' bʌ i chañ'esañob i bʌ. Wen chumulob xjontolilob. Che' mi' yilʌbeñob i pusic'al Dios ma'anic mi' yʌq'ueñob castigo. Mi' loq'uelob ti libre”, lon che'etla, che'en lac Yum.

Lucas 1:51

Tsa'ix i pʌsʌ i p'ʌtʌlel i c'ʌb yic'ot ñuc bʌ i melbal. Tsi' pucu majlel jini tsa' bʌ i q'ueleyob i bʌ ti ñuc ti' bajñel ña'tʌbal.

Deuteronomio 29:19

Che'ʌch mi' yujtel ti' tojlel winic mu' bʌ i ñusan i tic'ol. Mi' lon chañ'esan i bʌ. Che' mi' yujtel i yubin mi yʌl: “Uts'at añon anquese mic mel chuqui jach com ila ti pañimil. Ma'anic muc'on ti bʌq'uen”, lon che'en. Jini mu' bʌ i mel che' bajche' jini woli' yʌc' ti jilel i lum.