Jeremias 18:11 - Chol: I T’an Dios

¹¹ Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Chol de Tumbalá Bible

¹¹ Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Jeremias 18:11 Iomraidhean Croise

Genesis 11:7

Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum.

1 Reyob 22:23

Isujm lac Yum tsi' yotsa ti' pusic'al jini x'alt'añob a cha'an jini espíritu yujil bʌ lot. Che' jini lac Yum mi caj i chocbeñet tilel wocol, che'en Micaías.

2 Reyob 17:13

Pero lac Yum tsi' chʌn tsictesʌbeyob i mul jini israelob yic'ot Judá. Tsi' chocbeyob tilel jini x'alt'añob yic'ot jini cʌntesʌbilo' bʌ ti Dios tsa' bʌ i subeyob: “Cʌyʌx la' mul. Jac'benla c t'an yic'ot c mandar che' bajche' tsac subeyob la' ñojte'elob ti' tojlel jini x'alt'añob. Che'ʌch woli yʌl lac Yum”, che'ob.

2 Reyob 22:13

Tsi' subeyob: Cucula c'ajtiben lac Yum chuqui yom mic mel cha'an mi' coltʌntelob pejtel jini tejclumob ti pejtelel Judá. Ma'anic tsa' lac jac'be i mandar ili jun. Ma'anic tsi' jac'ʌyob lac ñojte'el ja'el. Jini cha'an wen mich' lac Yum. Che' tsi' yʌlʌ Josías.

2 Reyob 5:5

Jini rey ti Siria tsi' sube Naamán: Yom ma' majlel a q'uel jini x'alt'an. Mi caj c chocben majlel jun jini rey ti Israel, che'en. Che' jini tsa' loq'ui majlel Naamán. Tsi' ch'ʌmʌ majlel plata am bʌ i tojol che' bajche' lujunc'al yic'ot lujump'ejl i yuxc'al mil (250,000) peso, yic'ot oro am bʌ i tojol jo'lujunc'al i cha'bajc' yic'ot lujump'ejl i yuxc'al mil (750,000) peso, yic'ot lujumpajc bujcʌl.

Isaias 5:5

Mi caj c subeñetla chuqui mi caj c tumben c ts'usubil. Mux caj c jemben i mʌjquil cha'an mi' sujtel ti potrero. Alʌc'ʌl tac mi caj i yochel i t'uchtan ba' tocol i ts'ajquil.

Isaias 57:1

Jini toj bʌ winic mi' chʌmel. Ma'anic majch mi' c'o'otan. Jini xuc'ul bʌ winicob mi' chʌmelob che' maxto i yorajlelic. Jini cuxulob to bʌ ma'anic mi' wis ña'tañob pʌybil jini toj bʌ i cha'an Dios ba' mach i q'ueleyic jini wocol mu' bʌ caj i tilel ti' tojlelob.

Jeremias 11:11

Jini cha'an p'isi ti a wenta, wolic chocbeñob tilel ñuc bʌ wocol. Mach mejlicob ti puts'el. Anquese mi' lon c'ajtiñob, ma'anic mi caj cubin.

Jeremias 11:19

Come lajalon bajche' c'uxbibil bʌ tiñʌme' mach bʌ yujilic ba' ora mi caj i pʌjyel majlel ti tsʌnsʌntel. Tsi' temeyob i t'an cha'an mi' tsʌnsañoñob. La' lac jisan che' c'oc' to che' bajche' te' anto bʌ i yetsel. La' lac junyajlel jisan cha'an ma'anix mi' chʌn ña'tʌntel ti pañimil, che'ob.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 19:15

I Yum Panchan yic'ot Pañimil, i Dios Israel woli' yʌl: “Wolic chocbeñetla tilel ñuc bʌ wocol pejtel chumulet bʌ la ti ili tejclum yic'ot ti xchumtʌl tac, che' bajche' tsac subeyetla, pero tsa' la' mʌyʌ la' wut come mach la' womic la' wubin c t'an”. Che' woli' yʌl lac Yum, che'en.

Jeremias 19:3

Subeñob: “Ubinla i t'an lac Yum, pejtel reyob ti Judá yic'ot pejtel chumulo' bʌ ti Jerusalén. I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel cha'an la' mul. Wolic chocbeñetla tilel wocol. Ch'inlaw i chiquin mu' bʌ caj i yubiñob.

Jeremias 25:2

Jeremías tsi' cha' subeyob pejtel año' bʌ ti Judá yic'ot pejtel chumulo' bʌ ti Jerusalén:

Jeremias 25:5

Tsi' yʌlʌyob: “Sutq'uin la' bʌ ya' ba' samiyetla. Cʌyʌx la' mel jontolil cha'an mi la' chʌn chumtʌl wʌ' ti' lumal la' tatob, ili lum tsa' bʌ aq'uentiyetla ti lac Yum ba' yom mi la' wajñel ti pejtelel ora.

Jeremias 26:13

Yomix mi la' mel la' pusic'al cha'an mi la' cʌy la' mul. Yomix mi la' jac'ben i t'an lac Yum Dios, ame i chocbeñetla tilel ili ñuc bʌ wocol che' bajche' tsi' yʌlʌ.

Jeremias 26:3

Tic'ʌl mi mux caj i jac'ob cha'an mi' cʌyob i mul. Che' jini ma'anix mic chocbeñob tilel ili wocol cha'an mi cʌc'ob ti toj mulil.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Jeremias 3:22

“Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Jeremias 36:3

Tic'ʌl mux caj i p'isob ti wenta che' mi' ña'tañob chuqui mi caj c tumbeñob cha'an i mul. Tic'ʌl mi mux caj i cʌyob i jontolil cha'an mic ñusʌbeñob i mul, che'en.

Jeremias 36:7

Tic'ʌl mi mux caj i cʌyob i mul cha'an mi' pejcañob lac Yum ti wocol t'an ti jujuntiquil cha'an mi' ñusʌbeñob i mul. Come cabʌl woli ti mich' lac Yum. Tsa'ix i yʌc'ʌ i t'an cha'an mi' jisʌntelob, che'en Jeremías.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Jeremias 4:14

Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Jeremias 4:23

Tsac pam q'uele pañimil. Awilan ma'anic chuqui wen. C'ʌlʌl ba' mi' c'otel c wut laj jisʌbilix, laj jembilix. Ma'anic i sʌclel pañimil.

Jeremias 4:6

Letsan la' bandera ti' bijlel Sion. Yom mi la' puts'el ya'i. Mach yomic mi la' jalijel come tal cabʌl wocol, come wolic pʌy tilel jini yujilo' bʌ jisaya ch'oyolo' bʌ ti norte.

Jeremias 51:11

Jujchinla i te'el jalʌjb. Lʌpʌla la' pislel cha'an guerra. Lac Yum tsi' xic'beyob i pusic'al jini reyob ti Media cha'an mi' tilelob i jisan Babilonia che' bajche' tsi' wʌn ña'ta, come woli' yʌq'ueñob i toj i mul cha'an tsi' jisʌbeyob i Templo lac Yum.

Jeremias 7:3

Lac Yum woli' yʌl: Mele la' pusic'al. Ñopoxla chuqui wen. Mi tsa' la' cʌyʌ la' jontolil mij coltañetla cha'an mi la' chʌn ajñel wʌ' ti la' lumal.

Ezequiel 13:22

Tsa' la' wotsʌbeyob i ch'ijiyemlel i pusic'al jini tojo' bʌ yic'ot la' lot. Ma'anic tsa cotsʌbeyob i ch'ijiyemlel joñon. Tsa' la' xiq'uiyob ti mulil jini xjontolilob. Ma'anic tsa' la' subeyob cha'an mi' cʌyob i jontolil, cha'an mi' tajob i cuxtʌlel.

Ezequiel 18:23

Lac Yum mi' yʌl: ¿Tijicñayon ba che' mi' chʌmel winic yic'ot i mul? Ma'anic. Com mi' cʌy i jontolil cha'an cuxul mi' yajñel.

Jonas 3:8

La' i lʌpob coxtal winicob x'ixicob yic'ot i yʌlac'. La' i pejcañob Dios ti wocol t'an ti pejtelel i pusic'al. La' i cʌyob i jontolil ti jujuntiquilob. La' i cʌyob jontol bʌ i melbal i c'ʌb.

Miqueas 2:3

Jini cha'an lac Yum woli' yʌl: Awilan an chuqui wolic pensarin ti' contra ili xchumtʌlob ti' caj i mul. Mach mejlic la' lʌt' jini wocol mu' bʌ caj i tajetla. Ma'anic mi caj la' chʌn chañ'esan la' bʌ che' mi' yujtel ili wocol.

Hechos 26:20

Ñaxan tsac subeyob jini año' bʌ ti Damasco yic'ot ti Jerusalén yic'ot ti pejtelel Judea, yic'ot gentilob cha'an mi' cʌyob i mul cha'an mi' sutq'uiñob i bʌ cha'an mi' ñopob Dios. Tsac subeyob cha'an mi' cha'leñob chuqui wen, cha'an mi' tsictiyel tsa'ix i cʌyʌyob i mul.

Santiago 4:13

Ubinla jatetla mu' bʌ la' wʌl: Wʌle o mi ijc'ʌl mi caj lac majlel ti tejclum. Ya'i mi caj lac jalijel jump'ejl jab cha'an mi lac cha'len mʌñoñel yic'ot choñoñel. Mi caj laj ganarin cabʌl taq'uin, lon che'etla.

Santiago 5:1

Ubinla wen chumulet bʌ la. Cha'lenla uq'uel, cha'lenla oñel cha'an jini wocol mu' bʌ caj i tajetla.