Jeremias 18:10 - Chol: I T’an Dios

¹⁰ mi jontol mi' melob tic tojlel, mi ma'anic mi' ñich'tañob c t'an, che' jini mi caj j q'uex c t'an. Ma'anic mi caj j coltanob che' bajche' tsac ña'ta c mel.

Chol de Tumbalá Bible

¹⁰ mi jontol mi' melob tic tojlel, mi ma'anic mi' ñich'tañob c t'an, che' jini mi caj j q'uex c t'an. Ma'anic mi caj j coltañob che' bajche' tsac ña'ta c mel.

Jeremias 18:10 Iomraidhean Croise

Salmos 125:5

Pero tal i wocol jini mu' bʌ i tʌts'ob i bʌ ti toj bʌ bij cha'an mi' xʌñob jini c'ochol metel bʌ i bijlel. Lac Yum mi caj i pʌyob majlel yic'ot i pi'ʌlob mu' bʌ i cha'leñob jontolil. La' tilic i ñʌch'tilel i pusic'al jini israelob.

Ezequiel 18:24

Pero jini toj bʌ winic mi tsi' cʌyʌ i mel chuqui tac wen cha'an mi' cha'len mulil, mi tsa' caji i mel jontolil che' bajche' xmulilob, ¿cuxul ba mi caj i yajñel jini winic? Ma'anic. Pejtelel chuqui tac tsi' mele ti ñaxan ma'anic mi caj i chʌn ña'tʌntel, come tsi' soco i bʌ cha'an mi' mel jontolil. Ti' cajʌch i mul wersa mi caj i chʌmel.

Ezequiel 33:12

Pejtel wen bʌ i melbal mach mejlic i coltan jini toj bʌ winic mi tsi' cʌyʌ chuqui wen cha'an mi' cha'len mulil. Che' ja'el i mul jini xjontolil mach mejlic i jisan mi tsi' cʌyʌ i mul cha'an mi' mel chuqui uts'at.

Ezequiel 33:18

Ba' ora mi' mel chuqui jontol jini toj bʌ winic, wersa mi caj i chʌmel.

Ezequiel 45:20

Che'ʌch mi caj la' mel c'ʌlʌl ti' wucp'ejlel q'uin cha'an jini tsa' bʌ i cha'le mulil o i sajtemal o mi cha'an mach c'ajalic i cha'an. Che' jini mi caj i sʌq'uesʌntel jini Templo.

Sofonias 1:6

Mi caj c tem jisan jini tsa' bʌ i cʌyʌ i tsajcañon yic'ot jini mach bʌ anic tsi' tsajcayon, mach bʌ anic tsi' pejcayon, che'en lac Yum.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

Numeros 14:23

Anquese tsa cʌq'ueyob c t'an i ñojte'elob cha'an mi caj cʌq'ueñob i lum i p'olbal, ma'anic mi caj i wis q'uelob jini lum mi juntiquilic tsa' bʌ i ts'a'leyoñob.

Numeros 14:34

Che' lajal bajche' tsajniyetla la' tsajin jini lum cha'c'al q'uin che' ja'el cha'c'al jab mi caj la' wubin cabʌl wocol cha'an la' mul, jujump'ejl jab cha'an jujump'ejl q'uin. Che' jini mux caj cʌntesañetla. Wocol jax mi caj la' toj la' mul cha'an tsa'ix la' ts'a'leyon.

1 Samuel 13:13

Samuel tsi' yʌlʌ: Leco jax chuqui tsa' mele. Ma'anic tsa' jac'be i mandar lac Yum Dios che' bajche' tsi' subeyet. Tsa'ic a jac'be i t'an lac Yum, tsi' coltayet cha'an ma' chʌn cha'len yumʌl ti Israel, jatet yic'ot a walobilob ti pejtelel ora.

1 Samuel 15:11

Ch'ijiyem c pusic'al cha'an tsa cotsa ti rey jini Saúl, come tsa'ix i tʌts'ʌ i bʌ tic tojlel. Ma'anic woli' jac'beñon c t'an, che'en. Tsi' wen mele i pusic'al Samuel. Jump'ejl ac'ʌlel c'ʌlʌl tsa' sʌc'a tsi' pejca lac Yum ti c'am bʌ t'an. Tsi' cha'le uq'uel.

1 Samuel 15:35

C'ʌlʌl che' bʌ tsa' chʌmi Samuel ma'anix ba' ora tsi' chʌn q'uele Saúl. Pero tsi' chʌn mele i pusic'al cha'an i mul Saúl. Lac Yum tsi' mele i pusic'al ja'el cha'an tsi' lon otsa ti rey ti' tojlel israelob.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.