Jeremias 17:9 - Chol: I T’an Dios

⁹ Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Chol de Tumbalá Bible

⁹ Wen yujilob lot i pusic'al winicob. Cabʌl i sajtemal. ¿Majqui mi' lu' c'ʌn?

Jeremias 17:9 Iomraidhean Croise

Genesis 6:5

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

2 Samuel 11:15

Ya' ti carta tsi' sube cha'an mi' choc majlel Urías ba' wen bʌbʌq'uen jini guerra. Tsi' sube ja'el ñajt jach yom mi' cʌytʌl Urías ti' bajñelil cha'an mi' tsʌnsʌntel.

Salmos 51:5

Awilan, xmulilon tsa quila pañimil. Añʌch c mul c'ʌlʌl che' cʌntʌbilon i cha'an c ña'.

Salmos 64:7

Dios mi caj i yʌq'ueñob i toj i mul. Ti ora jach mi caj i lowob ti' te'el jalʌjb.

Proverbios 28:26

Tonto jini mu' bʌ i bajñel ña'tan xuc'ul i pusic'al. Jini mu' bʌ i mel chuqui uts'at mi' caj ti colel.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Isaias 1:5

Tsa'ix i tʌts'ʌyob i bʌ tic tojlel. ¿Chucoch la' wom mic chʌn bajbeñetla ti asiyal? ¿Mu ba caj la' chʌn chañ'esan la' bʌ? Cabʌl i c'amʌjel la' jol. Tsa'ix junyajlel c'uñ'ayetla.

Isaias 1:6

C'ʌlʌl ti' la' xinjol yic'ot c'ʌlʌl ti' mal la' woc ma'anic la' c'oc'lel, lojwemetla, sit'iletla. Tsa' wen yʌx'a la' bʌc'tal, ñuqui ech'elix la' tsoy. Ma'anic majqui tsi' pixbeyetla. Ma'anic majqui tsi' bombeyetla ti aceite mi ti ts'ac cha'an mi' lajmel i c'uxel.

Isaias 6:10

Tsʌts'esʌbeñob i pusic'al ili winicob. Mʌcbeñob i chiquin. Mʌcbeñob i wut, ame c'otic i wut, ame mi' yubiñob c t'an, ame mi' ch'ʌmbeñob isujm cha'an mi' cʌyob i mul cha'an mic lajmesañob, che'en.

Jeremias 16:12

Lajaletla bajche' la' tat. Cʌlʌx jax tsa' la' cha'le mulil. Ti pejteletla woli la' mel bajche' jach la' wom cha'an jontol la' pusic'al. Tsʌts la' pusic'al. Mach la' womic la' jac' che' mic pejcañetla.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Mateo 13:15

Come tsa' ochi ti tonto i pusic'al jini winicob x'ixicob. Mach yomic i chʌn ubiñob t'an. Tsi' muts'uyob i wut ame i q'uelob ti' wut, ame i yubiñob ti' chiquin, ame i ch'ʌmbeñob isujm ti' pusic'al, ame i cha' sutq'uiñob i bʌ cha'an mic lajmesañob”, che'en.

Mateo 15:19

Come ch'oyol ti' pusic'al winic mi' tilel jontol bʌ i ña'tʌbal, yic'ot tsʌnsa, yic'ot ts'i'lel, yic'ot jam otot, yic'ot xujch', yic'ot jop't'an, yic'ot p'ajoñel.

Marcos 2:17

Che' bʌ tsi' yubi Jesús tsi' subeyob: Jini c'oc'o' bʌ mach yomobic ts'ʌcʌntel, cojach jini c'amo' bʌ. Ma'anic tsa' tiliyon cha'an mic pʌy jini toj bʌ winicob. Tsa' tiliyon cha'an mic pʌy xmulilob.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

Romanos 7:11

Cha'an tic jontolil tsa' lotintiyon. Jini cha'an chʌmeñon ti mulil cha'an jini mandar.

Efesios 4:22

Yom mi la' cʌy i tsuculel la' pusic'al tsa' bʌ i lotiyetla che' bʌ tsa' la' jac'ʌ ti yambʌ ora, come tuwix yubil cha'an i colosojlel.

Hebreos 3:12

Jini cha'an hermanojob, chʌcʌ q'uele la' bʌ ame tejchic jontolil ti la' pusic'al, ame mi la' cʌy jini cuxul bʌ Dios mi mach xuc'ulic mi la' ñop.