Jeremias 17:8 - Chol: I T’an Dios

⁸ Lajalʌch bajche' te' pʌc'bil bʌ ti' ti' ja', chucbil bʌ i wi' ti lum. Ma'anic mi' bʌc'ñan ticwal, come mach tiquic i yopol. Che' tal wocol, che' ma'anic ja'al, ma'anic mi' mel i pusic'al, come mi' chʌn ac' i wut.

Chol de Tumbalá Bible

⁸ Lajalʌch bajche' te' pʌc'bil bʌ ti' ti' ja', chucbil bʌ i wi' ti lum. Ma'anic mi' bʌc'ñan ticwal, come mach tiquic i yopol. Che' tal wocol, che' ma'anic ja'al, ma'anic mi' mel i pusic'al, come mi' chʌn ac' i wut.

Jeremias 17:8 Iomraidhean Croise

Job 29:19

Lajalon, lon cho'on, bajche' te' chucul bʌ i wi' ti' ti' ja', yic'ot i yopol te' am bʌ i ye'eb ti ac'ʌlel.

Job 8:16

Lajalʌch winic bajche' ac' mu' bʌ i pam colel ti corral.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Proverbios 11:28

Jini xuc'ul bʌ i pusic'al ti cabʌl i chubʌ'an mi' caj ti jilel. Jini toj bʌ mi caj i ch'ocan lajal bajche' te' mu' bʌ ti ch'ajb. Mi' caj ti loq'uel i yopmal.

Isaias 58:11

Ti pejtelel ora mi caj c toj'esañet majlel. Mi caj cʌq'ueñet i bʌl a ñʌc' ya' ba' tiquin pañimil. Mi caj c tsijibtesan a p'ʌtʌlel. Lajal mi caj a wajñel che' bajche' pʌc'ʌbʌl mulbil bʌ ti ja', che' bajche' i loq'uib ja' mach bʌ anic mi' tiquin.

Isaias 61:3

Mi caj j coltan jini woli bʌ i tsicob i pusic'al ti Sion. Mi caj cʌq'ueñob i ch'ʌjlil i jol i wenta tʌñil c'ajc. Mi caj cʌq'ueñob i tijicñʌyel i pusic'al i wenta uq'uel. Mi caj c lajmesʌbeñob i wocol cha'an mi' cajelob ti c'ay cha'an ñucon. Toj mi caj i q'uejlelob. P'ʌtʌl mi caj i yajñelob che' bajche' c'olol wen chucul bʌ i wi'. Tsac pʌc'ʌyob cha'an mi' tsictesañob c ñuclel.

Jeremias 39:18

Mi caj j coltañet. Ma'anic mi caj a chʌmel ti espada. Mi caj cʌq'ueñet a cuxtʌlel che' bajche' a majtan cha'an tsa' ñopoyon”. Che' yom ma' suben, che'en lac Yum.

Ezequiel 47:12

Ya' ti' ti' jini cuxul bʌ ja' mi' caj ti colel jini te' tac mu' bʌ i yʌc' i wut ti chajp ti chajp. Ma'anic mi caj i tiquin i yopol. Mi caj i chʌn ajñel i wut ti pejtelel ora. Ti jujump'ejl uw mi' caj ti c'ʌñ'an i wut, come mi' taj ja' ti jini ñoj ja' mu' bʌ i loq'uel ti Templo. Uts'at i wut cha'an i bʌl lac ñʌc'. Uts'at i yopol cha'an ts'ac.