Jeremias 17:6 - Chol: I T’an Dios

⁶ Lajalʌch bajche' te' am bʌ ti colem bʌ i tiquiñal pañimil ba' mach mejlic ti wen colel. Ma'anic mi caj i c'oc'an, come mach i tajayic i ya'lel ya' ba' woli' colel ti colem xajlelol. Ma'anic i c'ʌjñibal jini lum.

Chol de Tumbalá Bible

⁶ Lajalʌch bajche' te' am bʌ ti colem bʌ i tiquiñal pañimil ba' mach mejlic ti wen colel. Ma'anic mi caj i c'oc'an, come mach i tajayic i ya'lel ya' ba' woli' colel ti colem xajlelol. Ma'anic i c'ʌjñibal jini lum.

Jeremias 17:6 Iomraidhean Croise

2 Reyob 7:2

Juntiquil am bʌ i ye'tel mu' bʌ i coltan jini rey tsi' sube i winic Dios: A lot. Muq'uic i yʌc' i t'an lac Yum ti panchan cha'an mi' yujtel che' bajche' jini, mach ts'ʌctiyic, che'en. Eliseo tsi' sube: Mu'to caj a q'uel che' mi' yujtel, pero jatet ma'anic mi caj a c'ux, che'en.

Job 20:17

Ma'anic mi caj i ñuc'an i pusic'al cha'an i xujch'. Lolom jach i taq'uin. Mach i tajayic lech mi chab.

Job 39:6

Tsac pʌsbe ba' jaxʌl mi' majlel ti tiquin lum. Ya' mi' yajñel ti ja'lumil am bʌ i yʌts'mil.

Salmos 1:4

Mach che'ic jini jontol bʌ winicob. Lajalobʌch bajche' i sujl trigo mu' bʌ i wejlan majlel ic'.

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Salmos 92:7

Anquese mi' p'ojlelob jini jontolo' bʌ che' bajche' mi' pasel jam, lolom jach. Come mux i jisʌntelob. Mach colicob ti pejtelel ora.

Isaias 1:30

Mi caj la' cʌytʌl che' bajche' jini c'olol te' laj tiquinix bʌ i yopol, yic'ot pʌc'ʌbʌl mach bʌ anix mi' mujlel ti ja'.

Jeremias 29:32

Jini cha'an lac Yum woli' yʌl: Awilan mi caj cʌq'uen i toj i mul Semaías ch'oyol bʌ ti Nehelam yic'ot i p'olbal. Ma'anic mi caj i q'uel che' mij coltan c cha'año' bʌ, che'en lac Yum. Ma'anic mi caj i yajñel mi juntiquilic i p'olbal ti' tojlel c cha'año' bʌ cha'an ti' caj tsi' contrajiyon. Che'ʌch tsi' cʌntesa c winicob. Jini cha'an mux caj i toj”. Che' yom ma' subeñob, che'en lac Yum.

Jeremias 48:6

Cucula ti puts'el. Coltan la' bʌ che' bajche' burro ti mate'el mach bʌ anic i yum.

Ezequiel 47:11

Pero ma'anic mi caj i lajmel jini ja'lumil tac. Mi caj i chʌn ajñel yic'ot i yʌts'mil.

Sofonias 2:9

Joñon i Yumon panchan, i Dioson israelob. Jini cha'an mi caj c jisan Moab yic'ot Amón che' bajche' Sodoma yic'ot Gomorra. Ya' ti' lumal mi caj i pasel stsajatun. Mi caj i sujtel jini lum ti ats'am. Jochol mi caj i cʌytʌl ti pejtelel ora. Jini c winicob tsa' bʌ cʌleyob mi caj i tilel i ch'ʌmob la' chubʌ'an, che'en lac Yum.

Deuteronomio 29:23

Mi caj i q'uelob azufre yic'ot ats'am ti la' lum. Ma'anix pʌc'ʌbʌl, come ma'anix chuqui mi caj i chʌn colel, mi pimel, mi te'ic mu' bʌ i yʌc' i wut. Lajal yilal jini lum che' bajche' Sodoma, yic'ot Gomorra, yic'ot Adma, yic'ot Zaboim, che' bʌ tsa' puli cha'an tsi' junyajlel jisa lac Yum ti' mich'ajel.

Juezob 9:45

Jump'ejl q'uin tsi' cha'le guerra Abimelec ti' contra jini tejclum. Tsi' ch'ʌmʌ. Tsi' laj tsʌnsa jini winicob ya' bʌ añob. Jochocña tsa' cʌle jini tejclum. Tsi' p'ujp'uj majlel ats'am.