Jeremias 17:5 - Chol: I T’an Dios

⁵ Lac Yum tsi' yʌlʌ: Chocbil ti Dios jini winic mu' bʌ i lon ña'tan i taj i coltʌntel ti winicob, jini mu' bʌ i cʌy i Yum.

Chol de Tumbalá Bible

⁵ Lac Yum tsi' yʌlʌ: Chocbil ti Dios jini winic mu' bʌ i lon ña'tan i taj i coltʌntel ti winicob, jini mu' bʌ i cʌy i Yum.

Jeremias 17:5 Iomraidhean Croise

2 Cronicas 16:12

Che' ti' bolomlujump'ejl i cha'c'al (39) jab i ye'tel jini Asa, tsi' taja wen tsʌts bʌ c'amʌjel ti' yoc, pero ma'anic tsi' peq'uesa i bʌ ti' tojlel lac Yum. Tsa' jach majli ba'an jini xchon ts'acob.

2 Cronicas 32:8

Talix yic'ot cabʌl soldadojob, pero winicob jach. Joñonla an la quic'ot lac Yum Dios mu' bʌ i coltañonla, mu' bʌ caj i mʌjlel i cha'an che' mi lac majlel ti guerra, che'en. Tijicñayob tsi' yubiyob pejtelel jini winicob.

Salmos 18:21

Tsa'ix c tsajca majlel i bijlel lac Yum. Ma'anic tsac cha'le mulil, ma'anic tsaj cʌyʌ Dios.

Salmos 62:9

Lajalob bajche' ic' jini winicob. Xlotiyajob pejtelel winicob. Che' añob ti balanza mi' ch'ujyelob. Ñumen sejbob bajche' ic'.

Isaias 2:22

Jini cha'an cʌyʌx la' xuc'chocon la' pusic'al ti winicob. ¿Chuqui to mi caj i yʌq'ueñetla? Jumuc' jach mi' japob ic' ti pañimil.

Isaias 20:5

Che' jini mi caj i toj sajtelob i pusic'al jini filisteojob cha'an i rey Asiria. Tsi' lon ña'tayob i taj i coltʌntel ti' wenta jini año' bʌ ti Etiopía yic'ot ti Egipto. Mi caj i yuc'tañob: “Awilan che'ʌch tsa' lon jili lac pijtaya cha'an tsa' lac lon xuc'choco lac pusic'al yic'ot jini egiptojob. ¿Majqui mi caj i coltañonla wʌle?” che'ob. Che' tsi' yʌlʌ lac Yum.

Isaias 36:6

Awilan ma' lon ña'tan mi caj i coltañet Egipto, pero lajal Egipto bajche' xujlem bʌ amʌy. Mi' jec'ben i c'ʌb jini mu' bʌ i xijt'iban majlel. Che'ʌch ja'el jini Faraón, i rey Egipto, ti' tojlel jini mu' bʌ i lon c'ajtiben i coltʌntel.

Isaias 59:15

Mʌcʌlix jini isujm bʌ. P'ump'un mi' tic'lʌntel jini yom bʌ i cʌy i mul.

Jeremias 11:3

Subeñob ts'a'lebil ti Dios jini mach bʌ anic mi' ñich'tan jini xuc'ul bʌ c t'an. Tsac mele jini trato yic'ot la' tatob che' bʌ tsac pʌyʌyob loq'uel ti Egipto ya' ba' woliyob ti wocol e'tel. Tsac subeyob: “Ñich'tanla c t'an. Melela chuqui mic subeñetla. Che' jini c winiquetla, la' Dioson.

Ezequiel 6:9

Jini tsa' bʌ coliyob mi caj i chʌn ña'tañoñob ya' ba' pujquemob, come mi caj cʌq'ueñob i melob i pusic'al cha'an tsi' c'uxbiyob dioste' tac ti' ts'i'lel i pusic'al. Ti jim bʌ ora mi caj i yubiñob quisin cha'an i mul tsa' bʌ i meleyob.

Oseas 1:2

Jiñʌch ñaxan bʌ t'an tsa' bʌ subenti Oseas cha'an lac Yum: Yom ma' pʌy cha'an a wijñam juntiquil x'ixic mu' bʌ caj i cʌyet cha'an i ts'i'lel. Che' jini mi caj i yʌq'ueñet a majan alobil cha'an i ts'i'lel. Che'i mi caj c tsictesan i ts'i'lel c winicob x'ixicob. Woli' cʌyoñob. Woli' ch'ujutesañob dioste' tac, che'en.