Jeremias 17:4 - Chol: I T’an Dios

⁴ Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Chol de Tumbalá Bible

⁴ Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Jeremias 17:4 Iomraidhean Croise

1 Reyob 9:7

che' jini mi caj c loc'san israelob wʌ' ti' lumal tsa' bʌ cʌq'ueyob. Mi caj c sʌc jisan ili ch'ujul bʌ Templo ba' tsa cʌc'ʌ c bʌ ti cʌjñel. Che' jini mi caj i wajlentelob israelob.

2 Reyob 25:21

Jini rey tsi' bajbeyob ti asiyal. Tsi' yʌc'ʌyob ti tsʌnsʌntel ti' lumal Hamat. Che'ʌch tsa' pʌjyiyob majlel jini winicob x'ixicob año' bʌ ti Judá.

Nehemias 9:28

Che' bʌ cha' tijicñayix pañimil, tsi' cha' cha'leyob jontolil ti a wut. Jini cha'an tsa' cʌyʌyob ti' wenta i contrajob cha'an mi' yumañob. Che' bʌ tsi' sutq'uiyob i bʌ, che' bʌ c'am tsi' pejcayetob, tsa' wubibeyob i t'an ya' ti panchan. Ma'anic tsa' cʌyʌ a coltañob come wen a wujil p'untaya.

Isaias 14:3

Ti jim bʌ ora lac Yum mi caj i yʌq'ueñetla la' c'aj la' wo che' lajmenix pejtelel i ch'ijiyemlel la' pusic'al yic'ot bʌq'uen yic'ot to'ol e'tel.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Isaias 5:25

Jini cha'an mich'ix lac Yum ti' tojlel i cha'año' bʌ. Tsa'ix i sʌts'ʌ i c'ʌb cha'an mi' yʌq'ueñob i toj i mul. Jini wits tac mi' ñijcan i bʌ. P'ulul mi caj i cʌytʌlob jini ch'ujlelʌlob che' bajche' misujelʌl ti calle. Anquese cabʌlix i wocol, pero maxto lajmic i mich'lel lac Yum. Mu' to caj i chʌn aq'ueñob wocol.

Isaias 50:11

Pero p'ump'uñetla mu' bʌ la' xic' la' bajñel c'ajc che' mi la' ñijcan letsel i nich cha'an mi la' cha'len q'uix. Cha'lenixla xʌmbal ba' tsiquilix la' c'ajc tsa bʌ la' xiq'ui, come mach la' womic la' ñopon. Mi caj la' cʌytʌl ti la' wocol.

Isaias 66:24

Che' mi' cha' majlelob, mi caj i q'uelbeñob i bʌc'tal jini chʌmeño' bʌ tsa' bʌ i ñusayob c t'an. Mach chʌmic i motso' ti pejtelel ora. Mach yajpic jini c'ajc mu' bʌ i pulob. Ts'a' mi caj i q'uelob pejtel winicob, che'en lac Yum.

Jeremias 12:7

Lac Yum tsi' yʌlʌ: Tsa'ix j cʌyʌ cotot. Tsa'ix c choco c tejclum ba' tsac ña'ta c taj c ñuclel. Tsa'ix cʌc'ʌ jini c'uxbibilo' bʌ c cha'an ti' c'ʌb i contrajob.

Jeremias 15:14

Mi caj cʌq'uet ti to'ol e'tel ti' c'ʌb a contrajob ya' ti ñajt bʌ lum mach bʌ a cʌñʌyic. Cʌlʌx jax c mich'ajel che' bajche' c'ajc mu' bʌ caj ti lejmel ti pejtelel ora, che'en.

Jeremias 16:13

Jini cha'an mi caj c choquetla loq'uel ti ili lum cha'an mi la' majlel ti yambʌ lum mach bʌ cʌmbilic i cha'an la' tatob, mach bʌ la' cʌñʌyic ja'el. Ya' mi caj la' ch'ujutesan yan tac bʌ dios ti q'uiñil yic'ot ti ac'ʌlel, pero mach muq'uic i wis coltañetla.

Jeremias 18:23

C Yum, a wujil bajche' woli' contrajiñoñob cha'an yomob i tsʌnsañon. Mach a ñusʌbeñob i mul. Mʌctʌbeñob i bijlel. Ac'ʌyob ti toj mulil ti' yorajlel a mich'ajel.

Jeremias 2:14

¿Mach ba calobilic Israel? ¿Chucoch tsa' sujti ti to'ol jach bʌ x'e'tel ti yambʌ i yum? Tsa' cʌjchi majlel.

Jeremias 21:12

I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Jeremias 22:28

¿Bajche' yilal Conías? Che'ʌch yilal bajche' junxejt' p'ejt. ¿Mach ba anic majqui mi' chʌn c'uxbin? ¿Chucoch tsʌts chocbilix ti yambʌ lum mach bʌ i cʌñʌyic?

Jeremias 5:19

Che' mi' yʌlob: “¿Chucoch tsi' yʌq'ueyonla ili wocol jini lac Yum Dios?” che'ob, yom ma' subeñob: “Tsa' la' cʌyʌyon cha'an mi la' ch'ʌm tilel ti la' lumal i diosob jini ñajt bʌ ch'oyolob cha'an mi la' melbeñob i ye'tel. Jini cha'an mi caj la' cʌjchel majlel ti ñajt bʌ lum cha'an mi la' melbeñob i ye'tel jini winicob parte bʌ i lumal”. Che'ʌch yom ma' subeñob, che'en lac Yum.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Lamentaciones 1:12

¿Mach ba la' wentajic jatetetla woliyet bʌ la ti ñumel? Q'uele mi an yambʌ woli bʌ i cuch wocol che' bajche' joñon. P'ump'un tsi' meleyon c Yum che' cʌlʌx jax i mich'ajel.

Lamentaciones 5:2

Tsa' ochiyob yaño' bʌ tic lum lojon tsa' bʌ a wʌq'ueyon lojon. Jini ñajt bʌ ch'oyolob tsi' chilbeyon lojon cotot.

Ezequiel 21:31

Yic'ot cabʌl c mich'ajel mi caj c jisañetla che' bajche' c'ajc. Mi caj cʌq'uetla ti' c'ʌb jini jontol bʌ winicob yujilo' bʌ tsʌnsa.

Ezequiel 7:24

Mi caj c pʌy tilel jini xjontolilob ti yambʌ tejclum tac cha'an mi' lu' chilbeñob i yotot. Che'i mi caj c peq'uesan jini ñuco' bʌ ti pañimil. Mi caj cʌc' ti bib'esʌntel i yotlel tac i diosob.

Deuteronomio 28:25

Lac Yum mi caj i yʌq'uet ti puts'el ti' wutob a contrajob. Junts'ijt bij mi caj a loq'uel a taj a contra. Wucp'ejl bij mi caj a majlel ti puts'el ti' tojlel. P'ump'un jax mi caj a tic'lʌntel ti jujump'ejl a lumal.