Jeremias 17:3 - Chol: I T’an Dios

³ yic'ot ti jamil ti yebal wits. Jini cha'an mi caj cʌc' ti' wenta a contrajob pejtel a chubʌ'an letsem tac bʌ i tojol ti pejtelel a lumal. Che' jini mi caj a toj a mul.

Chol de Tumbalá Bible

³ yic'ot ti jamil ti yebal wits. Jini cha'an mi caj cʌc' ti' wenta a contrajob pejtel a chubʌ'an letsem tac bʌ i tojol ti pejtelel a lumal. Che' jini mi caj a toj a mul.

Jeremias 17:3 Iomraidhean Croise

2 Reyob 24:13

Tsi' loc'sa pejtel letsem tac bʌ i tojol am bʌ ti' yotot lac Yum, yic'ot jini taq'uin am bʌ ti' yotot rey. Tsi' laj bic'ti xut'u jini oro am bʌ ti' yotot lac Yum tsa' bʌ i mele Salomón i rey israelob.

Salmos 78:58

Tsi' techbeyob i mich'ajel Dios, come tsi' meleyob i yotlel tac dioste'. Ts'a' tsi' q'uele Dios i dioste' tac.

Isaias 27:9

Che'ʌch tsi' pocbeyob loq'uel i mul Jacob. Tsi' jisa pejtelel jini dioste' yic'ot pulʌntib, yic'ot oy tac ba' tsi' ch'ujutesayob q'uin, cha'an ma'anix mi' chʌn cha'leñob jini quisintic jax bʌ. Tsi' yʌc'ʌ ti bic'tiyel jini xajlel am bʌ ti pulʌntib cha'an ma'anic mi' chʌn ch'ujutesañob.

Jeremias 12:12

Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Jeremias 15:13

Ti' caj a mul mi caj cʌq'ueñob pejtel a taq'uin yic'ot pejtel chubʌ'añʌl c'uxbibil bʌ a cha'an ti pejtelel a lumal.

Jeremias 20:5

Joñon mi caj cʌq'uen a contrajob pejtel i bʌl jini tejclum letsem tac bʌ i tojol, pejtel chuqui tac c'uxbibil la' cha'an tsa' bʌ i tempayob jini reyob ti Judá. Mi caj i lu' cuchob majlel ti Babilonia.

Jeremias 21:13

Awilan wolij contrajiñet anquese yumʌlet ti' tojlel jini xchumtʌlob ti joctʌl. Chañet che' bajche' chan bʌ xajlel ti' wutob. Ma' lon al ma'anic majch mi' mejlel ti ochel cha'an mi' contrajiñet. Mach mejlic i chilbeñoñob c chubʌ'an, lon che'et.

Jeremias 26:18

Che' woli to ti yumʌl Ezequías rey bʌ ti Judá, tsa' tili juntiquil x'alt'an i c'aba' Miqueas ch'oyol bʌ ti Moreset. Tsi' cha'le subt'an ti' tojlel pejtel año' bʌ ti Judá. Tsi' yʌlʌ: “I Yum Panchan yic'ot Pañimil woli' yʌl: Sion mi' caj ti xitchocontel che' bajche' jamil. Jerusalén mi caj i sujtel ti bujtʌl. Ili lum ba' wa'chocobil cotot mi caj i sujtel ti te'el. Che' tsi' yʌlʌ lac Yum”, che'en Miqueas.

Lamentaciones 1:10

I contrajob tsa'ix i laj chilbeyob i chubʌ'an letsem tac bʌ i tojol. Woli' yochelob ti ch'ujul bʌ a wajñib ba' tsi' tempayob i bʌ a winicob, ba' tic'bil mi' yochel jini mach bʌ judíojic.

Ezequiel 16:39

Mi caj cʌq'uet ti jilel ti' c'ʌb jini winicob. Mi caj i jemob i yotlel tac a diosob yic'ot pulʌntib tac. Mi caj i jochbeñet a pislel. Pejtelel a ch'ʌjlil mi caj i ch'ʌmob majlel. P'ump'un jax mi caj i cʌyet.

Ezequiel 23:46

Lac Yum Dios woli' yʌl: Mi caj c choc tilel soldadojob cha'an mi' ts'a'leñob, cha'an p'ump'un mi' tic'lañob.

Ezequiel 6:3

“Wits tac ti' lumal Israel, ñich'tʌben i t'an lac Yum Dios, come lac Yum woli' pejcan ili wits tac yic'ot bujbujtʌl yic'ot pa' tac yic'ot joctʌl tac: Joñon mi caj c choc tilel guerra cha'an mic jisan jini chan bʌ la' pulʌntib tac.

Levitico 26:30

Mi caj c jisʌbeñetla la' dios tac yic'ot jini bubujtʌl baqui mi la' lon pul majtañʌl yic'ot i pulʌntib. Mi caj j cʌy jini chʌmenix bʌ la' bʌc'tal tac ya' ba'an la' dios tac. Ts'a' mi caj j q'ueletla.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.

Sofonias 1:13

Jini cha'an mi caj i laj chilbentelob i chubʌ'an che' mi' tilelob i contrajob. Jochol mi caj i cʌytʌl i yototob. Jini mu' bʌ i wa'chocoñob i yotot ma'anic mi caj i chumtʌlob ya'i. Jini mu' bʌ i pʌc'ob i ts'usub ma'anic mi caj i japob i ya'lel ts'usub.