Jeremias 17:12 - Chol: I T’an Dios

¹² Buchulet ti chan, c Yum. Wen ñuc a yumʌntel c'ʌlʌl ti' cajibal. Ch'ujul bʌ cajñibet lojon, c Yum.

Chol de Tumbalá Bible

¹² Buchulet ti chan, c Yum. Wen ñuc a yumʌntel c'ʌlʌl ti' cajibal. Ch'ujul bʌ cajñibet lojon, c Yum.

Jeremias 17:12 Iomraidhean Croise

Salmos 103:19

Lac Yum tsa'ix i wa'choco i yumʌntel ya' ti panchan. Mi' cha'len yumʌntel ti pejtelel pañimil.

Salmos 96:6

Cabʌlʌch i c'uxbintel yic'ot i ñuclel jini año' bʌ ti' tojel i wut. I t'ojol jax jini ch'ujul bʌ i yajñib ba' mi' pʌs i p'ʌtʌlel.

Isaias 6:1

Che' bʌ tsa' chʌmi jini rey Uzías, ti jini jach bʌ jab, tsaj q'uele lac Yum, buchul bʌ ti chan ti ñuc bʌ i ye'tel. I yoc jach i pislel tsi' laj but'u jini Templo.

Isaias 66:1

Lac Yum tsi' yʌlʌ: Jini panchan jiñʌch c buchlib. Jini pañimil jiñʌch i yajñib coc. ¿Baqui mi caj la' wa'chocobeñon cotot? ¿Baqui mi caj la' melbeñon c chumlib ba' mij c'aj co?

Jeremias 14:21

Mach ma' ts'a'leñon lojon. Pʌsʌ a bʌ ti ñuc tic tojlel lojon, ame p'ajlecon lojon che' mach chʌn tsiquilix a ñuclel. Chʌn ña'tañon lojon. Mach ma' q'uextan jini xuc'ul bʌ a t'an.

Jeremias 3:17

Ti jim bʌ ora mi' caj ti ajlel Jerusalén i buchlib lac Yum. Ya' ti Jerusalén mi caj i tempañob i bʌ ti' c'aba' lac Yum jini ch'oyolo' bʌ ti pejtel tejclum tac. Ma'anix mi caj i chʌn tsajcañob i bajñel pusic'al yujil bʌ jontolil.

Ezequiel 1:26

Ya' ti chañelal jini panchan tsaj q'uele i buchlib rey yilal melbil bʌ ti zafiro xajlel. Ya' buchul juntiquil lajal bʌ bajche' winic ti q'uelol.

Ezequiel 43:7

Lac Yum tsi' subeyon: Jatet i yalobilet bʌ winic, ili woli bʌ a q'uel jiñʌch ba'an c buchlib, ya' baqui mi cʌc' jini coc, yic'ot ya' baqui mic cha'len chumtʌl quic'ot israelob c'ʌlʌl ti pejtelel ora. Ma'anix baqui ora mi caj i chʌn bib'esañob jini ch'ujul bʌ j C'aba' jini israelob yic'ot yumʌlob. Ma'anix mi caj i chʌn ch'ujutesañob dios tac yic'ot i yejtal tac i reyob.

Mateo 25:31

Che' mi' tilel i Yalobil Winic ti' ñuclel yic'ot pejtelel i yángelob mi' caj ti buchtʌl ti' yumʌntel yic'ot i ñuclel.

Hebreos 12:2

Toj jach yom mi lac tsajcan majlel Jesús mu' bʌ i yʌq'ueñonla lac ñop. Mi caj i ts'ʌctesʌbeñonla ja'el chuqui mi lac ñop. Jesús ma'anic tsi' xoyo i bijlel ti' tojlel wocol, come tsi' q'uele jini tijicña bʌ woli bʌ i pijtan. Jini cha'an tsi' yʌc'ʌ i bʌ ti quisin che' bʌ tsa' chʌmi ti cruz. Tsa' buchle ti' ñoj Dios ya' ti' yumʌntel.

Hebreos 4:16

Jini cha'an yom ch'ejl lac pusic'al mi lac lʌc'tesan lac bʌ ba'an i buchlib Dios ba' mi' pʌsbeñonla i yutslel i pusic'al. Ya'i mi caj lac p'untʌntel. Mi caj laj coltʌntel ti' yutslel i pusic'al che' an wocol ti lac tojlel.

Apocalipsis 3:21

Jini mu' bʌ i mʌjlel i cha'an mi caj c suben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'an.