Jeremias 17:10 - Chol: I T’an Dios

¹⁰ Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Chol de Tumbalá Bible

¹⁰ Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Jeremias 17:10 Iomraidhean Croise

1 Reyob 8:39

yom ma' ñich'tʌben i t'an ya' ti panchan. Yom ma' ñusʌben i mul. Aq'uen che' bajche' yom i melbal, come jatet ma' cʌmbeñob i pusic'al pejtelel winicob x'ixicob ti pañimil.

1 Cronicas 28:9

Jini cha'an, calobil Salomón, yom ma' wen cʌn Dios, i Dios a ñojte'el. Ch'ujutesan ti pejtelel a pusic'al yic'ot ti' tijicñʌyel a pusic'al. Come lac Yum mi' wen cʌmben i pusic'al winicob x'ixicob. Mi' cʌmbeñob i pensar. Che' ma' sajcan lac Yum, mi caj a taj. Pero mi tsa' cʌyʌ, mi caj i junyajlel cʌyet.

1 Cronicas 29:17

C Yum Dios, cujil jatet ma' cʌmben i pusic'al winicob x'ixicob. Uts'at ma' q'uelob che' mi' melob chuqui uts'at ti jump'ejl i pusic'al. Ti pejtelel c pusic'al tsa'ix cʌq'ueyet ili a majtan. Che' ja'el ti pejtelelob woli' yʌq'ueñetob a majtan ti' tijicñʌyel i pusic'al.

2 Cronicas 6:30

yom ma' ñich'tʌbeñob i t'an ya' ba' chumulet ti panchan. Ñusʌben i mul. Sutq'uiben che' bajche' an i melbal, come jatet ma' laj cʌmbeñob i pusic'al ti pejtelelob.

Job 34:11

Bajche' jach mi' mel winic, mi caj i yʌq'uentel i chobejtʌbal ti Dios. Che' bajche' yom lac melbal che'ʌch mi caj la' cʌq'uentel.

Salmos 44:21

¿Mach ba anic mi' tsictiyel ti a wut? Come cʌmbil i cha'an Dios jini mucul tac bʌ am bʌ ti lac pusic'al.

Salmos 44:22

Wolic tsʌnsʌntel lojon ti jujump'ejl q'uin cha'an tsac ñopoyet lojon. Wets'bilon lojon che' bajche' tiñʌme' cha'an mic tsʌnsʌntel lojon.

Salmos 62:12

Jatet jach an i yutslel a pusic'al, c Yum, Come ma' wʌq'ueñob i chobejtʌbal winicob x'ixicob che' bajche' an i ye'tel ti jujuntiquil.

Salmos 7:10

Dios jiñʌch mu' bʌ i coltañon. Mi' coltan jini toj bʌ i pusic'al.

Salmos 7:9

La' jilic i jontolil jini jontol bʌ. Coltan jini tojo' bʌ cha'an mi' chʌn melob chuqui toj. Come Dioset, tojet, wola' q'uelbeñon lojon c pusic'al yic'ot c ch'ujlel lojon.

Proverbios 12:14

Jini uts bʌ i t'an mi caj i tajben i yutslel i pusic'al i pi'ʌlob. Bajche' jach mi lac melben lac pi'ʌlob mi caj lac cha' melbentel.

Proverbios 17:3

Mi' yulmesʌntel plata ti p'ejt, mi' yʌjq'uel ti c'ajc jini oro, pero lac pusic'al mi' q'uejlel ti Dios.

Eclesiastes 9:3

Jini cha'an ma'anic mi' cʌyob i jontolil winicob. Mi' bajñel ña'tañob chuqui yomob i mel anquese socol i bijlel. Yujilob mi' cajelob ti chʌmel.

Isaias 59:18

Mi caj i yʌq'ueñob i toj i mul i contrajob. Mi caj i yubiñob i mich'ajel lac Yum. Mi caj i tojob i mul pejtelel mu' bʌ i ts'a'leñob ya' ti ñajt tac bʌ i lumal.

Jeremias 11:20

C Yum, i Yumet Panchan yic'ot Pañimil. Toj ma' cha'len meloñel. Lu' cʌñʌl a cha'an i pusic'al winicob. Ac'ʌyob ti toj mulil come tsa'ix cʌc'ʌ c bʌ ti a wenta cha'an ma' melon cho'on.

Jeremias 12:13

Tsi' pʌc'ʌyob trigo, pero woli' c'ajob ch'ix. Lolom jach tsi' ñusayob q'uin ti e'tel. Ma'anic i chobejtʌbal. Mi' cajelob ti quisin cha'an woli' c'ajob i mich'lel lac Yum.

Jeremias 20:12

Jatet i Yumet Panchan yic'ot Pañimil, ma' lu' cʌmbeñob i pusic'al jini tojo' bʌ. A wujil bajche' mi' ña'tañob ti' pusic'al pejtel winicob. Meleyob c Yum. La' i tojob i mul. Come Xmeloñelet c cha'an. Añon ti a wenta.

Jeremias 21:14

Joñon mi caj cʌq'ueñet a toj pejtel a melbal. Mi caj c tsuc' c'ajc ti mate'el mu' bʌ caj i pul jini xchumtʌl tac ti a joytʌlel. Che' woli' yʌl lac Yum”. Che'ʌch yom mi la' suben rey, che'en Jeremías.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 32:19

Wen a wujil cʌntesa. Tsiquil a p'ʌtʌlel ti pejtelel a melbal. Cañal a wut ma' laj q'uel bajche' mi' melob winicob yic'ot baqui mi' majlelob. Ma' wʌq'ueñob i chobejtʌbal ti jujuntiquil.

Ezequiel 11:5

Awilan i yEspíritu lac Yum tsi' subeyon: Subeñob jini winicob: “Jatetla israelob tsa' la' lon bajñel ña'ta chuqui la' wom la' mel, pero mi la' wʌl: Che'ʌch woli' yʌl lac Yum, che'etla. Cujil che'ʌch woli la' mel. Cujil pejtel chuqui mi la' ña'tan ti la' pusic'al.

Ezequiel 14:5

Che' jini mi caj c jec'beñob i pusic'al jini israelob, come tsi' tʌts'ʌyob i bʌ tic tojlel cha'an mi' ch'ujutesañob jini dioste' tac”.

Miqueas 7:13

Pero ñaxan mi caj i laj jisʌntel i lumal Israel cha'an ti' caj i jontolil.

Mateo 16:27

Come mi caj i tilel i Yalobil Winic ti' ñuclel i Tat yic'ot i yángelob. Mi caj i yʌq'ueñob i tojol winicob x'ixicob ti jujuntiquil cha'an chuqui tac tsi' meleyob.

Mateo 6:4

Ti mucul yom ma' wʌc' a chubʌ'an. Jini a Tat woli bʌ i q'uel pejtelel mucul tac bʌ mi caj i yʌq'ueñet a chobejtʌbal ti jamʌl.

Juan 2:25

Mach wersajic mi' subentel Jesús chuqui an ti' pusic'al winicob x'ixicob, come yujilʌch.

Hechos 1:24

Tsi' pejcayob Dios. Tsi' yʌlʌyob: Jatet, c Yum, ma' cʌmben i pusic'al pejtelel winicob. Wʌ'an cha'tiquil. Pʌsʌ baqui bʌ ma' yajcan

Romanos 6:21

¿Chuqui tsa' la' taja ti mulil, che' jini? Wʌle che' mi la' cha' ña'tan la' mul, mi la' cha'len quisin, come la' wujilix mi' chʌmelob jini mu' bʌ i cha'leñob mulil che' bajche' jini.

Romanos 8:27

Dios mu' bʌ i wen q'uel lac pusic'al yujil chuqui yom jini Espíritu, come mi' c'ajtiben Dios ti wocol t'an cha'an mi' coltan i cha'año' bʌ che' bajche' yom Dios.

Apocalipsis 2:23

Mi caj c tsʌnsan i yalobilob Jezabel. Pejtelel xñopt'añob baqui jach mi' tempañob i bʌ mi caj i ña'tañob joñoñʌch mu' bʌ c wen q'uelbeñob i pusic'al yic'ot i ña'tʌbal. Ti jujuntiquiletla mi caj cʌq'ueñetla la' tojol che' bajche' an la' melbal.

Apocalipsis 20:12

Tsaj q'uele jini chʌmeño' bʌ, jini ñuco' bʌ yic'ot ch'o'ch'oco' bʌ wa'alo' bʌ ti' tojel Dios. Tsa' jajmi jini jun tac. Tsa' jajmi yambʌ jun ba' ts'ijbubil i c'aba'ob año' bʌ i cuxtʌlel. Lac Yum tsi' c'ʌñʌ jini jun cha'an mi' mel jini chʌmeño' bʌ che' bajche' an i melbalob, come ya' ts'ijbubil i melbalob ti jini jun tac.

Apocalipsis 22:12

Awilan, talon ti ora. Wolic ch'ʌm tilel chobejtʌbalʌl cha'an mi cʌq'uen i tojol jujuntiquil che' bajche' an i melbal.

1 Samuel 16:7

Pero lac Yum tsi' sube Samuel: Mach a lon q'uelben i wut yic'ot i bʌc'tal jini winic, come tsa'ix c ñusa. Ma'anic mic ch'ʌm tic wenta anquese wen i t'ojol jax, anquese wen chan. Joñon mach lajalic mij q'uel che' bajche' winicob. Cojach mi' q'uelbeñob i bʌ i wut pero joñon mij q'uelbeñob i pusic'al, che'en.