Jeremias 16:6 - Chol: I T’an Dios

⁶ Mi caj i laj chʌmelob ti ili lum jini ñuco' bʌ yic'ot jini ch'o'ch'oco' bʌ. Ma'anic mi caj i mujquelob. Ma'anic majqui mi caj i yuc'tañob. Ma'anic majqui mi caj i tsep i bʌ. Mach muq'uic i set' i jol cha'an ch'ijiyem.

Chol de Tumbalá Bible

⁶ Mi caj i laj chʌmelob ti ili lum jini ñuco' bʌ yic'ot jini ch'o'ch'oco' bʌ. Ma'anic mi caj i mujquelob. Ma'anic majqui mi caj i yuc'tañob. Ma'anic majqui mi caj i tsep i bʌ. Mach muq'uic i set' i jol cha'an ch'ijiyem.

Jeremias 16:6 Iomraidhean Croise

2 Cronicas 36:17

Lac Yum tsi' pʌyʌ tilel i rey Babilonia cha'an mi' contrajiñob. Tsi' tsʌnsayob yic'ot espada jini ch'iton winicob tsa' bʌ puts'iyob ti Templo. Jini soldadojob ma'anic tsi' p'untayob jini israelob mi ch'itoñob mi xch'ocob mi xñoxob. Tsi' laj tsʌnsayob.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 24:2

Junlajal mi caj i yochelob ti meloñel motomajob yic'ot winicob x'ixicob, mozojob yic'ot yumʌlob, criadajob yic'ot i co'ob, xmʌñoñelob yic'ot xchoñoñelob, xbet taq'uiñob yic'ot jini mu' bʌ i c'ajtiñob taq'uin.

Jeremias 13:13

Subeñob che' jini: “Lac Yum woli' sub: Che' bajche' mi la' yʌc'an ti vino, che' ja'el mi caj la' yʌc'an ti wocol ti pejteletla yic'ot ja'el jini rey am bʌ ti' buchlib David yic'ot motomajob yic'ot x'alt'añob yic'ot pejtel winicob x'ixicob.

Jeremias 16:4

Mi caj i chʌmelob ti leco bʌ c'amʌjel. Ma'anic majqui mi caj i yuc'tañob. Ma'anic majqui mi caj i mucob. Mi caj i yoc'mʌl i bʌc'tal ti pam lum. Mi caj i jilelob ti machit yic'ot ti wi'ñal. Jini te'lemut ti pañimil yic'ot bʌte'el am bʌ ti jamil mi caj i c'uxob.

Jeremias 41:5

tsa' tiliyob chʌnc'al winicob loq'uemo' bʌ ti Silo ya' ti Samaria. Tsijlem i pislel yic'ot bocbil i tsucti'. Lajchibilobix i bʌc'tal. Woli' ch'ʌmob tilel majtañʌl yic'ot pom cha'an mi' yʌc'ob ti' yotot lac Yum.

Jeremias 47:5

Mi caj i laj pulelob Gaza yic'ot Ascalón yic'ot pejtel xchumtʌl tac ti joctʌl. Ubinla filisteojob, i p'olbalet bʌ la jini Anaquim. Cabʌl mi caj la' cha'len uq'uel. Mi caj la' wʌl:

Jeremias 48:37

Juc'bilix i jol, bocbilix i tsucti'. Tsejpemix i c'ʌb. Lʌpʌl i cha'an coxtal.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Jeremias 8:2

Mi caj i q'uiyibeñob i bʌquel ti pam lum ti' c'ʌc'al jini q'uin yic'ot uw yic'ot ec', come jiñobʌch i diosob. Mi' c'uxbiñob, mi' ch'ujutesañob. Mi' pulbeñob pom. Mi' cha'leñob q'uiñijel. Pam pujquem mi caj i cʌytʌl i bʌquel ili winicob che' bajche' ta' ti pam lum. Ma'anix majqui mi caj i much'quiñob cha'an mi' cha' mucob.

Levitico 19:27

Mach yomic mi la' joy ac' ti jujchintel i tsutsel la' jol. Mach yomic mi la' tsep i ñi' jini la' tsucti'.

Levitico 19:28

Mach mi la' low la' bʌc'tal cha'an i ch'ijiyemlel la' pusic'al che' an majqui mi' chʌmel. Mach mi la' wotsan i marcajlel tac chuqui tac an ti pañimil ya' ti la' bʌc'tal, come la' Yumon.

Amos 6:11

Come lac Yum tsi' yʌc'ʌ mandar cha'an mi' bic'ti jejmel tac jini colem otot yic'ot alʌ otot.

Mateo 9:23

Che' bʌ tsa' ochi Jesús ti' yotot jini yumʌl, tsi' q'uele jini x'amʌyob yic'ot jini winicob x'ixicob ju'ucñayob ti uq'uel.

Deuteronomio 14:1

Come i yalobiletla lac Yum Dios. Mach yomic mi la' tsep la' bʌ. Mach yomic mi la' jujchin la' jol ya' ti la' pam cha'an ti' caj jini chʌmeño' bʌ che' bajche' mi' melob jini mu' bʌ i ch'ujutesañob jini melbil bʌ dios tac.

Apocalipsis 20:12

Tsaj q'uele jini chʌmeño' bʌ, jini ñuco' bʌ yic'ot ch'o'ch'oco' bʌ wa'alo' bʌ ti' tojel Dios. Tsa' jajmi jini jun tac. Tsa' jajmi yambʌ jun ba' ts'ijbubil i c'aba'ob año' bʌ i cuxtʌlel. Lac Yum tsi' c'ʌñʌ jini jun cha'an mi' mel jini chʌmeño' bʌ che' bajche' an i melbalob, come ya' ts'ijbubil i melbalob ti jini jun tac.

Apocalipsis 6:15

Jini reyob ti pañimil, yic'ot año' bʌ i ye'tel, yic'ot wen chumulo' bʌ, yic'ot i yaj capitañob soldadojob, yic'ot jini p'ʌtʌlo' bʌ, yic'ot pejtelel año' bʌ ti' yum, yic'ot pejtelel mach bʌ añobic ti' yum tsi' mucuyob i bʌ ti ch'en tac yic'ot ti xajlel tac am bʌ ti colem wits.