Jeremias 16:5 - Chol: I T’an Dios

⁵ Tsi' yʌlʌ lac Yum: Mach ma' wochel ti otot ba'an ch'ujlelʌl. Mach ma' wuc'tan, mach a ñʌch'tesʌbeñob i pusic'al i pi'ʌlob, come mach chʌn utsix mij q'uelob. Ma'anix mi caj c p'untañob. Ma'anic mi caj j coltañob, che'en lac Yum.

Chol de Tumbalá Bible

⁵ Tsi' yʌlʌ lac Yum: Mach ma' wochel ti otot ba'an ch'ujlelʌl. Mach ma' wuc'tan, mach a ñʌch'tesʌbeñob i pusic'al i pi'ʌlob, come mach chʌn utsix mij q'uelob. Ma'anix mi caj c p'untañob. Ma'anic mi caj j coltañob, che'en lac Yum.

Jeremias 16:5 Iomraidhean Croise

Salmos 25:6

C Yum, ña'tañon, p'untañon ti' yutslel a pusic'al, Che' bajche' tsa' p'unta winicob ti wajali. Junlajal uts a pusic'al ti pejtelel ora.

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Jeremias 12:12

Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Jeremias 13:14

Mi caj cʌc'ob i contrajiñob i bʌ winicob yic'ot ch'iton bʌ i yalobilob, che'en lac Yum. Ma'anic mi caj c p'untañob. Ma'anic mi caj j coltañob. Mi caj c jisañob”. Che'ʌch yom ma' subeñob, che'en.

Jeremias 16:13

Jini cha'an mi caj c choquetla loq'uel ti ili lum cha'an mi la' majlel ti yambʌ lum mach bʌ cʌmbilic i cha'an la' tatob, mach bʌ la' cʌñʌyic ja'el. Ya' mi caj la' ch'ujutesan yan tac bʌ dios ti q'uiñil yic'ot ti ac'ʌlel, pero mach muq'uic i wis coltañetla.

Lamentaciones 3:17

C Yum, ma'anix i ñʌch'tʌlel c pusic'al. Anix ora tsa' chilbeyon pejtel tijicña bʌ.

Zacarias 8:10

C'ʌlʌl wʌle ma'anic i tojol la' we'tel. Ma'anic i tojol mula che' mi' c'ʌjñel ti e'tel. Ma'anic i ñʌch'tilel la' pusic'al. Che' mi la' loq'uel ti tejclum bʌbʌq'uen ma'anic mi la' sujtel cha'an cabʌl la' contrajintel. Joñon tsa cʌq'ueyob i contrajiñob i bʌ winicob cha'an ti' caj i mul.

Deuteronomio 31:17

Jini cha'an mi caj c mich'leñob. Mi caj j cʌyob. Mi caj c mʌy c wut cha'an ma'anix mic chʌn q'uelob. Mi caj c jisañob ti cabʌl wocol. Mi caj i yʌlob: “Obol jax lac bʌ come ma'anix Dios la quic'ot”, che'ob.

Apocalipsis 6:4

Tsa' loq'ui tilel yambʌ caballo, wen chʌchʌc. Jini c'ʌchʌl bʌ ti' pat caballo tsa' aq'uenti i p'ʌtʌlel cha'an mi' tech guerra ti' tojlel winicob cha'an mi' tsʌnsañob i bʌ. Tsa' aq'uenti junts'ijt colem espada.