Jeremias 16:16 - Chol: I T’an Dios

¹⁶ Awilan mi caj c choc tilel la' contrajob, che'en lac Yum. Mi caj i chucob winicob che' bajche' mi la' chuc chʌy. Mi caj i pam sʌclañob che' bajche' mi la' sʌclan me' ti wits yic'ot ti bujtʌl yic'ot ti xajlelol. Mi caj i tajob baqui jach woli' mujcuñob i bʌ.

Chol de Tumbalá Bible

¹⁶ Awilan mi caj c choc tilel la' contrajob, che'en lac Yum. Mi caj i chucob winicob che' bajche' mi la' chuc chʌy. Mi caj i pam sʌclañob che' bajche' mi la' sʌclan me' ti wits yic'ot ti bujtʌl yic'ot ti xajlelol. Mi caj i tajob baqui jach woli' mujcuñob i bʌ.

Jeremias 16:16 Iomraidhean Croise

Genesis 10:9

Wen yujil ajñesa bʌte'el ti' tojlel lac Yum. Jini cha'an mi la cʌl: Che' bajche' Nimrod ñuc bʌ x'ajñesa bʌte'el ti' tojlel lac Yum, cho'onla.

Isaias 2:21

Mi caj i yochelob ti puts'el ba' tocol tac i mal xajlel, yic'ot jajp tac ch'en ya' ti xajlelol, che' mi' tilel lac Yum ti' c'ʌc'al yic'ot ti' nuclel cha'an mi' bʌc'tesan jini año' bʌ ti pañimil.

Isaias 7:19

Wen bajc'ʌlob mi caj i tilelob. Mi caj i pam pujquelob ti pejtelel a lumal c'ʌlʌl ya' ti colem bʌ i tiquiñal pañimil, yic'ot ya' ba' tocol tac i mal colem xajlel, yic'ot ya' ba' pim wats'an ch'ixol, yic'ot ya' ti wumilel tac ja'el.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 4:29

Mi caj i laj puts'elob loq'uel ti tejclum che' mi' yubibeñob i t'an jini c'ʌchʌlo' bʌ che' mi' tilelob, chucul bʌ i cha'an jalʌjb. Mi' puts'elob ti mate'el. Mi' letselob majlel ti xajlelol. Jocholix mi' cʌytʌl tejclum tac. Laj majlemix i yum.

Jeremias 49:5

Joñon mi caj c pʌyob tilel mu' bʌ caj i contrajiñetla, che'en lac Yum, i Dios Panchan yic'ot Pañimil. Cabʌl mi caj la' cha'len bʌq'uen che' joyoletla ti la' contrajob. Mi caj i wets'etla loq'uel ti la' lum ti jujuntiquiletla. Jini mu' bʌ i ñop puts'el, ma'anic ba' mi caj i taj i p'untʌntel.

Jeremias 6:9

I Yum Panchan yic'ot Pañimil tsi' yʌlʌ: Che' bajche' ma' cha' ñumel ti ts'usubil cha'an ma' tuc'ben i colojbal i wut, yom ma' cha' majlel ti Jerusalén, cha'an ma' jisan i colojbal winicob, che'en.

Lamentaciones 4:18

Tsi' mʌctayonla ti bij ame puts'iconla. Lʌc'ʌlix i yorajlel lac chʌmel. Ma'anix jayp'ejl q'uin. Isujm i yorajlelix mi lac chʌmel.

Lamentaciones 4:19

Tsi' yajñesayonla laj contrajob, ñumen p'is ti ajñel bajche' xiye' ti panchan. Tsi' yajñesayonla ti wits. Tsi' chijtayoñob ti jochol bʌ lum. Tsi' yʌlʌ i jisayonla ti mal lum.

Oseas 10:10

Joñon mi caj j contrajiñet. Mi caj c pʌy tilel soldadojob tilemo' bʌ ti yan tac bʌ lum cha'an mi' contrajiñet, come cabʌl a mul.

Amos 4:2

Jini lac Yum Dios tsi' yʌc'ʌ i t'an. Come ch'ujul lac Yum jini cha'an ma'anic mi caj i to'ol ñusan la' mul. La' wilan, tal i yorajlel mi caj i loc'sañetla yic'ot lucojib yilal.

Amos 5:19

Che'ʌch yilal i Q'uiñilel lac Yum bajche' oso mu' bʌ i chuc winic che' woli' puts'tan bajlum. Lajalʌch bajche' lucum mu' bʌ i c'uxe' che' mi' yochel ti' yotot, che' mi' ñʌcchocon i c'ʌb ti bojte'.

Sofonias 1:12

Ti jim bʌ ora mi caj c tsajin ñumel Jerusalén yic'ot c'ajc cha'an mi cʌq'ueñob i toj i mul jini winicob sojlemo' bʌ ti mulil. Mi' yʌlob ti' pusic'al: “Ma'anic i c'ʌjñibal lac Yum. Mach yujilic coltaya, mach yujilic jisaya”, che'ob.

1 Samuel 24:11

C tat, q'uele i xujt'il a bujc. Che' bʌ tsac tsepbe i xujt'il a bujc, ¿chucoch ma'anic tsac tsʌnsayet? Ña'tan che' jini, ma'anic c jontolil. Ma'anic tsac cha'le mulil ti a tojlel. ¿Chucoch woli a sʌclañon cha'an ma' chilbeñon j cuxtʌlel?

1 Samuel 26:20

Mach yomic mic tsʌnsʌntel ti yambʌ lum ba' mach cʌmbilic lac Yum. I rey israelob wolix i sʌclan ñumel ch'ʌc yilal che' bajche' winicob mi' sʌclañob xchʌlʌl ti mate'el. Che' tsi' yʌlʌ David.