Jeremias 16:11 - Chol: I T’an Dios

¹¹ Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Chol de Tumbalá Bible

¹¹ Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 16:11 Iomraidhean Croise

1 Reyob 9:9

Mi caj i yʌlob: “I mulʌch i winicob cha'an tsi' cʌyʌyob i Yum Dios tsa' bʌ i loc'sa i ñojte'elob ya' ti' lumal Egipto. Tsi' ch'ujutesayob dioste' tac, tsi' yumayob. Jini cha'an lac Yum tsi' yʌq'ueyob pejtel ili wocol”. Che' mi caj i yʌlob. Che' tsi' yʌlʌ lac Yum.

2 Cronicas 7:22

Yambʌ mi caj i jac': “Cha'an tsi' cʌyʌyob lac Yum i Dios tsa' bʌ i loc'sa ti Egipto i ñojte'elob. Wʌle wolix i tsajcañob ñumel yambʌ dios tac cha'an mi' ch'ujutesañob. Jini cha'an lac Yum woli' chocbeñob tilel pejtel ili wocol ti' caj i mulob”, che'en. Che' tsi' sube Salomón jini lac Yum.

Jeremias 13:22

Che' mi' letsañob a majts cha'an mi yʌq'uet ti quisin, mi caj a wʌl ti a pusic'al: “¿Chucoch woli cubin wocol?” Ña'tan che' jini, cha'an ti' caj a mul wola' wubin wocol.

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Jeremias 22:9

Mi caj i jac'ob: Cha'an tsi' jemeyob jini xuc'ul bʌ t'an. Tsi' cʌyʌyob i Dios. Tsi' ch'ujutesayob yambʌ dios tac, mach bʌ mero Diosic. Tsi' c'uxbiyob, che'ob”. Che'ʌch yom ma' subeñob, che'en lac Yum.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Jeremias 8:2

Mi caj i q'uiyibeñob i bʌquel ti pam lum ti' c'ʌc'al jini q'uin yic'ot uw yic'ot ec', come jiñobʌch i diosob. Mi' c'uxbiñob, mi' ch'ujutesañob. Mi' pulbeñob pom. Mi' cha'leñob q'uiñijel. Pam pujquem mi caj i cʌytʌl i bʌquel ili winicob che' bajche' ta' ti pam lum. Ma'anix majqui mi caj i much'quiñob cha'an mi' cha' mucob.

Jeremias 9:14

Tsʌtsob i pusic'al. Tsi' bajñel yajcayob i bijlel che' bajche' yom i pusic'al. Tsi' ch'ujutesayob jini Baalob che' bajche' tsi' cʌntesayob i tatob.

Lamentaciones 5:7

Tsi' cha'leyob mulil c tat lojon. Jini cha'an mach chʌn añobix.

Ezequiel 11:21

Pero pejtelel mu' bʌ i chʌn mulañob i mel jini dios tac ts'a'lebil bʌ c cha'an yic'ot chuqui tac mach wenic, mi caj cʌq'ueñob wocol cha'an i mul, che'en lac Yum Dios.

Amos 2:4

Lac Yum woli' yʌl: Cabʌlix i jontolil Judá. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' ñusʌbeyon c t'an, ma'anic tsi' jac'beyon c mandar. Tsa' sajtiyob cha'an tsi' ñopoyob lot. Tsi' ñopoyob dioste' tac che' bajche' i tatob.

Malaquias 3:7

Anquese tsa'ix la' ts'a'le c mandar ti wajali, wʌle yom mi la' cha' sutq'uin la' bʌ ba' añon, che'en i Yum Panchan yic'ot Pañimil. La'la. Mi caj c ñusʌbeñet la' mul, che'en. Pero mi la' lon al: “Ma'anic ba' ora tsaj cʌyʌyet lojon”, che'etla.

1 Pedro 4:3

Come jasʌlix jini q'uin tac tsa' bʌ la' ñusa ti' melol mulil che' bajche' jini sajtemo' bʌ mu' bʌ i jac'ob i colosojlel i pusic'al yic'ot i ts'i'lel. Mi' cha'leñob chuqui jisil yic'ot yʌc'ajel yic'ot leco bʌ q'uiñijel, yic'ot lemoñel. Mi' melob leco bʌ i q'uiñilel dios tac.

Juezob 2:11

Jini israelob tsi' cha'leyob jontolil ti' tojlel lac Yum. Tsa' caji i ch'ujutesañob jini dios Baal.