Jeremias 15:9 - Chol: I T’an Dios

⁹ Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Chol de Tumbalá Bible

⁹ Meba'ix jini x'ixic tsa' bʌ i cʌnta wuctiquil i yalobilob. Laj chʌmeñobix. C'unix pañimil. Ma'anix tijicña bʌ. Bʌjlemix q'uin yubil che' xinq'uiñil to. Ts'a'lebilix, wolix ti quisin, come ma'anix i yalobil. Mi caj cʌc' i colojbal winicob ti' wenta i contrajob cha'an mi' chʌmelob ti espada, che'en lac Yum.

Jeremias 15:9 Iomraidhean Croise

Isaias 47:9

Pero tal ti ora ili cha'chajp wocol ti a tojlel ti jump'ejl jach bʌ q'uin. Meba' x'ixic mi caj a cʌytʌl. Mi caj a chilbentel a walobilob, anquese a wujil wujt, anquese ma' pejcan xiba. Lolom jach ma' mel ñuc tac bʌ cha'an ma' lon coltan a bʌ.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 21:7

I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 44:27

Yʌxʌlix co. Ma'anic mi caj j coltañetla. Mi caj cʌq'uetla ti wocol. Ti pejteletla ch'oyolet bʌ la ti Judá, añet bʌ la ti Egipto, mi caj la' chʌmel ti espada yic'ot ti wi'ñal jinto mi la' lu' jilel.

Jeremias 50:12

Pero mi caj a wubin quisin, Babilonia. Mi caj a sujtel ti pec' ti' tojlel yaño' bʌ winicob. Tiquin mi caj i majlel a lum. Mi caj i sajtel i c'ʌjñibal, che'en lac Yum.

Jeremias 6:4

Wolix i tejchel guerra, talob i contrajiñet. Mi' yʌlob: “Conla cha'an mi laj c'otel che' ti xinq'uiñil. Obol lac bʌ, come wolix ti bʌjlel q'uin. Wolix i tam'an axñal.

Jeremias 7:19

¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

Lamentaciones 1:1

Jiñʌch i t'an Jeremías: Ñʌch'ʌlix i bijlel tac Jerusalén ba' motocña winicob x'ixicob ti yambʌ ora. Ch'ijiyem jini tejclum che' bajche' meba' x'ixic che' i bajñel mi' cʌytʌl. Ti yambʌ ora tsa' q'uejli ti ñuc ti pejtelel pañimil. Wʌle ts'a'lebilix che' bajche' xñujp'el.

Lamentaciones 4:10

Anquese mi' c'uxbiñob i yalobilob, jini x'ixicob tsi' ch'ʌxʌyob cha'an mi' c'uxob, i wenta i bʌl i ñʌc' che' bʌ tsa' puli jini tejclum.

Ezequiel 5:12

Junmojt mi caj i chʌmel cha'an jontol bʌ c'amʌjel yic'ot wi'ñal. Yambʌ junmojt mi caj i jisʌntel yic'ot espada. Yambʌ junmojt mi caj c pam puc ti pejtelel pañimil ba' mi caj c jisañob ti espada.

Ezequiel 5:13

Che' jini mi caj c pʌsbeñob c mich'lel. Che' ñumenix mi caj i ña'tañob i Yumon. Bʌxon cha'an mic ts'ʌctesan c t'an.

1 Samuel 2:5

Jini año' bʌ i chubʌ'an ti yambʌ ora woliyobix ti majtan e'tel cha'an mi' tajob i bʌlob i ñʌc'. Tsa'ix lajmiyob i wi'ñal jini wi'ñayo' bʌ. Jini mach bʌ anic i yalobil tsa'ix i meq'ue wuctiquil i yalobil. Jini cabʌlo' bʌ i yalobil i bajñel jax woli' cʌytʌlob.