Jeremias 15:8 - Chol: I T’an Dios

⁸ Tsac p'ojlesa meba' x'ixicob. Lajalob ti tsic che' bajche' i ji'il colem ñajb. Che' ti xinq'uiñil tsac chilbeyob jini ch'iton bʌ winicob. Tsac bʌc' chocbeyob tilel cabʌl i ch'ijiyemlel i pusic'al. Tsa' toj sajtiyob i pusic'al ti bʌq'uen.

Chol de Tumbalá Bible

⁸ Tsac p'ojlesa meba' x'ixicob. Lajalob ti tsic che' bajche' i ji'il colem ñajb. Che' ti xinq'uiñil tsac chilbeyob jini ch'iton bʌ winicob. Tsac bʌc' chocbeyob tilel cabʌl i ch'ijiyemlel i pusic'al. Tsa' toj sajtiyob i pusic'al ti bʌq'uen.

Jeremias 15:8 Iomraidhean Croise

Isaias 3:25

Jini a winicob mi caj i tsʌnsʌntelob ti guerra. Jini wen yujilo' bʌ guerra mi caj i jisʌntelob cha'an i contrajob.

Isaias 3:26

Jini xtejclumob mi' cajelob ti uq'uel. Mi caj i lʌpob i pislel meba'ob. Ch'ijiyem mi caj i cʌytʌl jini tejclum. Jejmenix i ti' tac.

Isaias 4:1

Ti jim bʌ q'uin ma'anix jaytiquil mi' cʌytʌl winicob. Wuctiquil x'ixicob mi caj i cajatañob juntiquil winic. Mi caj i yʌlob: A wocolic pʌyʌyon lojon. Ma'anic mi caj a wubin wocol come mi caj c wʌlʌc mʌc'lan lojon c bʌ. Mi caj j q'uel lojon bajche' mic taj lojon c pislel. Pʌyʌyon lojon come quisintic jax mi cubin lojon che' ma'anic c ñoxi'al lojon. Che' mi caj i yʌlob.

Jeremias 16:3

Come mux caj i laj chʌmelob jini wʌ' bʌ chumulob ti ili lum, winicob x'ixicob yic'ot i yalobilob tsa' bʌ i q'ueleyob pañimil ilayi, che'en lac Yum.

Jeremias 18:21

Jini cha'an, la' tsʌnsʌnticob ti espada. La' jilicob ti wi'ñal i yalobilob. La' sujticob ti meba' i yijñamob. La' jilic pejtel i yalobilob. La' chʌmicob jini winicob ti leco bʌ c'amʌjel. La' chʌmicob ti guerra jini ch'iton winicob.

Jeremias 22:7

Mi caj cʌq'ueñob e'tijibʌl jini yujilo' bʌ jisaya mu' bʌ caj i tilelob i jem. Mi caj i sec'ob jubel jini yajcʌbil bʌ ch'ujte'. Mi caj i chocob ochel ti c'ajc.

Jeremias 4:16

Subu ti' tojlel ñajt tac bʌ tejclum cha'an talob i jisan Jerusalén jini ñajt bʌ ch'oyolob. Ju'ucña mi' cha'leñob t'an ti' contra jini tejclum tac ti Judá.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 6:26

Lʌpʌ coxtal, Jerusalén, c'uxbibilet bʌ i cha'an c pi'ʌlob. Bʌlchocon a bʌ ti' tʌñil c'ajc. Cha'len uq'uel che' bajche' x'ixic mu' bʌ i yuc'tan cojach bʌ i yalobil. Mele a pusic'al, come wolix i bʌc' tilel wocol ti lac tojlel.

Lamentaciones 5:3

Tsa' sujtiyon lojon ti meba'. Ma'añobix c tat lojon. Meba' x'ixicob c ña' lojon.

Ezequiel 22:25

Come mi' temob i t'an jini x'alt'añob la' cha'an. Che' bajche' bajlum mi' chuc i we'el, woli' tsʌnsañob winicob cha'an mi' chilbeñob i chubʌ'an yic'ot i lum. Jini cha'an cabʌlobix jini meba' x'ixicob ti la' lumal.

Oseas 4:5

Junlajal an la' mul, motomajob yic'ot x'alt'añob. Ñʌmʌletla ti mulil. Mach la' wujilic quisin. Jini cha'an mi caj c jisan Israel.

Lucas 21:35

Ili q'uin che' bajche yac mi caj i taj pejtelel winicob x'ixicob chumulo' bʌ ti' petol pañimil.