Jeremias 15:7 - Chol: I T’an Dios

⁷ Ch'ijiyemix c pusic'al cha'an tsac jisa c winicob x'ixicob ti' caj i mul. Tsa'ix c chijcayob ya' ti' ti' tejclum. Ch'ijiyemon cha'an ma'anic tsi' sutq'uiyob i bʌ cha'an mi' cʌyob i bijlel.

Chol de Tumbalá Bible

⁷ Ch'ijiyemix c pusic'al cha'an tsac jisa c winicob x'ixicob ti' caj i mul. Tsa'ix c chijcayob ya' ti' ti' tejclum. Ch'ijiyemon cha'an ma'anic tsi' sutq'uiyob i bʌ cha'an mi' cʌyob i bijlel.

Jeremias 15:7 Iomraidhean Croise

Salmos 1:4

Mach che'ic jini jontol bʌ winicob. Lajalobʌch bajche' i sujl trigo mu' bʌ i wejlan majlel ic'.

Isaias 41:16

Ñajt mi caj a chocob majlel. Jini ic' mi caj i cuchob majlel che' bajche' i yopol te'. Jini sutujt ic' mi caj i pam pucob. Pero tijicñayet ti a Yum. Mi caj i ñuc'an a pusic'al cha'an jini Ch'ujul Bʌ i cha'an Israel.

Isaias 9:13

Anquese cabʌl i wocol, ma'anic mi caj i peq'uesañob i bʌ cha'an mi' sutq'uiñob i bʌ ba'an i Yum Panchan yic'ot Pañimil.

Jeremias 18:21

Jini cha'an, la' tsʌnsʌnticob ti espada. La' jilicob ti wi'ñal i yalobilob. La' sujticob ti meba' i yijñamob. La' jilic pejtel i yalobilob. La' chʌmicob jini winicob ti leco bʌ c'amʌjel. La' chʌmicob ti guerra jini ch'iton winicob.

Jeremias 5:3

C Yum, ¿mach ba wolic a sʌclan juntiquil mu' bʌ i sub chuqui isujm? Tsa' cʌntesayob. Tsa' jats'ʌyob ja'el cha'an mi' melob chuqui isujm. Pero ma'anic mi' p'isob ti' wenta. Tsa' wʌq'ueyob i wocol, pero mi' ts'a'leñetob. Mi' yutsi tsʌts'esañob i pusic'al che' bajche' xajlel. Mi' to'ol melob chuqui yomob. Mach yomobic i cʌy i mul.

Jeremias 51:2

Mi caj c chocbeñob tilel xwe'ts'oñelob mu' bʌ caj i jats'ob majlel. Che' ti' yorajlel wocol talob jini chumulo' bʌ ti' joytʌlel cha'an mi' chilbeñob pejtel chuqui an i cha'añob.

Jeremias 9:21

Come ochemix laj contra ti la cotot. Tsa'ix ochi ti ventana cha'an mi' tsʌnsan la calobilob, jini i t'ojolob jax bʌ. Ma'anix alp'eñelob ti bij. Ma'anix mi' cha'leñob alas. Ma'anix mi' tempañob i bʌ ch'iton winicob ti plaza.

Ezequiel 24:25

Jixcu jatet, i yalobil winic, ña'tan ba' ora mic chilbeñob i tijicñʌyel yic'ot i ñuclel i pusic'alob yic'ot pejtel i yalobilob,

Ezequiel 36:12

Mi' cajelob ti xʌmbal winicob ti la' bijlel. Mi caj i cha' sujtel jini lum ti' wenta c tejclumob. Ma'anix mi caj i chʌn pulob i yalobilob ti pulʌntib tac.

Zacarias 1:4

Mach yomic lajaletla bajche' la' ñojte'elob. Jini x'alt'añob tsi' pejcayob ti oñiyi cha'an mi' cʌyob i mul. Tsi' yʌlʌyob: “Ubinla i t'an i Yum Panchan yic'ot Pañimil. Cʌyʌ la' mul, come leco jax la' melbal”, che'ob. Pero ma'anic tsi' jac'ʌyob. Ma'anic tsi' p'isiyob ti' wenta.

Mateo 3:12

An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Deuteronomio 28:32

Jini ch'iton yic'ot xch'oc bʌ a walobilob mi caj i pʌjyelob majlel ti yambʌ tejclum che' wola' q'uel. Ma'anix mi caj a chʌn q'uelob. C'ux mi caj a wubin. Ma'anix a p'ʌtʌlel cha'an ma' coltañob.

Deuteronomio 28:41

Mi caj a cosan ch'iton yic'ot xch'oc bʌ a walobilob, pero ma'anic mi caj i yajñelob a wic'ot, come mi caj i cʌjchelob majlel.