Jeremias 15:3 - Chol: I T’an Dios

³ Mi caj cʌc'ob ti chʌmel ti chʌnchajp wocol: jini espada yujil bʌ tsʌnsa, yic'ot jini jontol bʌ ts'i' yujil bʌ c'ux, yic'ot jini mate'el mut, yic'ot bʌte'el. Tsa cʌq'ueyob i p'ʌtʌlel ili chʌnchajp cha'an mi' jisañob.

Chol de Tumbalá Bible

³ Mi caj cʌc'ob ti chʌmel ti chʌnchajp wocol: jini espada yujil bʌ tsʌnsa, yic'ot jini jontol bʌ ts'i' yujil bʌ c'ux, yic'ot jini mate'el mut, yic'ot bʌte'el. Tsa cʌq'ueyob i p'ʌtʌlel ili chʌnchajp cha'an mi' jisañob.

Jeremias 15:3 Iomraidhean Croise

Salmos 68:23

Cha'an mi la' jisañob. Jini ts'i' mi caj i lembeñob i ch'ich'el, che'en.

Isaias 18:6

Mi caj i chojquelob la' soldadojob ya ba'an te'lemut yic'ot ba'an bʌte'el cha'an mi' c'uxob. Jini xta'jol mi caj i c'uxbeñob i bʌc'tal che' ti' yorajlel ticwal. Jini bʌte'el tac mi caj i c'uxbeñob i bʌquel che' ti' yorajlel tsʌñal, che'en lac Yum.

Jeremias 12:9

Jini c tejclum ba' tsac ña'ta c taj c ñuclel mi' mel i bʌ che' bajche' xiye' yom bʌ i c'uxon. ¿Mach ba joyolic c tejclum ti xta'jol mu' bʌ caj i c'uxob? Cucu pʌyʌ tilel ti we'el pejtel bʌte'el.

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 14:16

Ili winicob mu' bʌ i jac'beñob i t'an mi caj i chojquelob ti' bijlel tac Jerusalén. Mi caj i chʌmelob ti espada yic'ot ti wi'ñal. Ma'anic majch mi caj i mucob. Laj majlemobix i pi'ʌlob yic'ot i yalobilob. Mi caj cʌq'ueñob i toj i mul.

Jeremias 16:4

Mi caj i chʌmelob ti leco bʌ c'amʌjel. Ma'anic majqui mi caj i yuc'tañob. Ma'anic majqui mi caj i mucob. Mi caj i yoc'mʌl i bʌc'tal ti pam lum. Mi caj i jilelob ti machit yic'ot ti wi'ñal. Jini te'lemut ti pañimil yic'ot bʌte'el am bʌ ti jamil mi caj i c'uxob.

Jeremias 7:33

Jini xta'jol yic'ot bʌte'el mi caj i c'uxbeñob i bʌc'tal winicob x'ixicob. Ma'anix mi juntiquilic mu' bʌ caj i ñijcañob majlel, come laj majlemobix i pi'ʌlob.

Lamentaciones 3:11

Mi' chucon, mi' tujc'añon majlel ti mate'el yubil. Lojwemon, tsi' cʌyʌyon ba' ma'anic j coltʌntel.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 33:27

Subeñob ja'el: “Lac Yum Dios woli' yʌl: Isujm mic subeñetla, jini winicob chumulo' bʌ ti jejmen tac bʌ tejclum mi caj i jisʌntelob ti guerra. Jini chumulo' bʌ ti mate'el mi caj i tsʌnsʌntelob yic'ot jontol bʌ bʌte'el. Jini mu' bʌ i mucob i bʌ ti' jajp xajlel yic'ot ti ch'en mi caj i chʌmelob ti jontol bʌ c'amʌjel.

Levitico 26:22

Mi caj c choc tilel ti la' tojlel jontol tac bʌ bʌte'el cha'an mi' jisan la' walobilob yic'ot la' wʌlac'. Che' jini mi caj i pim'an la' bijlel.

Levitico 26:25

Mi caj ti jisañetla espada cha'an ti caj tsa' la' ñusʌbeyon c t'an. Anquese mi la' lon ña'tan la' coltan la' bʌ ya' ti la' tejclum tac, ya'i mi caj cʌq'ueñetla leco bʌ la' c'amʌjel. Wersa mi caj i jisañetla jini la' contrajob.

Amos 5:19

Che'ʌch yilal i Q'uiñilel lac Yum bajche' oso mu' bʌ i chuc winic che' woli' puts'tan bajlum. Lajalʌch bajche' lucum mu' bʌ i c'uxe' che' mi' yochel ti' yotot, che' mi' ñʌcchocon i c'ʌb ti bojte'.

Deuteronomio 28:26

Che' ma' chʌmel, jini xta'jol yic'ot bajlum mi caj i c'ux a bʌc'tal. Ma'anix majqui mi caj i nijcan loq'uel che' woli' c'ux.

Deuteronomio 32:24

Mi caj cʌq'ueñob wi'ñal yic'ot c'ajc, Yic'ot c'amʌjel mu' bʌ caj i tsʌnsañob. Mi caj c choc tilel jontol bʌ bʌte'el Cha'an mi' c'uxob ti jay bʌ i yej. Mi caj c jisañob yic'ot i venenojlel jontol bʌ lucum, cotcotña bʌ ti lum.

Apocalipsis 6:8

Tsaj q'uele, awilan, an juncojt c'ʌnc'ʌn caballo. Jini c'ʌchʌl bʌ ti' pat, i c'aba' Stsʌnsa. Yambʌ c'ʌchlib tsi' tsajca majlel, i c'aba' i Yajñib Chʌmeño' Bʌ. Tsa' aq'uenti i p'ʌtʌlel cha'an mi' tsʌnsan bajc'ʌl winicob ti espada, yic'ot ti wi'ñal, yic'ot ti chʌmel, yic'ot ti jontol bʌ bʌte'el. Ti chʌnchʌntiquil tsa' chʌmi jujuntiquil.