Jeremias 14:9 - Chol: I T’an Dios

⁹ ¿Chucoch ma' tʌts' a bʌ che' bajche' winic mach bʌ yujilic coltaya, che' bajche' laj contra mach bʌ mejlic i coltañonla? Pero wʌ' añet tic tojlel lojon, c Yum. A cʌñʌyonix lojon, a winicon lojon. Mach a cʌyon lojon.

Chol de Tumbalá Bible

⁹ ¿Chucoch ma' tʌts' a bʌ che' bajche' winic mach bʌ yujilic coltaya, che' bajche' laj contra mach bʌ mejlic i coltañonla? Pero wʌ' añet tic tojlel lojon, c Yum. A cʌñʌyonix lojon, a winicon lojon. Mach a cʌyon lojon.

Jeremias 14:9 Iomraidhean Croise

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Salmos 10:1

C Yum, ¿chucoch ma'anic ma' p'ison ti a wenta? ¿Chucoch wola' mʌy a wut che' ti' yorajlel wocol?

Salmos 27:9

Mach a mʌybeñon a wut. Mach a chocon che' mich'et, come a winicon. Tsa'ix a coltayon ti yambʌ ora. Mach a chocon, mach a cʌyon, Dios, caj Coltayajet.

Salmos 46:5

Dios an ti' yojlil jini Tejclum, jini cha'an ma'anic mi caj i ñijcʌntel. Dios mi caj i bʌc' coltan jini año' bʌ ti Tejclum che' ti sʌc'ajel.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Isaias 43:7

Mi caj i laj tilelob mu' bʌ i pejcañoñob ti' yum. Tsac meleyob cha'an mi' tsictesañob c ñuclel. C melbalob.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Isaias 59:1

Ma'anic woli ti jilel i p'ʌtʌlel lac Yum. Wen yujil i coltañetla. Mi' yubiñetla che' mi la' pejcan.

Isaias 63:19

C Yum, ¿chucoch ma' q'uelon lojon che' bajche' sajtem bʌ mach bʌ i cʌñʌyetic, mach bʌ anic mi' yumañet, jini parte bʌ i c'aba' mach bʌ a walobilic?

Jeremias 15:16

Tsac taja a t'an. Tsa cotsa tic pusic'al. Tijicñayon cha'an a t'an. Tsa' ñuc'a c pusic'al, come a cha'añon, c Yum, c tatet, I Dioset Panchan yic'ot Pañimil.

Jeremias 51:5

Come mach cʌybilobic ti meba' Israel yic'ot Judá anquese cabʌlob i mul ti' tojlel jini Ch'ujul Bʌ ti Israel, jiñʌch i Dios, i Yum Panchan yic'ot Pañimil.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Lamentaciones 5:20

¿Chucoch ñajʌyemon lojon a cha'an? ¿Chucoch cʌybilon lojon a cha'an? ¿Mu' ba caj a cʌyon ti pejtelel ora?

Ezequiel 48:35

Ti' joytʌlel jini tejclum an bolomp'ejl kilómetro i tamlel. I c'aba' jini tejclum jiñʌch I Tejclum Dios, che'en lac Yum Dios.

Habacuc 1:2

¿Jayp'ejl to ora yom mic pejcañet c Yum, jinto ma' wubibeñon c t'an? Mic pejcañet ti c'am bʌ t'an: A wocolic coltañon lojon, cho'on, pero ma'anic ma' coltañon lojon.

Zacarias 2:5

Come lac Yum i wentajʌch ts'ajc. Mi caj i joy mʌctañob ti' p'ʌtʌlel yic'ot ti' c'ʌc'al. Lac Yum i ñuclelʌch jini tejclum, che'en jini ángel.

Zacarias 8:3

Mi caj c cha' sujtel ti Jerusalén cha'an mic chumtʌl ya'i. Che' jini mi caj i pejcʌntel Jerusalén ti xuc'ul bʌ Tejclum, Ch'ujul bʌ Wits, jini Wits i cha'an i Yum Panchan yic'ot Pañimil, che'en.

Numeros 11:23

Lac Yum tsi' sube Moisés: ¿Tsa'ix ba jili c p'ʌtʌlel? Mu' to a q'uel mi ma'anic mi' ts'ʌctiyel c t'an, che'en lac Yum Dios.

Hechos 15:17

cha'an mi' sʌclañob lac Yum i colojbal winicob yic'ot pejtelel gentilob mu' bʌ i yubiñob j c'aba'”.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Deuteronomio 23:14

Come ya'ʌch an lac Yum Dios la' wic'ot baqui mi la' majlel cha'an mi' coltañetla, cha'an mi' yʌq'ueñetla ti la' c'ʌb jini la' contrajob. Jini cha'an sʌc yom ya' ba' mi la' much'quin la' bʌ, cha'an ma'anic chuqui bibi' ya'i, ame i tʌts' i bʌ lac Yum ti la' tojlel.

Deuteronomio 28:10

Che' jini pejtel jini yambʌ tejclum tac mi caj i q'uelob ñucʌch i p'ʌtʌlel lac Yum ti la' tojlel. Jini cha'an mi caj i bʌc'ñañet come i cha'añetla lac Yum.

Hebreos 13:5

Mach mi la' tsʌjyun taq'uin. Yom tijicña mi la' wajñel yic'ot chuqui tac an la' cha'an. Come Dios tsi' yʌlʌ: “Ma'anic mi caj a cʌytʌl ti meba'. Ma'anic mi caj j cʌyet”, che'en.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.

1 Samuel 12:22

Ma'anic mi caj i bajñel cʌy i tejclum lac Yum ame ts'a'lentic jini ñuc bʌ i c'aba', come woli' ña'tan ti' pusic'al bajche' yom i yotsañetla ti' tejclum.