Jeremias 14:8 - Chol: I T’an Dios

⁸ Jatet i pijtayajet Israel, la caj coltayajet ti' yorajlel wocol. ¿Chucoch ma' mel a bʌ che' bajche' winic mach bʌ laj cʌñʌyic, che' bajche' winic woli bʌ ti ñajtʌ xʌmbal mu' bʌ i jijlel ti' yotot xjula'ob?

Chol de Tumbalá Bible

⁸ Jatet i pijtayajet Israel, la caj coltayajet ti' yorajlel wocol. ¿Chucoch ma' mel a bʌ che' bajche' winic mach bʌ laj cʌñʌyic, che' bajche' winic woli bʌ ti ñajtʌ xʌmbal mu' bʌ i jijlel ti' yotot xjula'ob?

Jeremias 14:8 Iomraidhean Croise

Salmos 10:1

C Yum, ¿chucoch ma'anic ma' p'ison ti a wenta? ¿Chucoch wola' mʌy a wut che' ti' yorajlel wocol?

Salmos 138:7

Che' an c wocol ma' cʌntañon cha'an uts'at mic ñusan. Ma' pʌs a p'ʌtʌlel ti' contra jini mich'o' bʌ mu' bʌ i contrajiñoñob. Ma' coltañon yic'ot ñoj bʌ a c'ʌb.

Salmos 46:1

Dios lac p'ʌtʌlelʌch, ba' mi lac majlel ti puts'el. Wʌ'ʌch an la quic'ot cha'an mi' coltañonla che' an bʌbʌq'uen bʌ.

Salmos 46:2

Jini cha'an anquese mi' yʌsiyel pañimil ma'anic lac bʌq'uen. Anquese mi ñijcʌyel ochel wits ti mal ñajb,

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 71:5

Wolic pijtañet, c Yum Dios. Tsac ñopoyet c'ʌlʌl che' ch'itoñon to.

Salmos 9:9

Lac Yum mi' wen q'uel jini tic'lʌbilo' bʌ. Lajalʌch lac Yum bajche' melbil bʌ ts'ajc ba' mi mejlel ti ochel jini woli bʌ ti bʌq'uen.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Isaias 33:2

C Yum, p'untañon lojon, come tsa'ix c pijtayet lojon. C p'ʌtʌleletʌch lojon ti jujump'ejl q'uin. Coltañon lojon che' ti' yorajlel wocol.

Isaias 43:11

Joñon jach Yumʌlon. Ma'anic yambʌ xColtaya.

Isaias 43:3

Come joñon a Yumon a Dioson, Ch'ujulon Bʌ i cha'an israelob, a waj Coltayajon. Joñon tsa cʌc'ʌ Egipto, yic'ot Etiopía, yic'ot Seba ti' p'ʌtʌlel jini yumʌl Ciro ti' a q'uexol cha'an mij cʌntañet, Israel.

Isaias 45:15

Isujm ma' mujcun a bʌ Dios, i Dioset bʌ Israel. Ma'anic mij q'uel bajche' ma' mel a we'tel, caj Coltaya.

Isaias 45:21

Mi tsi' coltayetla dioste' subula. Teme la' t'an. Tsictesanla i sujmlel. ¿Majqui tsi' wʌn subu jini woli bʌ i yujtel? ¿Mach ba' anic tsac subu ti wajali? Ma'anic yambʌ Dios. Joñon jach Dioson. Tojon, Xcoltayajon. Ma'anic yambʌ. Joñon jach.

Isaias 63:8

Tsa' wʌlʌ: C cha'añetla. Ma'anix mi caj la' chʌn cʌyon, che'et. Jini cha'an tsa' coltayon lojon.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Jeremias 17:13

Jatet i yaj pijtayajet Israel. Pejtel mu' bʌ i cʌyetob mi' cajelob ti quisin. Chucul i c'aba' ti pañimil, mach ya'ic chucul ti chan, cha'an tsi' cʌyʌyet. Jatet jach i loq'uibet jini Cuxul bʌ Ja'.

Jeremias 30:7

Obolob i bʌ cha'an tsa'ix tili i q'uiñilel ñuc bʌ wocol. Ti pejtelel ora ma'anic yambʌ che' bajche' jini. I yorajlelix mi' yubin wocol Jacob, pero mux caj i coltʌntel.

Jeremias 50:7

I contrajob tsi' tajayob. C'unte' c'unte' tsi' jisayob. Jini xjisayajob tsi' yʌlʌyob: “Ma'anic lac mul, bajñel añob i mul cha'an tsi' cʌyʌyob i Yum, jini toj bʌ i Dios i tatob”, che'ob.

Joel 3:16

Lac Yum mi caj i cha'len c'am bʌ t'an ya' ti' Templo ti Jerusalén. Mi caj i tilel yujquel lum. Mi caj i ñijcʌyel panchan. Pero wen uts lac Yum ti' tojlel i cha'año' bʌ. I xuctilelʌch jini israelob.

Zacarias 9:12

La' la pejtel cʌchʌlet bʌ la, come an la' pijtaya ba' mi la' taj la' coltʌntel. Mic subeñetla mi caj j coltañetla. Cha' ñumel mi caj cʌq'ueñetla i tijicñʌyel la' pusic'al cha'an pejtel la' wocol.

Hechos 28:20

Jini cha'an tsac pʌyʌyetla tilel cha'an mij q'ueletla, cha'an mic pejcanetla, come cʌchʌlon ti cadena cha'an wolic ñop jini mu' bʌ i ñopob winicob x'ixicob ti Israel, che'en Pablo.

1 Timoteo 1:1

Pablojon, apóstolon i cha'an Jesucristo cha'an ti' mandar Dios la caj Coltaya yic'ot lac Yum Jesucristo, lac pijtaya.

Juezob 19:17

Che' bʌ tsi' sutq'ui i wut jini xñox, tsi' q'uele jini winic am bʌ ti calle. Tsi' sube: ¿Baqui samiyet? ¿Baqui ch'oyolet? che'en.