Jeremias 14:7 - Chol: I T’an Dios

⁷ Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Chol de Tumbalá Bible

⁷ Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Jeremias 14:7 Iomraidhean Croise

Esdras 9:15

Tojet c Yum, i Dioset bʌ Israel. P'untañon lojon, come i colojbalon lojon Israel mu' bʌ c ñopet lojon. Wʌ' añon lojon ti a tojlel yic'ot c mul lojon. Muq'uic a wen melon lojon ti toj, ma'anic majqui mi mejlel i wa'tʌl ti a tojlel. Cho'on tsac sube ti oración.

Salmos 115:1

Tsictesan i ñuclel a c'aba', c Yum, Mach cha'anic mij q'uejlel lojon ti ñuc, pero cha'an ma' q'uejlel ti ñuc. Cha'an cabʌl a c'uxbiya, wen xuc'ulet.

Salmos 25:11

Cha'an ma' wʌc' ti cʌjñel a c'aba', C Yum, ñusʌbeñon c mul come cabʌl.

Salmos 79:9

Dios, caj Coltayajet, cʌntañon lojon cha'an uts'atax a c'aba'. Loc'sañon lojon ti mulil. Ñusʌbeñon lojon c mul cha'an ma' wʌc' ti ñuc a c'aba'.

Isaias 48:11

Tsa cʌq'ueyet a tsico' pusic'al cha'an i c'uxbintel j c'aba' yic'ot cha'an ti' caj c ñuclel ame p'ajlecon cha'an jini mach bʌ i cʌñʌyoñobic.

Isaias 59:12

Cabʌlix la' mul ti' wut Dios. Mi' tsictesañetla cha'an xmuliletla. Isujm, la cujil xmulilonla.

Jeremias 10:19

Obol c bʌ. Cabʌl c wocol. Wen ch'ijiyemon. Mach yujilic lajmel c wocol. Wersa mij cuch.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 3:6

Che' woli to ti yumʌl jini rey Josías, lac Yum tsi' subeyon: ¿Tsa' ba a q'uele bajche' tsi' mele Israel che' bʌ tsi' cʌyʌyon? Tsajni i ch'ujutesan i diosob ti yebal te' tac ti jujump'ejl bujtʌl che' bajche' sts'i'lel x'ixic mu' bʌ i yʌc' i bʌ ti pi'lentel cha'an winicob mach bʌ i ñoxi'alic.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 8:14

¿Chuqui woli lac pijtan? ¿Chucoch buchulonla? Tempan la' bʌ. Conla ti chʌmel ya' ba' ts'ajquibil tejclum. Come lac Yum tsi' wʌn ña'ta i yʌc'onla ti chʌmel. Tsi' yʌq'ueyonla lac jap veneno cha'an ti' caj lac mul.

Jeremias 8:5

Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Ezequiel 20:14

Pero tsa' caji c cha' coltañob cha'an mi cʌc' ti ñuc j c'aba' ame wajlenticon cha'an jini ya' bʌ chumulob ba' tsac loc'sayob.

Ezequiel 20:22

Pero tsac tiq'ui c bʌ cha'an mi cʌc' ti ñuc j c'aba' ame i wajleñob jini tejclumob ba' tsac pʌyʌyob loq'uel.

Ezequiel 20:9

Pero ma'anic tsac jisayob. Tsaj coltayob cha'an mi cʌc' ti ñuc j c'aba' ame wajlentic ti' tojlel jini egiptojob ya' ba' chumulob. Jini cha'an tsa cʌq'ueyob i cʌn che' bʌ tsac loc'sayob ti' lumal Egipto.

Oseas 5:5

Woli' chañ'esan i bʌ Israel. Asibilix cha'an i mul. Judá ja'el woli' yʌsʌyel ti mulil. Temel mi caj i yajlelob.

Oseas 7:10

Wen tsiquil i mul che' chan mi' mel i bʌ, pero ma'anic mi' p'is ti' wenta cha'an mi' cha' sutq'uin i bʌ tic tojlel. Ma'anic majqui mi' sʌclañon.

Amos 7:2

Jini mote' sajc' tsi' lu' c'uxu jini woli bʌ ti colel ti lum. Tsa cʌlʌ: C Yum Dios, awocolic ñusʌben i mul Israel. ¿Bajche' mi mejlel i cuch wocol i p'olbal Jacob? come mach cabʌlobic, cho'on tsac sube.

Miqueas 7:9

Mi caj j cuch che' mi' ju'sʌbeñon c pusic'al lac Yum, come tsac cha'le mulil ti' contra lac Yum. Mi caj i coltañon loq'uel ti' wenta j contrajob. Mi caj i yʌq'ueñob i toj i mul cha'an tsi' tic'layoñob. Mi caj i loc'sañon ba' i'ic' pañimil cha'an mi cajñel ti' sʌclel pañimil. Mi caj i pʌsbeñon i yutslel.

Efesios 1:12

Yom mi lac tsictesan i ñuclel, joñonla tsa' bʌ lac ñaxan taja lac pijtaya ti Cristo.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Deuteronomio 32:27

Pero mach che'ic tsac mele ame i lon chañ'esañob i bʌ i contrajob che' mi' jisʌntelob jini israelob, Ame mi' lon alob: “Tsa' mʌjli lac cha'an ti lac bajñel p'ʌtʌlel. Mach jinic i ye'tel lac Yum”, ame lon che'icob.

Josue 7:9

Che' mi' yubiñob jini cananeojob yic'ot pejtelel chumulo' bʌ ya' ti lum, mi caj i joy mʌctañon lojon. Mi caj i jisañon lojon. ¿Chuqui mi caj a mel che' jini, cha'an i ñuclel a c'aba'? che'en Josué.