Jeremias 14:3 - Chol: I T’an Dios

³ Jini yumʌlob mi' chocob majlel winicob ti luch ja'. Mi' c'otelob ti' yajñib ja' pero tiquinix. Mi' tsicob i pusic'al come mi' to'ol sujtelob.

Chol de Tumbalá Bible

³ Jini yumʌlob mi' chocob majlel winicob ti luch ja'. Mi' c'otelob ti' yajñib ja' pero tiquinix. Mi' tsicob i pusic'al come mi' to'ol sujtelob.

Jeremias 14:3 Iomraidhean Croise

2 Samuel 15:30

Tsi' cha'le uq'uel David che' bʌ tsa' letsi majlel ya' ti ñʌcʌcña bʌ wits ba'an olivote'. Che' woli' letsel majlel, ma'anic i pixol mi i warachic. Pejtelel jini winicob tsa' bʌ i tsʌcleyob majlel woliyob ti uq'uel ja'el.

2 Samuel 19:4

Pero jini rey tsi' mucu i wut. C'am tsi' chʌn uc'ta Absalón: ¡Bajche' tsa' ujtiyet, calobil, bajche' tsa' ujtiyet, Absalón, calobil! che'en David.

1 Reyob 17:7

Che' ñumenix cabʌl q'uin tsa' tiqui jini pa', come jamʌl to pañimil. Tsa' lajmi ja'al che' bajche' tsi' yʌlʌ Elías.

2 Reyob 18:31

Mach la' jac'ben i t'an jini Ezequías. Ac'ʌ la' bʌ tic wenta. Che' jini ñʌch'ʌl mi caj la' chʌn ajñel ti la' lumal. Ti wi'il mi caj c pʌyetla majlel ti yambʌ lum uts'at bʌ che' bajche' iliyi ba'an wen bʌ c'ajbal, yic'ot trigo, yic'ot i ya'lel ts'usub, yic'ot olivote', yic'ot chab. Mi uts'at mi la' jac' c t'an, ma'anic mi caj la' chʌmel. Mach la' jac'ben i t'an Ezequías come woli' lotiñetla che' mi' subeñetla: Lac Yum mi caj i coltañonla, lon che'en.

Ester 6:12

Che' ujtemix jini, tsa' sujti Mardoqueo ti' ti' yotot rey. Amán tsa' puts'i majlel ti' yotot, mosol i jol cha'an ch'ijiyem i pusic'al.

Job 6:20

Che'ʌch añon ti la' tojlel bajche' jini am bʌ i tiquin ti'. Mach c tajayic chuqui tsac pijta. Ma'anic mi la' ñuq'uesʌbeñon c pusic'al. Mi la' sutq'uin la' bʌ cha'an bʌq'uen. Ma'anic mi la' coltañon.

Salmos 109:29

La' ts'a'lenticob j contrajob. La' i cha'leñob quisin che' bajche' xojol bʌ i cha'an bibi' bʌ pisil, come tsi' yʌc'ʌyob i bʌ ti jontolil.

Salmos 40:14

La' i cha'leñob quisin jini yomo' bʌ i tic'lañon. La' toj sajticob i pusic'al. La' yʌsʌnticob jini yomo' bʌ i jisañon.

Jeremias 14:4

Baqui jach mi' ñumelob ti sʌclaya tiquinix pañimil, come anix ora ma'anic woli ja'al. Ma'anix i ye'tel mu' bʌ i top'ob lum. Mi' melob i pusic'al.

Jeremias 15:18

¿Chucoch c'ux c pusic'al ti pejtelel ora? ¿Chucoch mach yujilic lajmel c lojwel? ¿Lajal ba mi caj a pʌs a bʌ tic tojlel che' bajche' pa' tiquin bʌ i ya'lel?

Jeremias 2:13

Come cha'chajp i mul c winicob x'ixicob. Tsi' cʌyʌyoñob, anquese joñon Cuxul bʌ Ja'on. Tsi' wersa t'oboyob xajlel cha'an mi' yajñel i ya'al. Tsi' sajcayob ja' ba' bajñel yomob i pusic'al. Mu' jach i jilel i ya'al cha'an tocolix i yajñib.

Jeremias 2:37

Mi caj a tʌts' a bʌ ti' tojlelob che' bajche' xch'oc woli bʌ i mel i pusic'al che' leco tsa' tic'lʌnti. Ts'a'lebilob ti lac Yum jini winicob ba' wola' lon c'ajtin a coltʌntel. Mach muq'uic i coltañet.

Jeremias 20:11

Pero wʌ'an c Yum quic'ot. Wen yujil guerra. Mi' bʌc'tesan j contrajob. Jini cha'an mi' cajelob ti yajlel. Mach mʌjlic i cha'añob. Mi caj i yubiñob quisin come mach uts'atic bajche' woli' melob. Ma'anic mi caj i ñusʌbentel i mul ti pejtelel ora.

Jeremias 3:3

Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Lamentaciones 4:4

Lʌp'ix i yac' alʌlob cha'an tiquin i ti'. Jini alʌlob mi' c'ajtiñob waj, pero ma'anic majqui mi' xut'beñob.

Oseas 2:3

Mi mach yomic i jac', mi caj c junyajlel jochben i pislel. Pits'il mi caj j cʌy che' bajche' tsi' yila pañimil. Mi caj c chilben i bʌl i ñʌc' yic'ot i ya'al che' bajche' ti tiquin lum ba' mi' chʌmelob ti wi'ñal yic'ot tiquin ti'.

Joel 1:20

Jini bʌte'el ja'el mi' pejcañet ti c'am bʌ t'an come ma'anix ja'. Tsa'ix tiqui tac jini pa'. Jini potrero woli' pulel ti q'uin.

Amos 4:7

Joñon tsac tiq'ui ja'al cha'an ma'anic mi' yajlel ba' añetla che' ti' yorajlel, che' anto yom uxp'ejl uw c'ajbal. Ti jump'ejl tejclum tsac choco tilel ja'al. Ti yambʌ tejclum ma'anic tsac choco tilel ja'al. Xint'umul tac tsa' yajli ja'al ti lum. Ya' ba' ma'anic tsa' yajli woli' tiquin pʌc'ʌbʌl.

Amos 4:8

Tsa' loq'uiyetla ti cha'p'ejl uxp'ejl tejclum cha'an mi la' sʌclan majlel ja' ti yambʌ tejclum cha'an mi la' jap. Pero ma'anic tsa' lajmi la' tiquin ti', come mach jasʌlic jini ja'. Pero ma'anic tsa' la' sutq'ui la' bʌ ba' añon. Che'ʌch woli' yʌl lac Yum.

Zacarias 14:17

Pero obolob i bʌ pejtel winicob mach bʌ yomobic letsel ti Jerusalén cha'an mi' ch'ujutesañob jini Rey, i Yum Panchan yic'ot Pañimil. Ma'anic mi caj i yajlel ja'al ti' tojlelob.