Jeremias 14:2 - Chol: I T’an Dios

² Woliyob ti uq'uel jini año' bʌ ti Judá. Ma'anix mi' tilelob xchoñoñelob ti' ti' tejclum. Pʌcʌlob ti lum woliyob ti uq'uel. Ti ñajtʌl mi' yubintel.

Chol de Tumbalá Bible

² Woliyob ti uq'uel jini año' bʌ ti Judá. Ma'anix mi' tilelob xchoñoñelob ti' ti' tejclum. Pʌcʌlob ti lum woliyob ti uq'uel. Ti ñajtʌl mi' yubintel.

Jeremias 14:2 Iomraidhean Croise

Job 34:28

Pero Dios tsi' yubibeyob i yuq'uel jini p'ump'uño' bʌ. Tsi' yubibeyob i t'an jini tic'lʌbilo' bʌ.

Salmos 144:14

Cabʌl i cuch tat wacax. Ma'anic chuqui leco ti calle tac ba' chumulon lojon. Ma'anic wʌlwʌl t'an mi uq'uel.

Exodo 2:24

Tsi' ña'ta jini xuc'ul bʌ t'an tsa' bʌ i yʌq'ue Abraham yic'ot Isaac yic'ot Jacob.

Isaias 15:5

Wen ch'ijiyem mi cubin cha'an i wocol jini año' bʌ ti Moab. Mi' puts'elob majlel c'ʌlʌl ti Zoar yic'ot ti Eglat. We'ecñayob mi' letselob majlel ya' ti' witsilel Luhit. Tsiquil i yuq'uel ti' i bijlel Horonaim, come talob jini yujilo' bʌ jisaya.

Isaias 24:11

Motocñayob winicob ti calle, woli' wersa c'ajtiñob vino. Ma'añobix i tijicñʌyel i pusic'al.

Isaias 24:4

Pujch'emix pañimil cha'an i mulob winicob x'ixicob. Tiquinix jini pʌc'ʌbʌl tac, ma'anix ja'al. Cabʌl mi' p'ojlel jontolil. Jini ñuco' bʌ tsa'ix i socbeyob i mandar Dios. Tsa'ix i cʌyʌyob jini xuc'ul bʌ i t'an mu' bʌ i yajñel ti pejtelel ora.

Isaias 24:7

Ch'ijiyem i pusic'al. Mach yujilobix c'ay yic'ot son, come ma'anix mi' yʌc' i wut jini ts'usubil. Mach jastiyix i ya'lel ts'usub.

Isaias 3:26

Jini xtejclumob mi' cajelob ti uq'uel. Mi caj i lʌpob i pislel meba'ob. Ch'ijiyem mi caj i cʌytʌl jini tejclum. Jejmenix i ti' tac.

Isaias 33:9

C'ax ch'ijiyemob jax jini año' bʌ ti Israel. Tiquinix jini te'el Líbano. Jini Sarón tsa'ix sujti ti tiquin bʌ lum. Tsa'ix laj p'ajti i yopol te' ya' ti Basán yic'ot Carmelo.

Isaias 5:7

Jini i ts'usubil i Yum Panchan yic'ot Pañimil, jiñʌch Israel yic'ot Judá. Jiñʌch i pʌc'ʌb c'uxbibil i cha'an. Lac Yum tsi' lon pijta cha'an mi' wen jac'beñob i mandar, pero laj stsʌnsajob. Tsi' lon pijta chuqui tac uts'at. Tsa' jach i yubibeyob i yuq'uel jini tic'lʌbilo' bʌ.

Jeremias 11:11

Jini cha'an p'isi ti a wenta, wolic chocbeñob tilel ñuc bʌ wocol. Mach mejlicob ti puts'el. Anquese mi' lon c'ajtiñob, ma'anic mi caj cubin.

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 18:22

La' ubintic ti ñajtʌl i yoñel che' mi' bʌc' tilelob i contrajob cha'an mi' jisañob. Come tsi' piquiyob lum cha'an mic yajlel ochel. Tsi' yʌc'ʌyob yac tic bijlel.

Jeremias 4:28

Jini cha'an la' i yuc'tañob i lumal. La' mʌjquic yic'ot i'ic' bʌ pisil yilal jini q'uin, cha'an tsac cha'le t'an. Tsac wʌn ña'ta tic pusic'al bajche' mi caj c mel. Mach quepelic mi caj j cʌy. Ma'anic mij q'uextan c pusic'al, che'en lac Yum.

Jeremias 46:12

Ti pejtelel pañimil tsi' yubiyob cha'an tsa' t'uchtʌntiyetla. Woliyetla ti quisin. Ti ñajtʌl mi' yubintel a woñel, come tsi' cujuyob i bʌ jini p'ʌtʌlo' bʌ. Temel tsa' yajliyob.

Jeremias 8:21

C'unix pañimil mi cubin cha'an woliyob ti wocol c pi'ʌlob. Wocol mi cubin ja'el. Mic cha'len uq'uel. C'ux c pusic'al cha'an wen ch'ijiyemon.

Lamentaciones 2:8

Lac Yum tsi' yʌc'ʌ ti jisʌntel i ts'ajquil Sion che' bajche' tsi' wʌn ña'ta ti' pusic'al. Tsi' yotsʌbe i mojonlel tejclum ba' jaxʌl mi' jisʌntel. Jini cha'an tsa' yajli ts'ajc ti' tojlel.

Lamentaciones 2:9

Ma'anix i c'ʌjñibal i ti' tac tejclum. Jejmenix pejtel i c'ʌclib yic'ot i barate', come lac Yum tsi' jisayob. Majlemobix ti ñajtʌl jini rey yic'ot año' bʌ i ye'tel. Ma'anix majqui mi' chʌn cʌntesañob ti ley. Lac Yum tsi' cʌyʌ i pejcan jini x'alt'añob.

Lamentaciones 5:10

Wen ticʌw jax c pʌchʌlel lojon che' bajche' c'ajc. Woliyon lojon ti c'ajc cha'an wi'ñayon lojon.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Joel 1:10

Ma'anix chuqui an ti pʌc'ʌbʌl. Wen ch'ijiyemob ti pejtelel pañimil, come jilemix jini trigo yic'ot ts'usub yic'ot jini aceite loq'uem bʌ ti olivote'.

Joel 1:11

Melelʌch, woli' toj sajtel la' pusic'al mu' bʌ la' cha'len e'tel ti lum. Cha'lenla uq'uel mu' bʌ la' cha'len e'tel ti ts'usubil tac, come tsa'ix jili jini trigo yic'ot cebada.

Joel 1:14

Tempanla winicob x'ixicob. Subeñob cha'an mi' cha'leñob ch'ajb. Pʌyʌla tilel ti pejtelob yic'ot añobix bʌ i jabilel ya' ti' Templo lac Yum Dios. Cha'lenla uq'uel ti' tojlel lac Yum.

Joel 2:6

Mi' toj sajtelob i pusic'al winicob x'ixicob cha'an bʌq'uen. Mi' sʌc'añob i wut cha'an bʌq'uen.

Hageo 1:11

Tsa cʌc'ʌ jajmel ti pejtelel lum yic'ot ti pejtelel wits tac, cha'an ma'anic mi' colel trigo. Ma'anic i ya'lel ts'usub mi aceite. Mi' tiquin pejtelel pʌc'ʌbʌl tac. Jini cha'an mi' yubiñob wocol winicob x'ixicob yic'ot alʌc'ʌl. Mi' laj jilel pejtelel la' we'tel mu' bʌ la' mel, che'en lac Yum.

Zacarias 7:13

Tsac pʌyʌyob, pero ma'anic tsi' yubiyob. Jini cha'an ba' ora tsi' pejcayoñob, ma'anic tsac jac'beyob i t'an ja'el.

1 Samuel 5:12

Jini mach bʌ anic tsa' chʌmiyob tsa' p'ojliyob i chʌcajl. Tsa' c'ʌlʌ letsiyob i yuq'uel ti panchan.

1 Samuel 9:16

Ijc'ʌl che' bajche' ili ora mi caj c choc tilel winic ch'oyol bʌ ti Benjamín. Jiñʌch yom bʌ ma' bon ti aceite cha'an ma' wa'chocon ti yumʌl ti' tojlel c tejclum Israel. Mi caj i coltan c tejclumob cha'an mi' loq'uelob ti' c'ʌb filisteojob, come tsa'ix c wen q'uelbeyob i wocol c cha'año' bʌ. Tsa'ix c'oti tic chiquin jini c'am bʌ i t'añob, che'en.