Jeremias 14:12 - Chol: I T’an Dios

¹² Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Chol de Tumbalá Bible

¹² Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 14:12 Iomraidhean Croise

Job 27:9

Che' mi' cajel ti oñel cha'an wocol, ¿mu' ba i yubin Dios?

Proverbios 1:28

Ti jim bʌ ora mi caj i pejcañoñob, pero ma'anic mi caj c jac'beñob. Mi caj i wersa sʌclañoñob. Mach i tajayoñobic.

Proverbios 15:8

Lac Yum ts'a'atax mi' q'uel i majtan ti' c'ʌb xjontolilob, pero tijicña i pusic'al cha'an i yoración jini tojo' bʌ.

Proverbios 21:27

Ts'a' mi' q'uel lac Yum i majtan mu' bʌ i yʌq'uen sajtemo' bʌ. Jini woli bʌ ti jontolil mi' lon ña'tan i yuts'esʌben i pusic'al lac Yum yic'ot i majtan.

Proverbios 28:9

Jini mach bʌ anic mi' ñoj jac' i cʌntesʌntel mux i ts'a'libentel i yoración ja'el.

Isaias 58:3

Mi' subeñoñob: Lolom jach mic cha'len lojon ch'ajb. Cʌxti muq'uic a q'uel. ¿Chucoch mic lon tic'lan c bʌ ti cabʌl wocol che' ma'anic ma' p'ison lojon ti wenta? che'ob. Pero ti' q'uiñilel ch'ajb mi la' mel chuqui mi la' bajñel ña'tan ti la' pusic'al. Mi la' to'ol c'ʌn ti wocol e'tel jini x'e'telob la' cha'an.

Jeremias 11:11

Jini cha'an p'isi ti a wenta, wolic chocbeñob tilel ñuc bʌ wocol. Mach mejlicob ti puts'el. Anquese mi' lon c'ajtiñob, ma'anic mi caj cubin.

Jeremias 11:14

Jini cha'an, Jeremías, mach ma' tajob ti oración ili winicob x'ixicob, come ma'anic mi caj cubiñob che' mi' pejcañoñob ti' yorajlel wocol.

Jeremias 15:1

Lac Yum tsi' subeyon: Mach uts'atic mi caj c pʌs c bʌ ti' tojlel ili winicob. Muq'uic i xin otsañob i bʌ Moisés yic'ot Samuel cha'an mi' c'ajtibeñoñob wocol t'an, ma'anic mic jac'beñob. Chocoyob loq'uel tic tojlel. Subeñob majlel.

Jeremias 16:4

Mi caj i chʌmelob ti leco bʌ c'amʌjel. Ma'anic majqui mi caj i yuc'tañob. Ma'anic majqui mi caj i mucob. Mi caj i yoc'mʌl i bʌc'tal ti pam lum. Mi caj i jilelob ti machit yic'ot ti wi'ñal. Jini te'lemut ti pañimil yic'ot bʌte'el am bʌ ti jamil mi caj i c'uxob.

Jeremias 21:6

Mi caj c choc tilel bʌbʌq'uen bʌ c'amʌjel ti ili tejclum cha'an mi' chʌmelob winicob x'ixicob yic'ot i yʌlac'.

Jeremias 24:10

Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 6:20

Lolom jach mi la' ch'ʌmbeñon tilel pom ch'oyol bʌ ti Seba yic'ot canela ch'oyol bʌ ti ñajtʌl. Mach uts'atic mij q'uel c majtan ti la' c'ʌb. Lolom jach mi la' wʌq'ueñon c majtan ti pulʌntib. Mach xojocñayic mi cubin, che'en.

Jeremias 8:13

Mi caj i sʌc jilel ts'usubil yic'ot higo. Mi caj i tiquin i yopol te'. Mach i chʌn tajayobix jini uts'at tac bʌ tsa' bʌ c chajpʌbeyob, che'en lac Yum.

Jeremias 9:16

Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Ezequiel 14:19

Che' mij contrajiñob yic'ot jontol bʌ c'amʌjel, mi caj i laj jisʌntelob yic'ot pejtelel cotol tac bʌ.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 8:18

Jini cha'an tic mich'lel mi caj cʌq'ueñob i toj i mul. Ma'anic mi caj c p'untañob, ma'anic mi caj j coltañob. Che' mi' cha'leñob oñel yic'ot c'am bʌ t'an, ma'anic mi caj c ñich'tañob. Che' tsi' yʌlʌ lac Yum.

Oseas 5:6

Mi caj i tilelob yic'ot tiñʌme' yic'ot wacax cha'an mi' sajcañob lac Yum, pero mach i tajayobic, come tsa'ix ñumi i yorajlel. Tsi' tʌts'ʌ i bʌ lac Yum. Ma'anix woli' coltañob.

Amos 5:21

Ts'a' mij q'uel jini q'uiñijel mu' bʌ la' mel. Mi' c'ojyel cubin. Ma'anic mij q'uel ti uts'at che' mi la' tempan la' bʌ.

Miqueas 3:4

Anquese cabʌl la' mul, mi la' c'ajtiben lac Yum la' coltʌntel che' ti' yorajlel wocol. Pero ma'anix mi caj i chʌn jac'beñetla. Mi caj i mʌy i wut ti la' tojlel cha'an jontol la' melbal.

Zacarias 7:13

Tsac pʌyʌyob, pero ma'anic tsi' yubiyob. Jini cha'an ba' ora tsi' pejcayoñob, ma'anic tsac jac'beyob i t'an ja'el.

Malaquias 1:10

Uts'at anic juntiquil mu' bʌ i ñup'ben i ti' Templo cha'an ma'anix mi la' chʌn tsuc' jini c'ajc ti pulʌntib. Ma'anic mij q'ueletla ti uts'at, che'en i Yum Panchan yic'ot Pañimil. Ma'anic mic ch'ʌm tic wenta jini majtañʌl mu' bʌ la' wʌq'ueñon.

Malaquias 2:13

An yambʌ la' mul mu' bʌ la' mel. Mi la' cha'len uq'uel ya' ba' mi' yʌq'uentel i majtan lac Yum, come ma'anix mi' q'uel ti uts'at i majtan mu' bʌ la' wʌq'uen. Ma'anix mi la' tajben i yutslel i pusic'al lac Yum.

Apocalipsis 6:8

Tsaj q'uele, awilan, an juncojt c'ʌnc'ʌn caballo. Jini c'ʌchʌl bʌ ti' pat, i c'aba' Stsʌnsa. Yambʌ c'ʌchlib tsi' tsajca majlel, i c'aba' i Yajñib Chʌmeño' Bʌ. Tsa' aq'uenti i p'ʌtʌlel cha'an mi' tsʌnsan bajc'ʌl winicob ti espada, yic'ot ti wi'ñal, yic'ot ti chʌmel, yic'ot ti jontol bʌ bʌte'el. Ti chʌnchʌntiquil tsa' chʌmi jujuntiquil.