Jeremias 14:10 - Chol: I T’an Dios

¹⁰ Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Chol de Tumbalá Bible

¹⁰ Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Jeremias 14:10 Iomraidhean Croise

1 Reyob 17:18

Jini x'ixic tsi' sube Elías: Jatet i winiquet bʌ Dios, ¿chuqui tsac melbeyet? ¿Tsa' ba tiliyet cha'an ma' tsictesʌbeñon c mul, cha'an ma' wʌc' ti chʌmel jini calobil? che'en.

Salmos 119:101

Ma'anic tsac jac'ʌ c pʌyol ti mulil Cha'an com c jac'beñet a t'an.

Salmos 95:10

Cha'c'al jab tsac mele c pusic'al cha'añob. Tsa cʌlʌ: Cabʌl mi' tajob i sajtemal jini winicob x'ixicob. Mach i cʌñʌyobic c bijlel, cho'on.

Exodo 32:34

Wʌle, cucu, pʌyʌ majlel jini winicob ba' tsac subeyet. A wilan, ñaxan mi caj i majlel cAngel ti a tojlel. Pero che' ti' yorajlel toj mulil, joñon mi caj cʌq'ueñob i tojol i mul, che'en lac Yum.

Jeremias 2:36

¿Chucoch ma' ñajtʌ ñumel ti xʌmbal ba' jaxʌl a lum cha'an ma' sʌclan a coltʌntel ti' tojlel jini mach bʌ a cʌñʌyic? Ma' cajel ti quisin cha'an tsa' ña'ta a taj a coltʌntel ti Egipto, che' bajche' tsa' cha'le quisin cha'an Asiria.

Jeremias 3:13

Jini jach yom ma' mel a bʌ quic'ot. Subu a mul cha'an tsa' ñusʌbe i t'an a Yum Dios. Tsa' cha'le ts'i'lel ti' tojel c wut. Tsa' ch'ujutesa dios tac ti' yʌxñʌlel pejtel te' cha'an mach a womic a jac'beñon c t'an.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Jeremias 6:20

Lolom jach mi la' ch'ʌmbeñon tilel pom ch'oyol bʌ ti Seba yic'ot canela ch'oyol bʌ ti ñajtʌl. Mach uts'atic mij q'uel c majtan ti la' c'ʌb. Lolom jach mi la' wʌq'ueñon c majtan ti pulʌntib. Mach xojocñayic mi cubin, che'en.

Jeremias 8:5

Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Ezequiel 29:16

Jini israelob ma'anix mi caj i c'ajtiñob i coltʌntel ti Egipto. Mi' cajelob ti quisin che' mi' ña'tañob bajche' tsi' lon c'ajtiyob ti yambʌ ora. Che' jini mi caj i ña'tañob i Yumon i Dioson”, che'en.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Oseas 11:9

Anquese cabʌl c mich'ajel, ma'anic mi caj c cha' jisañet, Efraín. Come joñon Dioson. Mach lajalonic bajche' winicob. Joñoñʌch jini Ch'ujul Bʌ ti la' tojlel. Mach cha'anic jisaya tsa' tiliyon.

Oseas 7:13

Obolob i bʌ cha'an tsi' cʌyʌyoñob. Jini cha'an wersa mi caj i jisʌntelob, come tsa'ix i ñusʌbeyoñob c mandar. Ti pejtelel c pusic'al com coltañob, pero ma'anic tsi' ñopoyob come tsʌtsob i pusic'al.

Oseas 7:2

Ma'anic mi' ña'tañob mi wolij q'uelob. Laj tsiquil i jontolil ti' tojel c wut.

Oseas 8:13

Jini israelob mi' yʌq'ueñoñob cotol bʌ c majtan. Mi' c'uxob jini we'elʌl, pero mach tijicñayic mij q'uel. Mach ñajʌyic c cha'an i mul. Mi caj c melob. Mi caj cʌq'ueñob i toj i mul. Mi caj i cha' majlelob ti majtan e'tel ti Egipto.

Oseas 9:9

Leco jax bajche' mi' melob che' bajche' tsi' meleyob ti Gabaa. Ma'anic mi' ñajʌyel i cha'an Dios. Mach jalix mi caj i yʌq'ueñob i toj i mul.

Amos 3:2

Jatet jach j cʌñʌyetla ti' tojlel pejtel tejclum tac ti pañimil. Jini cha'an mi caj c ju'sʌbeñetla la' pusic'al cha'an pejtelel la' jontolil.

Amos 5:22

Anquese mi la' pulbeñon c majtan, anquese mi la' wʌq'ueñon c majtan melbil bʌ ti trigo, ma'anic mi caj c ch'ʌm la' wacax mu' bʌ la' wʌq'ueñon cha'an mi' ñʌjch'el c pusic'al.

Hebreos 8:12

come mi caj c ñusʌbeñob i mul. Ma'anic mi caj c chʌn ña'tʌbeñob i jontolil”. Che' tsi' yʌlʌ Dios.

1 Samuel 15:2

Lac Yum i Dios Panchan yic'ot Pañimil woli' yʌl: “Joñon mi caj cʌq'ueñob wocol jini amalecob cha'an tsi' tic'layob israelob che' bʌ tsi' mʌcbeyob i bijlel che' loq'uemobix ti Egipto.